Fillitagol 13:3 - Dewtere Laamɗo Fulfulde Burkina Faso

³ de ko wi'i ɗuum waɗiri hono no wiirunoo noon, si o wi'i: «En ndewa allaaji goɗɗi de ɗowtanoɗen ɗum'en!» allaaji ɗi on anndaano fu,

Fillitagol 13:3 ပူးပေါင်းရင်းမြစ်များ

1 Kaanankooɓe 13:19

Ndelle Nelaaɗo Laamɗo oon yeccodii e annabaajo oon wuro muuɗum, o nyaami, o yari.

Wurtagol 20:20

Muusaa wi'i yimɓe ɓeen: — Taa kulee sabo Laamɗo ina ndaartinoo on faa kulol mum wona ley ɓerɗe mooɗon, taa ngaɗon hakke.

Matta 24:24

Sabo almasiihu'en fewreeɓe e annabaaɓe fewreeɓe ɓangowan, ngaɗa maandeeji mawɗi e kaayeefiiji faa majjina fay suɓaaɓe ɓeen, si na laatoo.

Golle Nelaaɓe 17:11

Yimɓe wonɓe ɗoon ina ɓuri Alhuudiyankooɓe wonɓe Tesaloniiki ɓeen jikku lobbo. Ɓe njakkitorii konngol Pool ngool e juuɗe ɗiɗi. Iɓe piloo ley Binndi ɗiin nyannde fuu faa ɓe ndaara yalla ko Pool waajii ɗuum wo goonga.

1 Korintunkooɓe 11:19

Ina tilsi pelle pelle ngaɗa hakkunde mooɗon, faa hoolniiɓe jaati wonɓe e ley mooɗon ɓeen annditee.

2 Korintunkooɓe 8:8

Ko mbiimi ɗuum wanaa yamiroore. Ammaa, miɗo haalana on tinnaare woɓɓe faa hokka on laawol hollude njinngu mooɗon ina selli.

Efeesunkooɓe 4:14

Ndelle, en laatataako sukaaɓe hooƴaaɓe hono no bempeƴƴe e keni kooƴirta laana ni. Jannde yimɓe yiɗuɓe yaarude woɓɓe ley majjere hiilataa en katin.

Fillitagol 6:5

Njiɗiraa Joomiraaɗo, Laamɗo maaɗa e ɓernde maa fuu e yonki maa fuu e semmbe maa fuu.

Fillitagol 8:16

Ley ladde yoornde ndeen o nyaamnii on manna, nyaamdu ndu maamiraaɓe mooɗon anndaano faa o ndaartindoroo on torra de sakitoo o hokka on jam ley ko warata.

Fillitagol 8:2

Miccitoɗon laawol ngol Joomiraaɗo, Laamɗo mooɗon rewni on gilla duuɓi 40 nder ladde yoornde, to yarni on torraaji feere feere faa anndita ko woni e ɓerɗe mooɗon de faama yalla on ɗowtanto jamirooje muuɗum naa on ɗowtantaako ɗe.

2 Tesaloniyankooɓe 2:11

Saabe ɗuum, Laamɗo nuldan ɓe majjere mawnde, faa ɓe ngoonɗina fewre.

1 Yuhanna 2:19

Ɓe njaltii hakkunde meeɗen, ammaa ɓe njeyaakano e meeɗen. Sabo kamɓe, sini e meeɗen ɓe njeyanoo, ɓe keddodotono e meeɗen. De ɗum na holla kamɓe ɓe fuu ɓe njeyaakano e meeɗen.

1 Yuhanna 4:1

Sakiraaɓe am horsuɓe, waajotooɓe wi'ooɓe Ruuhu Laamɗo ina woni e muɓɓen, taa ngoonɗinee ɗum'en fuu, ammaa koron ɓe yalla Ruuhu Laamɗo jaati woni e maɓɓe naa wanaa. Sabo annabaaɓe fewreeɓe heewɓe caakake e adunaaru ndu.

1 Yuhanna 4:4

Sukaaɓe am, onon le, wo on yimɓe Laamɗo, on njaalake annabaaɓe fewreeɓe ɓeen. Sabo Ruuhu Laamɗo gonɗo e mooɗon oon ɓuri gonɗo e adunaaru oon semmbe.

Holleede 13:14

Nga hiiliri yimɓe adunaaru kaayeefiiji ɗi nga hokkaa waɗude ley baawɗe ndaabaawa arandeya ngaan. Inga tindina yimɓe adunaaru moƴƴina tooru nanndundu e ndaabaawa barminiranoonga kaafaahi faa nesi waatude ammaa ina wuuri ngaan.

Ardiiɓe 2:22

E lenyi ɗiin ndaartindortoomi ɓe faa mi ndaara yalla ɓe njokkan jamirooje am hono no maamiraaɓe maɓɓe njokkirnoo, naa ɓe njokkataa ɗe.

1 Samuwiila 26:19

Jonle joomam kaananke, hettina haalaaji maccuɗo maaɗa. Si wo Joomiraaɗo saabii laatoɗaa ganyo am fu, o jaɓa sadaka am. Ammaa si wo yimɓe ngaɗi ɗum fu, ɓe laatoo huɗaaɓe yeeso Joomiraaɗo, sabo hannden ɓe ndiiwii kam taa mi heɓa ngeɗu am e ley ndongu Joomiraaɗo. Ɓe mbi'ii mi yaha, mi teddina alla'en woɓɓe.