Fillitagol 11:18 - Dewtere Laamɗo Fulfulde Burkina Faso

¹⁸ Ndelle njogitoɗon jamirooje ɗe kokkammi on ɗeen ley ɓerɗe mon e ley yonkiiji mooɗon. Kaɓɓon ɗe e juuɗe mooɗon hono maande, takkon ɗe dow tiiɗe mon.

Fillitagol 11:18 ပူးပေါင်းရင်းမြစ်များ

Wurtagol 13:16

Kirsamaaji ɗiin laatoto maande dow juuɗe mooɗon e dow tiiɗe mooɗon. Ɗi miccintinan wo junngo Joomiraaɗo semmbiɗingo wurtini on leydi Misira.»

Wurtagol 13:9

Iidi oon laatanto on huunde miccintinoore on, hono maande dow juuɗe mooɗon e dow tiiɗe mooɗon. Noon jamirooje Joomiraaɗo ngonirta e kunnduɗe mooɗon sabo wo kanko wurtini on leydi Misira e junngo makko semmbiɗingo.

Banndi 3:1

Ɓiyam, taa yeggitin tindinooje am, joga jamirooje am ley ɓernde maa.

Banndi 3:3

Taa jaɓu hinney e hoolaare mboɗɗe. Ɓilu ɗum e daande maa, winndu ɗum dow alluwal ɓernde maa.

Matta 23:5

Huunde fuu ko ɓe ngaɗata, ɓe ngaɗiran ɗum faa ɓe nji'ee. Ɗum waɗi de iɓe kaɓɓa talki mawɗi, iɓe njuutina bukki saayaaji maɓɓe faa ina ndaasoo.

Fillitagol 32:46

Ngatton haalaaji ɗi cappanmi on hannden ɗiin fuu ley ɓerɗe mooɗon, ekintinon ɗi ɓiɓɓe mon, faa ngaɗa huunde fuu ko winndaa ley dewtere jamirooje nde.

Koloosiyankooɓe 3:16

Accon konngol Almasiihu ngool heewa e mooɗon. Mono e mooɗon fuu janngina banndum, tindinira ɗum e hakkilantaaku. Njimanee Laamɗo e jettooje, njettiree mo Jabuura e manooje, kam e jimi teddinooji Laamɗo.

Ibraninkooɓe 2:1

Ndelle, eɗen kaani wattude hakkillooji meeɗen sanne e ko nanɗen ɗuum, taa mbosoɗen goonga.

2 Piyeer 1:12

Ndelle, fay si tawi oɗon anndi kulle ɗeen, oɗon keddii e goonga mo keɓuɗon oon, mi miccintinan on ɗe wakkati fuu.