Fillitagol 13:17 - Dewtere Laamɗo Fulfulde Burkina Faso

¹⁷ Kawrondinon jawdi maɓɓe fuu hakkunde galluure ndeen de mbulanon nde Joomiraaɗo, Laamɗo mooɗon, kayre e ko woni e mayre fuu. Nde laatoo winnde, wooɗi du nde nyiɓtataake faa abada.

Fillitagol 13:17 ပူးပေါင်းရင်းမြစ်များ

Fuɗɗoode 26:24

Joomiraaɗo ɓangani mo ley jemma, wi'i: — Miin woni Laamɗo bammaa Ibrahiima. Taa hulu, sabo miɗo wondi e maaɗa. Mi barkinte, mi ɗuuɗinan ƴuwdi maa saabe maccuɗo am Ibrahiima.

Fuɗɗoode 26:4

Mi ɗuuɗinan ƴuwdi maa hono koode, mi hokkan ƴuwdi maa leyɗe ɗee fuu. Lenyi adunaaru fuu keɓan barke saabe ƴuwdi maa.

Fuɗɗoode 28:14

Ƴuwdi maa ɗuuɗan hono gabbe njaareendi, ndi sankitoto faro lettugal e gorgal e soɓɓirre e horɗoore. Lenyi duuniyaaru fuu keɓan barke saabe maa e saabe ƴuwdi maaɗa.

Wurtagol 20:6

Ammaa yiɗuɓe kam de na ɗowtanoo jamirooje am ɓeen kaa, mi hinnoto ɗum'en faa hewta jamaanuuji ujunere.

Wurtagol 32:12

Ko saabii de accaa Misirankooɓe keɓa mbi'a: «Wo saabe bonde de mburtinɗaa ɓe faa mbaraa ɓe hakkunde baamle, piɗɗaa ɓe e adunaaru?» Yaa Joomiraaɗo, feewnu ɓernde maaɗa, taa halkir yimɓe maaɗa tikkere!

Limle 25:4

Joomiraaɗo wi'i Muusaa: — Njorfa ɓoggi e daaɗe hooreeɓe cuuɗi Israa'iila'en fuu yeeso am iɓe kucciti e naange faa tikkere am ndeen tottitoo Israa'iila.

1 Korintunkooɓe 16:22

Neɗɗo fuu mo yiɗaa Joomiraaɗo, kuddi woodanii ɗum! Yaa Joomiraaɗo amin, war!

Fillitagol 13:18

Taa kooƴon faa'e e ko halketee ɗuum faa tikkere Joomiraaɗo, Laamɗo mooɗon nyanngunde ndeen tottitoo on de o yurmoo on, o ɗuuɗina on faa keewon fodde no o hunoraninoo maamiraaɓe mon noon.

Fillitagol 30:3

Joomiraaɗo, Laamɗo mooɗon oon yeccinanan on ko mursunoɗon, o yurmoto on, o hawrondinan on to o sankitinnoo on toon fuu.

Fillitagol 30:5

O wartiran on ley leydi ndi o hokkunoo maamiraaɓe mon laatoo jeyal muɓɓen de njeyton ndi. O barkinan on de o ɓurna on maamiraaɓe mon ɗuuɗude.

Fillitagol 7:13

O yiɗan on, o barkina on de o ɗuunna on. O barkinan ɓeyngu mooɗon, wooɗi du, o barkinan alkama mon e inaboojam mon e nebbam mon, e ɓiɓɓe gese mon fuu. Daabaaji mon pamari e mawɗi fuu ngaɗan barke ley leydi ndi o hunanii maamiraaɓe mon o hokkan on ndiin.

Fillitagol 7:26

Taa ngaddon ko harmi ley cuuɗi mooɗon sabo on laatoto harmuɓe hono majjum de kalkeɗon. Ndaardon ɗum ko harmi, ko newnii sabo wo ko halketee.

Yoosuwa 22:20

Miccitee no Akan ɓii Jerak luttiri yamiroore dow kujje kalketeeɗe yeeso Joomiraaɗo. Saabe hakke makko oon tikkere Joomiraaɗo wari dow yimɓe Israa'iila fuu. Akan halkaaka kam tan saabe hakke oon.»

Yoosuwa 6:18

Ammaa ndeentee taa kooƴee kujje kalketeeɗe ɗeen. Sabo si on kooƴii ɗe, on ngaddan halkere dow joonnde Israa'iila fuu.

Yoosuwa 6:24

Caggal majjum ɓe mbuli huɓeere ndeen e ko woni nder mayre fuu. Ammaa ɓe ndesi cardi e kaŋŋe e kujje ngaɗiraaɗe njamndi ɓaleeri e mboɗeeri nder ko resaa ley suudu Joomiraaɗo.

Yoosuwa 6:26

E wakkati oon, Yoosuwa hunii, wi'i: — Neɗɗo fuu ummiiɗo faa nyiɓtoo huɓeere Yeriko nde, laatoo kuɗaaɗo yeeso Joomiraaɗo, afo joomum maaya e dow puɗɗam mahugol mayre, koddaajo mum du maaya e dow darnugol dammbuɗe mayre.

Yoosuwa 7:1

Yimɓe Israa'iila lutti yamiroore dow kujje ɗe ɓe kaɗaa, cakkanteeɗe Joomiraaɗo ɗeen. Akan ɓii Karmi, taan Jabdi ɓii Jerak, jeyaaɗo ley lenyol Yahuuda hooƴi kujje ɗeen. Saabe majjum tikkere Joomiraaɗo wari dow yimɓe Israa'iila.

Yoosuwa 7:26

Ɓe ndeki joorde kaaƴe mawnde dow muɓɓen. Joorde ndeen na heddii faa warde hannden. Saabe majjum ɓe inndiri nokkuure ndeen naɗɗol Akor (ɗum woni «bonanda»), noon woni innde mayre faa joonin. Caggal ɗuum Joomiraaɗo itti tikkere muuɗum nyaaɗunde ndeen dow Israa'iila.

Yoosuwa 8:28

Yoosuwa wuli huɓeere Ayi, waɗi ɗum winnde faa warde hannden.