Fillitagol 12:31 - Dewtere Laamɗo Fulfulde Burkina Faso

³¹ Taa ngaɗanon Joomiraaɗo, Laamɗo mooɗon noon, sabo lenyi ɗiin na ngaɗannoo kujje bonɗe nyiddiniiɗe ɗe Joomiraaɗo wanyi faa iɓe mbulanannoo allaaji maɓɓe ɗiin ɓiɓɓe maɓɓe worɓe e rewɓe.

Fillitagol 12:31 ပူးပေါင်းရင်းမြစ်များ

2 Kaanankooɓe 16:3

O tokkii laabi kaanankooɓe Israa'iila. O adi ɓiyiiko o waɗani tooruuji sadaka buleteeɗo hono al'aada nyiddiniiɗo mo lenyi ɗi Joomiraaɗo riiwunoo yeeso Israa'iila'en ɗiin.

2 Kaanankooɓe 17:31

Yimɓe Awa ngaɗi tooru Nibihaja e ndu Tartak. Ɓe Sefarwayim du keddii na ada ɓiɓɓe muɓɓen na mbulana allaaji muɓɓen Adiramelek e Anamelek.

2 Kaanankooɓe 21:2

O waɗi ko boni yeeso Joomiraaɗo, o jokki golleeji nyiddiniiɗi ɗi lenyi janani ngaɗannoo de Joomiraaɗo riiwi ɗum'en yeeso Israa'iila'en ɗiin.

2 Kaanankooɓe 3:27

Ndelle o hooƴi hammadiijo makko donoowo mo laamu, o waɗi ɗum sadaka buleteeɗo dow kokuwol galluure ndeen. Mettorgal manngal saamii dow Israa'iila'en saabe majjum, de ndilli Mo'ab, njeccii kooti leydi muɓɓen.

Wurtagol 23:2

Taa njokkaa gaɗa jamaa faa ngaɗon ko boni. Si on njehii laamorde faa ceedowoɗon, taa keedanaa yimɓe suuɗooɓe goonga.

Lewinkooɓe 18:21

Taa kooƴaa ɓiya fay gooto cakkana tooru wi'eteendu Molek nduun de kuyfinaa innde Laamɗo maaɗa. Miin woni Joomiraaɗo.

Lewinkooɓe 18:3

Taa ngaɗon al'aadaaji leydi Misira to ngonnoɗon toon, wooɗi du taa njokkon al'aadaaji leydi Kanaana ndi njaaranmi on ndiin. Taa njokkon sariyaaji maɓɓe.

Lewinkooɓe 20:2

Kaaldaa e Israa'iila'en mbi'aa ɗum'en: Israa'iilanke maa janano jooɗiiɗo leydi Israa'iila kooƴuɗo ɓiyum sakkani tooru Molek fuu wo bareteeɗo. Yimɓe leydi ndiin paɗɗa joomum kaaƴe faa maaya.

Fillitagol 12:30

tinnoɗon taa nyemmbiton ɗi, gaɗa ko ɗi kalkaa ɗuum de caamon e tuugol. Kakkilon taa piloɗon faamude ko allaaji maɓɓe ɗiin laatinoo mbi'on: «Noy lenyi ɗiin ɗowtorantonoo allaaji muɓɓen? Minen du, min ngaɗan hono noon!»

Fillitagol 12:4

Taa ngaɗanon Joomiraaɗo, Laamɗo mooɗon oon hono no ɓe ngaɗiranta allaaji maɓɓe noon.

Fillitagol 20:18

Noon waɗata taa ɓe ekintina on waɗude ko harmi ko ɓe ngaɗanta allaaji maɓɓe ɗiin de ngaɗon hakke yeeso Joomiraaɗo, Laamɗo mooɗon.

Fillitagol 9:4

Nde Joomiraaɗo, Laamɗo mooɗon riiwoy ɓe yeeso mooɗon fu, taa mbi'on ley ɓerɗe mon: — Wo saabe min dartiiɓe waɗi de Joomiraaɗo hokki min leydi ndii faa laatoo ndongu amin! Wo saabe bonde lenyi ɗiin de Joomiraaɗo na teeta leydi muɓɓen yeeso mon.

Fillitagol 9:5

Wanaa saabe dartaare mooɗon e laaɓal ɓerɗe mon waɗi de oɗon njeyta leydi maɓɓe, ammaa wo saabe bonde lenyi ɗiin de Joomiraaɗo, Laamɗo mooɗon teeti ɗi yeeso mon faa tabintina hunayeere nde hunaninoo maamiraaɓe mon Ibrahiima e Isiyaaka e Yaakuuba.