Fillitagol 14:2 - Dewtere Laamɗo Fulfulde Burkina Faso

² Taa ngaɗon noon sabo wo on lenyol ceniingol yeeso Joomiraaɗo, Laamɗo mooɗon. Wo onon o suɓii hakkunde lenyi adunaaru fuu faa laatoɗon jeyal makko korsungal.

Fillitagol 14:2 ပူးပေါင်းရင်းမြစ်များ

Isira 9:2

Ɓe ndewlanii ko'e maɓɓe e ɓiɓɓe maɓɓe surbaaɓe leydi ndi. Ndelle lenyol ceniingol jillonduraama e lenyi leydi ndi. De ko ɓuri bonde e majjum fu, wo ardiiɓe e mawɓe lenyol ngool ɓuri waɗude jamba oon.

Lewinkooɓe 11:45

Sabo wo miin woni Joomiraaɗo burtinɗo on leydi Misira faa laatoo Laamɗo mooɗon. Ndelle laatoɗon seniiɓe sabo miin wo mi ceniiɗo.

Lewinkooɓe 19:2

Kaaldaa e kawrital suudu Israa'iila fuu mbi'aa ɗum'en: Laatoɗon seniiɓe sabo miin Joomiraaɗo, Laamɗo mooɗon oon, wo mi ceniiɗo.

Lewinkooɓe 20:24

Saabe ɗuum de mbiimi on: — Wo onon njeytata leydi maɓɓe ndiin. Miin e hoore am hokkata on ndi. Wo ndi leydi ndi kosam e njuumndi ilata e muuɗum. Miin woni Joomiraaɗo, Laamɗo mooɗon. Wo miin senndi on e lenyi keddiiɗi fuu.

Lewinkooɓe 20:26

Laatanoɗon kam seniiɓe sabo miin Joomiraaɗo, wo mi ceniiɗo. Mi senndii on e lenyi keddiiɗi faa laatoɗon lenyol am.

Romankooɓe 12:1

Ndelle sakiraaɓe, miɗo nyaagoo on sanne saabe yurmeende Laamɗo, cakkee ko'e mon laatoɗon sadaka buurɗo, ceniiɗo, belɗo Laamɗo. Ɗum woni dewal ngal kaanɗon rewrude mo ngaal.

Fillitagol 14:21

Taa nyaamon ko saaɗi. Kokkon ɗum janano jooɗiiɗo ley galluuje mooɗon naa conniron ɗum beero sabo onon wo on yimɓe seniiɓe yeeso Joomiraaɗo, Laamɗo mooɗon. Taa njongon ɓii mbeewa ley kosam innam.

Fillitagol 28:9

Si on ɗowtanake jamirooje Joomiraaɗo ɗe kam e hoorem hokki on ɗeen, de ndewuɗon laabi muuɗum fu, waɗan laatoɗon yimɓe muuɗum seniiɓe fodde no hunoranii on noon.

Fillitagol 33:3

Sikke walaa, Joomiraaɗo na horsini yimɓe muuɗum, seniiɓe makko fuu na ngoni ley juuɗe makko. Iɓe kofoo ɗakkol koyɗe makko, iɓe kettindoo ko o jannginta ɓe.

Fillitagol 4:20

Ammaa onon kaa, Joomiraaɗo nanngii on wurtinii leydi Misira, duɗal taayinoowal njamndi ngaal faa laatoɗon ndongu muuɗum, yimɓe muuɗum, hono no laatoriɗon hannden ni.

Fillitagol 7:6

Saabe wo on lenyol ceniingol yeeso Joomiraaɗo, Laamɗo mooɗon, de kam du suɓii on faa laatoɗon jeyal muuɗum korsungal hakkunde lenyi adunaaru fuu.

Fillitagol 7:7

Wanaa saabe oɗon ɓuri lenyi keddiiɗi fuu ɗuuɗude de Joomiraaɗo suɓii on, haɓɓondiri e mooɗon, sabo oɗon anndi onon ɓuri lenyi keddiiɗi ɗiin fuu famɗude.

Titus 2:14

Kam hokkitiri yonki muuɗum saabe meeɗen, faa rimɗina en e ko boni fuu, laamna en, laatoɗen lenyol muuɗum, tinniingol e gollude golleeji lobbi.

1 Piyeer 2:9

De onon kaa, wo on lenyol cuɓaangol, wo on almaami'en gollanooɓe Kaananke oon, wo on lenyol ceniingol, wo on yimɓe ɓe Laamɗo suɓanii hoore muuɗum. O suɓake on faa kaalon kabaaru moƴƴuki makko, kanko nodduɗo on ƴuuwde e nimre warude e annoora makko kaayniiɗo oon!