Fillitagol 13:1 - Dewtere Laamɗo Fulfulde Burkina Faso

¹ Tinnoɗon e waɗude ko njamirmi on fuu. Taa ɓeydon faa'e, taa ɓuyton faa'e.

Fillitagol 13:1 ပူးပေါင်းရင်းမြစ်များ

1 Kaanankooɓe 13:18

Annabaajo oon jaabii mo wi'i: — Miin du wo mi annabaajo hono maaɗa. Maleyka Joomiraaɗo haaldi e am konngol Joomiraaɗo, wi'i mi hoodda e maaɗa wuro am faa nyaama wooɗi njaraa. Ammaa wo o fenu.

1 Kaanankooɓe 13:19

Ndelle Nelaaɗo Laamɗo oon yeccodii e annabaajo oon wuro muuɗum, o nyaami, o yari.

Banndi 30:6

Taa ɓeydu dow haala makko, heɓa taa o fele, o wanngina fewre maa.

Matta 24:11

Annabaaɓe fewreeɓe heewɓe ɓangan, kiila heewɓe.

Matta 24:24

Sabo almasiihu'en fewreeɓe e annabaaɓe fewreeɓe ɓangowan, ngaɗa maandeeji mawɗi e kaayeefiiji faa majjina fay suɓaaɓe ɓeen, si na laatoo.

Matta 7:15

— Tinnee e annabaaɓe fewreeɓe. Si ɓe ngarii to mooɗon fu, iɓe nga'i hono baali, de si goonga, wo ɓe cuuli jolbuɗi.

Marka 13:22

Sabo almasiihu'en fewreeɓe e annabaaɓe fewreeɓe ɓangowan, ngaɗa maandeeji e kaayeefiiji faa majjina fay suɓaaɓe ɓeen, si na laatoo.

Luuka 6:26

Bone woodanii on, si yimɓe fuu manii on, sabo hono noon maamiraaɓe maɓɓe ngaɗannoo annabaaɓe fewreeɓe.

Fillitagol 18:20

Ammaa si annabaajo mawnitake de wi'i goɗɗum feere e innde am, tawi wanaa miin yamiri ɗum haala kaan, naa si haalii e inɗe allaaji goɗɗi fu, sey waree.

Fillitagol 4:1

Muusaa ɓeydi wi'i: Onon yimɓe Israa'iila, kettinee jamirooje e sariyaaji ɗi njannginanmi on. Ɗowtanoɗon ɗi faa mbuuron de njahon njeytowon leydi ndi Joomiraaɗo, Laamɗo maamiraaɓe mooɗon hokkata on ndiin.

Fillitagol 4:2

Taa ɓeydon faa'e e konngol ngol ekintinanmi on ngool, wooɗi du, taa ɓuyton faa'e e maggol. Ɗowtanoɗon jamirooje Joomiraaɗo, Laamɗo mooɗon fodde no ekintiniranmi on hannden noon.

2 Tesaloniyankooɓe 2:9

Neɗɗo Bonɗo oon wardan e baawɗe Seyɗaani, warda e semmbe mawɗo e maandeeji e kaayeefiiji fewreeji.

2 Piyeer 2:1

No annabaaɓe fewreeɓe ngorrunoo e ley lenyol Israa'iila ngool ni, hono noon waajotooɓe fewreeɓe ngorroyta e ley mooɗon. Ɓe cornan e ley mooɗon jannde fewreere halkoore. Ɓe njeddan fay Joomii ɓe cooduɗo ɓe oon. Hono noon ɓe pooɗiranta ko'e maɓɓe halkere yaawunde.

1 Yuhanna 4:1

Sakiraaɓe am horsuɓe, waajotooɓe wi'ooɓe Ruuhu Laamɗo ina woni e muɓɓen, taa ngoonɗinee ɗum'en fuu, ammaa koron ɓe yalla Ruuhu Laamɗo jaati woni e maɓɓe naa wanaa. Sabo annabaaɓe fewreeɓe heewɓe caakake e adunaaru ndu.