Fillitagol 12:21 - Dewtere Laamɗo Fulfulde Burkina Faso

²¹ Si nokkuure nde Joomiraaɗo, Laamɗo mooɗon suɓoytoo faa tabintina innde muuɗum ndeen na woɗɗondiri e galluure mooɗon fu, oɗon mbaawi hirsude daabaaji mon mawɗi e pamari ɗi Joomiraaɗo hokki on fuu fodde no njamirmi on noon. Oɗon mbaawi nyaamude ɗum ley galluuje mon no kaajoraɗon fuu.

Fillitagol 12:21 ပူးပေါင်းရင်းမြစ်များ

1 Kaanankooɓe 14:21

Nde Robo'am ɓii Suleymaana laamotonoo ndeen, duuɓi muuɗum wo 41. O laamorii duuɓi 17 ley Urusaliima, galluure nde Joomiraaɗo suɓinoo hakkunde lenyi fuu faa tabintina innde muuɗum ndeen. Innde inniiko wo Na'ama, Amoninkeejo.

Isira 6:12

Laamɗo tabintinɗo innde muuɗum ley suudu Dewal Mawndu wonndu Urusaliima oon, sankita laamu leydi maa kaananke fuu jiɗuɗo halkude ndu. Miin Daariyus kaananke, mi waɗii ɗum yamiroore. Na tilsi neɗɗo fuu reena nde faa wooɗa.»

Wurtagol 20:24

Nyiɓanon kam sakkirde, mahiron nde leydi. Dow mayre ngaɗoton kirsamaaji mooɗon buleteeɗi e sadakaaji dewral ittaaɗi ley daabaaji mooɗon pamari e mawɗi fuu. To cuɓiimi teddinde innde am fuu, mi waran to mooɗon mi barkina on.

Fillitagol 12:11

wo ley nokkuure nde o suɓoytoo faa o tabintina innde makko ndeen ngaddoton ko njamirmi on ɗuum fuu. Ɗum woni kirsamaaji buleteeɗi e sadakaaji e jakkaaji e dokke ko artii ɓenndude e gese mon e sadakaaji mooɗon cuɓaaɗi saabe aadi fuu.

Fillitagol 12:15

Ammaa oɗon mbaawi hirsude kujje mon, nyaamon teewu muɓɓen no kaajoraɗon fuu fodde no Joomiraaɗo, Laamɗo mooɗon barkiniri on ley galluuje mooɗon. Laaɓuɗo e mo laaɓaa fuu na waawi nyaamude ɗum hono no nyaamroton kooba naa lewla.

Fillitagol 12:20

Nde Joomiraaɗo, Laamɗo mooɗon yaajinowi leydi mon hono no wiirunoo on noon de cuunaɗon teewu faa oɗon mbi'a: «Miɗen kaajanoo teewu min nyaama» fu, oɗon mbaawi nyaamude teewu no kaajoraɗon fuu.

Fillitagol 12:22

Nyaamon ɗum hono no nyaamroton kooba naa lewla. Laaɓuɗo e mo laaɓaa fuu na mbaawi nyaamude ɗum.

Fillitagol 12:5

Ammaa wo ley nokkuure nde Joomiraaɗo, Laamɗo mooɗon suɓoytoo hakkunde lenyi mooɗon faa waɗa joonde muuɗum de tabintina innde muuɗum ndeen tan njahoton pilowoɗon ɗum.

Fillitagol 16:11

Ceyoɗon yeeso Joomiraaɗo, Laamɗo mooɗon ley nokkuure nde suɓoytoo faa tabintina innde muuɗum ndeen. Ceyodoɗon e ɓiɓɓe mon worɓe e rewɓe e maccuɓe mon e horɓe mon e Lewinkooɓe jooɗiiɓe ley galluuje mon e jananɓe e atiime'en e rewɓe ɓe goriraaɓe muɓɓen maayi wonɓe hakkunde mooɗon.

Fillitagol 16:6

Wo ley nokkuure nde o suɓoytoo faa o tabintina innde makko ndeen tan njeyɗon waɗude sadaka iidi oon. Ngaɗon ɗum caamal naange, hono wakkati mo mburtinoɗon leydi Misira oon.

Fillitagol 26:2

itton ko artii ɓenndude ley barke gese mon, ngatton ley kanndeeje de njaaron nokkuure nde Joomiraaɗo suɓoytoo faa tabintina innde muuɗum ndeen.