Fillitagol 15:7 - Dewtere Laamɗo Fulfulde Burkina Faso

⁷ Si gooto ley sakiraaɓe mon talkiɗii nder galluuje mon ley leydi ndi Joomiraaɗo, Laamɗo mooɗon hokkata on ndiin fu, taa njoornon ɓerɗe mon de kunngoɗon nyamlaade ɗum buuɗi.

Fillitagol 15:7 ပူးပေါင်းရင်းမြစ်များ

Nehemiya 5:1

Ley balɗe ɗeen woodi worɓe e rewɓe wullitiiɓe Yahuudiyankooɓe sakiraaɓe muɓɓen saabe ngaɗii ɓe ko boni.

Ester 9:19

Ɗum hollata ko saabi de Yahuudiyankooɓe gure ladde e galluuje pamare na kiira nder seyo manngo e hokkondirgol dokke nyannde 14 lewru Adar.

Ester 9:22

Saabe balɗe ɗeen Yahuudiyankooɓe keɓunoo baawɗe dow wayɓe muɓɓen. Ley lewru nduun, suno maɓɓe waylitii seyo, mettorgal maɓɓe du, waylitii weltaare mawnde. Iɓe ngaɗa hiirooji hitaande fuu wakkati lewru nduun, iɓe ceyoo, iɓe kokkondira dokke e nyaamdu, iɓe mballita talkaaɓe saabe ɓe keɓii jooɗaade e jam hakkunde wayɓe maɓɓe.

Wurtagol 22:25

Si goɗɗo nyamlake ceede to maaɗa, de njaɓuɗaa suddamaare muuɗum faa laatoo tolma fu, sey kokkitaa mo nde illa naange saamaay.

Banndi 19:17

Moƴƴanɗo talkaaɓe wuƴake Joomiraaɗo, Joomiraaɗo du yoɓan joomum.

Banndi 21:13

Banyuɗo nanude bojji talkaajo, kam du woyan de hettintaake.

Lewinkooɓe 25:35

Si sakiike mooɗon talkiɗii faa hunngake ko wuurda fu, mballiron ɗum ko wuurda ɗakkol mooɗon hono no mballirton janano maa beero noon.

Matta 18:30

Ammaa o jaɓaay. O uddowi ɗum e kasu, faa ɗo yoɓi nyamaande ndeen fuu.

Matta 5:42

Si goɗɗo ŋaarake ma, hokku ɗum. Si goɗɗo wi'ii mbuƴoɗaa ɗum fu, taa salana ɗum.

Fillitagol 15:11

Talkaaɓe tawetee ley leydi mon wakkati fuu. Wo saabe ɗuum de miɗo hokka on yamiroore ndee: moƴƴanon sakiraaɓe mon talkaaɓe e tampuɓe wonɓe ley leydi mon.

Fillitagol 15:9

Kakkilon, taa miilooji bonɗi koomta on de mbi'on: «Hitaande jeɗɗaɓerde nde yaafagol nyamaale ndeen ɓadake.» Taa ndaardon sakiike mon talkaajo oon bonde de kunngoɗon hokkude ɗum faa'e, sabo o wullitoto to Joomiraaɗo saabe ko ngaɗuɗon o ɗuum de waddana on hakke.

Fillitagol 24:14

Taa torron golloowo mon talkaajo nde wo sakiike mon naa janano gonɗo ley leydi mon, jooɗiiɗo nder galluuje mon fuu.