Fillitagol 14:29 - Dewtere Laamɗo Fulfulde Burkina Faso

²⁹ Ndeen Lewinkooɓe ɓe ngalaa ndongu hakkunde mooɗon ɓeen e jananɓe e atiime'en e rewɓe ɓe goriraaɓe muɓɓen maayi jooɗiiɓe ley galluuje ɗeen ngaran nyaama faa kaara de Joomiraaɗo, Laamɗo mooɗon barkina golleeji mooɗon fuu.

Fillitagol 14:29 ပူးပေါင်းရင်းမြစ်များ

Banndi 11:24

Goɗɗo na feccira jawdi mum, de ndi ɓeydoo, goɗɗo du na yoorida e mayri, de ndi ɓuytoo.

Banndi 19:17

Moƴƴanɗo talkaaɓe wuƴake Joomiraaɗo, Joomiraaɗo du yoɓan joomum.

Lewinkooɓe 19:34

Ndaardon ɗum hono wo sakiike mon dimaaɗo ley leydi ndiin. Njiɗiron mo hono no njiɗirɗon ko'e mooɗon noon sabo onon du, on laatakeno jananɓe leydi Misira. Miin woni Joomiraaɗo, Laamɗo mooɗon.

Limle 18:20

Joomiraaɗo wi'i Haaruuna: — A walaa ndongu e leydi maɓɓe wooɗi du a walaa ngeɗu hakkunde maɓɓe. Wo miin woni ngeɗu e ndongu maaɗa hakkunde ɓiɓɓe Israa'iila.

Luuka 11:41

Cakkee ko woni ley kore e kaake ɗeen. Ndeen, ko heddii ɗuum fuu laatanto on ko laaɓi.

Luuka 6:35

Onon le, njiɗee wayɓe on, ngaɗon moƴƴere, nyamloɗon tawee on miilaaki yoɓeede fey. Ndeen, on keɓan mbarjaari mawndi, on laatoto ɓiɓɓe Laamɗo Toowɗo, sabo oon ina waɗana bonnooɓe moƴƴere, ina waɗana bonɓe du.

Fillitagol 10:9

Wo saabe ɗuum de Lewinkooɓe ngalaa ndongu hakkunde sakiraaɓe muɓɓen Israa'iila'en. Wo Joomiraaɗo kam e hoorem woni ndongu maɓɓe fodde no wiirunoo o noon.

Fillitagol 12:12

Ceyoɗon yeeso Joomiraaɗo, Laamɗo mooɗon, onon e ɓiɓɓe mon rewɓe e worɓe, e maccuɓe mon e horɓe mon e Lewinkooɓe tawaaɓe ley galluuje mon, sabo Lewinkooɓe ngalaa ngeɗu hakkunde mooɗon.

Fillitagol 14:27

Taa njeeboɗon Lewinkooɓe tawaaɓe ley galluuje mooɗon sabo ɓe ngalaa ndongu hakkunde mooɗon.

Fillitagol 15:10

Ndelle nyamloɗon o, wooɗi du, kokkiron o yardamuye. Si on ngaɗii noon fu, Joomiraaɗo, Laamɗo mooɗon barkinan golle mon e ko anniyiɗon waɗude fuu.

Fillitagol 16:11

Ceyoɗon yeeso Joomiraaɗo, Laamɗo mooɗon ley nokkuure nde suɓoytoo faa tabintina innde muuɗum ndeen. Ceyodoɗon e ɓiɓɓe mon worɓe e rewɓe e maccuɓe mon e horɓe mon e Lewinkooɓe jooɗiiɓe ley galluuje mon e jananɓe e atiime'en e rewɓe ɓe goriraaɓe muɓɓen maayi wonɓe hakkunde mooɗon.

Fillitagol 16:14

Ceyoɗon wakkati hiiro ngoon onon e ɓiɓɓe mon rewɓe e worɓe e maccuɓe mon e horɓe mon e Lewinkooɓe jooɗiiɓe ley galluuje mon e jananɓe e atiime'en e rewɓe ɓe goriraaɓe muɓɓen maayi wonɓe ley galluuje mooɗon.

Fillitagol 23:21

Oɗon mbaawi jaɓude tino to janano si nyamlake on, ammaa sakiike mon oon kaa, taa ngaɗon ɗum noon faa Joomiraaɗo, Laamɗo mooɗon barkina on ley ko ngolloton fuu nde njooɗoyiɗon ley leydi ndi o hokkata on laatoo jeyal mooɗon ndiin.

Fillitagol 28:8

Joomiraaɗo, waɗan barke wonda e mooɗon ley beembe mon e ley golleeji mon fuu. O barkinan on ley leydi ndi o hokkata on ndiin.

Fillitagol 6:11

On tawan cuuɗi keewɗi ko wooɗi ɗi on kebbinaay e ɓulli ndiyam ɗi on mbasaay e gese inabooje e leɗɗe jaytun ɗe on tiiraaki. Nde nyaamoyɗon kaaruɗon fu,

Ibraninkooɓe 13:2

Taa njeebee jippinde weerɓe, sabo woɓɓe ngaɗii noon mbeerni maleyka'en tawi anndaa yalla wo kam'en.

Yaakuuba 1:27

Diina laaɓuka ceniika yeeso Laamɗo Baaba meeɗen kam woni: wallude rewɓe talkaaɓe ɓe goriraaɓe muɓɓen maayi e atiime'en ley ɓillaare muɓɓen, e haybude hoore muuɗum e tuundi adunaaru.