9 Noon waɗata de balɗe mon njuuta ley leydi ndi Joomiraaɗo hunanii maamiraaɓe mon hokkan ɗum'en kam'en e taaniraaɓe muɓɓen, ndi kosam e njuumndi ilata e muuɗum ndiin.
Saabe ɗuum de njippiimi faa mi danna yimɓe am e baawɗe Misirankooɓe, mi itta ɓe leydi Misira, mi yaara ɓe leydi lobbiri njaajundi, leydi ndi kosam e njuumndi ilata e muuɗum, nokkuure ɗo Kanaaninkooɓe e Hittiyankooɓe e Amorinkooɓe e Perisinkooɓe e Hewinkooɓe e Yebusinkooɓe njooɗii.
Ndaaron, mi hokkii on ndi. Njehee njeytowee ndi. Kayri woni ndi Joomiraaɗo huninoo hokkan maamiraaɓe mon Ibrahiima e Isiyaaka e Yaakuuba laatoo ndongu muɓɓen, kam'en e ƴuwdi muɓɓen fuu.
Njogitoɗon sariyaaji makko e jamirooje makko fodde no ekitinirmi on hannden noon faa keɓon jam onon e ɓiɓɓe mooɗon de balɗe mon njuuta ley leydi ndi Joomiraaɗo, Laamɗo mooɗon hokkata on ndiin faa abada.
Ndelle onon Israa'iila'en, kettindoɗon faa wooɗa de tinnoɗon ngaɗon ko yamiraa faa keɓon jam, ɓeydoɗon keewon fodde no Joomiraaɗo, Laamɗo maamiraaɓe mooɗon wi'iri on laatoyto ley leydi ndi kosam e njuumndi ilata e muuɗum ndiin.