Fillitagol 14:21 - Dewtere Laamɗo Fulfulde Burkina Faso

²¹ Taa nyaamon ko saaɗi. Kokkon ɗum janano jooɗiiɗo ley galluuje mooɗon naa conniron ɗum beero sabo onon wo on yimɓe seniiɓe yeeso Joomiraaɗo, Laamɗo mooɗon. Taa njongon ɓii mbeewa ley kosam innam.

Fillitagol 14:21 ပူးပေါင်းရင်းမြစ်များ

Wurtagol 19:6

On laatoto laamu almaami'en e lenyol ceniingol. Ɗi ngoni haalaaji ɗi kaalantaa Israa'iila'en.

Wurtagol 22:30

On laatoto yimɓe am seniiɓe. Ndelle taa nyaamon teewu ngu huunde ladde taƴi, ammaa paɗɗanon ngu dawaaɗi.

Wurtagol 23:19

Ngaddaa ley suudu Joomiraaɗo, Laamɗo maaɗa ko ɓuri wooɗude ley ko artii ɓenndude e ngesa maaɗa. Taa njongaa teewu ɓinngel mbeewa nder kosam inna muuɗum.

Wurtagol 34:26

Ngaddaa ko ɓuri wooɗude ley ko artii ɓenndude e ngesa maaɗa ley suudu Joomiraaɗo, Laamɗo maaɗa. Taa njongaa teewu ɓinngel mbeewa nder kosam inna muuɗum.

Lewinkooɓe 11:40

Nyaamuɗo teewu ndaaba ngaan fuu sey lonna kaddule muuɗum de heddoo wo tuunɗo faa hewta futuro. Tiigiiɗo nga du sey lonna kaddule muuɗum de heddoo wo tuunɗo faa hewta futuro.

Lewinkooɓe 17:15

Israa'iilanke dimo e janano gonɗo hakkunde muɓɓen nyaamuɗo ko saaɗi maa ko huunde ladde seeki fu, sey lonna kaddule muuɗum, lootoo de heddoo wo tuunɗo faa hewta futuro. Caggal ɗuum laatoo laaɓuɗo.

Lewinkooɓe 22:8

Taa o nyaama ndaaba caaɗunga maa nga huunde ladde seeki sabo ɗum tuuninan o. Miin woni Joomiraaɗo.

Golle Nelaaɓe 15:20

Ammaa mbinndanen ɓe ɓe ndeentoo e ko tooruuji tuunini e jeenu e nyaamude ko saaɗi e nyaamude ƴiiƴam.

Romankooɓe 12:2

Taa nyemmbitee adunaaru, ammaa accee Laamɗo heyɗintina hakkillooji mon faa ɓerɗe mooɗon mbaylitoo. Ndeen, on mbaawan anndude muuyɗe Laamɗo: ko wooɗi e ko weli mo e ko hiɓɓi.

Fillitagol 14:2

Taa ngaɗon noon sabo wo on lenyol ceniingol yeeso Joomiraaɗo, Laamɗo mooɗon. Wo onon o suɓii hakkunde lenyi adunaaru fuu faa laatoɗon jeyal makko korsungal.

Fillitagol 14:20

Ammaa oɗon mbaawi nyaamude piiroohoy laaɓukoy fuu.

Fillitagol 7:6

Saabe wo on lenyol ceniingol yeeso Joomiraaɗo, Laamɗo mooɗon, de kam du suɓii on faa laatoɗon jeyal muuɗum korsungal hakkunde lenyi adunaaru fuu.

1 Piyeer 1:16

Sabo Binndi ɗiin mbi'ii: «Laatee seniiɓe, sabo miin du wo mi ceniiɗo.»