Fillitagol 11:16 - Dewtere Laamɗo Fulfulde Burkina Faso

¹⁶ Kakkilon taa ɓerɗe mon oonyoroo gere de ndikkinoɗon yeeso allaaji goɗɗi faa ɗowtanoɗon ɗum'en.

Fillitagol 11:16 ပူးပေါင်းရင်းမြစ်များ

1 Kaanankooɓe 8:35

Nde yimɓe ma ngaɗowi hakke yeeso maaɗa faa kammu ommbaa de ƴoonde seli toɓude, si ɓe ngaɗii du'aaw iɓe kucciti nokkuure ndee, ɓe manii innde maaɗa, ɓe tuubii e hakkeeji maɓɓe ɗiin sabo a leeƴinii ɓe fu,

Ayuuba 31:27

yalla ɗum muuynake ɓernde am faa teddinmi ɗum e ley cuncukka, de teddinirmi kujje ɗeen hono wo ɗe Laamɗo naa?

Luuka 21:34

— Ndeenee ko'e mon taa yidde fijo suloowo e sulargol doro e kaɓɓu-ko'u adunaaru njowoo dow ɓerɗe mon de nyannde ndeen juha on

Luuka 21:36

Ndelle, kakkilon wakkati fuu, ngaɗon du'aare, faa keɓon daɗude e kulle gaɗooje ɗeen fuu, mbaawon daraade yeeso Ɓii Neɗɗo.

Luuka 21:8

O wi'i: — Ndeentee taa mbosineɗon e goonga. Heewɓe ngardan e innde am, ina mbiitoo: «Miin woni kanko», ina mbi'a du: «Wakkati oon ɓadake.» Taa njokkee ɓe.

Fillitagol 12:30

tinnoɗon taa nyemmbiton ɗi, gaɗa ko ɗi kalkaa ɗuum de caamon e tuugol. Kakkilon taa piloɗon faamude ko allaaji maɓɓe ɗiin laatinoo mbi'on: «Noy lenyi ɗiin ɗowtorantonoo allaaji muɓɓen? Minen du, min ngaɗan hono noon!»

Fillitagol 13:3

de ko wi'i ɗuum waɗiri hono no wiirunoo noon, si o wi'i: «En ndewa allaaji goɗɗi de ɗowtanoɗen ɗum'en!» allaaji ɗi on anndaano fu,

Fillitagol 17:3

si joomum yehi teddinowi allaaji goɗɗi, hofake yeeso muɓɓen, yeeso naange naa lewru naa annoraaji kammu laatiiɗi fuu de yoppii ko njamirmi ɗuum,

Fillitagol 28:14

Si on mbosoraaki nano naa nyaamo, on ndewaay allaaji goɗɗi faa ɗowtanoɗon ɗum'en, de on njokkii jamirooje ɗe kokkammi on hannden ɗeen fuu, Joomiraaɗo barkinan on.

Fillitagol 29:17

Ndelle saabe ɗuum, kakkilon taa ɓernde fay gooto hakkunde mooɗon, wanaa gorko, wanaa debbo, wanaa suudu, wanaa lenyol, tottitoo Joomiraaɗo, Laamɗo meeɗen de yaha ɗowtanowoo allaaji lenyi ɗiin. Taa ɗaɗol lekki ndimoohi ko warata naa tooke barooje tawee hakkunde mooɗon.

Fillitagol 29:18

Taa fay gooto hakkunde mooɗon, caggal ko nanuɗon yamiroore ndee miila barkinaama de na mantoo na wi'a: «Mi heɓan jam fay si ndewumi sattere ɓernde am.» Si iri ɗuum waɗowii hakkunde mon fu, lobbuɓe e bonɓe fuu kalkete.

Fillitagol 30:17

Ammaa si on accii ɓerɗe mooɗon tottitake o, si on kettindaaki ko o wi'i, on accii allaaji goɗɗi muuynake on faa ɗowtaniɗon ɗum'en fu,

Fillitagol 31:20

Sabo mi nannan lenyol ngool leydi ndi kunaninoomi maamiraaɓe maɓɓe mi hokkan ɗum'en ndiin. Ɗum woni leydi ndi kosam e njuumndi ilata e muuɗum ndiin. Toon, ɓe nyaamoyta faa ɓe kaara, ɓe paya de ɓe tottitoo kam ɓe ndewa allaaji goɗɗi. Ɓe ɗowtanoo ɗum'en, ɓe kuyfina kam de ɓe mbonna amaana am oon.

Fillitagol 4:23

Ndeentee, taa njeggiton amaana mo Joomiraaɗo, Laamɗo mooɗon waddi e mooɗon de ngaɗanon ko'e mooɗon tooru gomma, natal nanndinaangal e ko Joomiraaɗo, Laamɗo mooɗon haɗi ɗuum fuu.

Fillitagol 4:9

Ammaa ndeentee, kakkilee faa wooɗa taa njeggiton ko njiiruɗon gite mon ɗuum. Taa ɗum wurtoo e ɓerɗe mooɗon haddi nguurndam mooɗon fuu. Ekintinon ɗe ɓiɓɓe mooɗon e taaniraaɓe mooɗon.

Fillitagol 5:7

Taa ngoodaa alla goɗɗo si wanaa miin.

Fillitagol 8:19

Si on njeggitii Joomiraaɗo, Laamɗo mooɗon, de on ndewii allaaji goɗɗi, on ɗowtanake ɗi faa kofiɗon yeeso majji fu, mi seedanto on hannden, walaa sikke on kalkete.

Ibraninkooɓe 12:15

Kilnee taa fay gooto yeccoo gaɗa de hunngoo moƴƴere Laamɗo ndeen. Kilnee taa neɗɗo mooɗon laatoo hono ɗaɗol kaaɗungol. Sabo si yaltii fu, na raaɓira yimɓe heewɓe tooke muuɗum.

Ibraninkooɓe 2:1

Ndelle, eɗen kaani wattude hakkillooji meeɗen sanne e ko nanɗen ɗuum, taa mbosoɗen goonga.

Ibraninkooɓe 3:12

Ndelle sakiraaɓe, kaybee taa fay gooto mooɗon tawree ɓernde bonnde nde walaa goonɗinal, de sela Laamɗo Buurɗo.

Ibraninkooɓe 4:1

Laamɗo na heddii na hokka en amaana naatude fowtere muuɗum. Ndelle sanaa kulen taa fay gooto e meeɗen hunngoo naatude.

Yaakuuba 1:26

Neɗɗo fuu jogoriiɗo hoore muuɗum wo diinanke lobbo, si tawii dawrantaa ɗemngal muuɗum fu, hiilii hoore mum. Neɗɗo oon le, walaa fuu ko nafata e diina muuɗum.

1 Yuhanna 5:21

Ɓikkoy am, ndeenee ko'e mooɗon e ɗowtanteeɓe woɓɓe.

Holleede 12:9

Kuungal manngal ngaal riiwaama. Kangal woni mboddi arandeeri mbi'eteendi Ibiliisa naa Seyɗaani, njarribotoondi adunaaru ndu fuu. Ndi faɗɗaama e leydi, kayri e maleyka'en mayri fuu.

Holleede 13:14

Nga hiiliri yimɓe adunaaru kaayeefiiji ɗi nga hokkaa waɗude ley baawɗe ndaabaawa arandeya ngaan. Inga tindina yimɓe adunaaru moƴƴina tooru nanndundu e ndaabaawa barminiranoonga kaafaahi faa nesi waatude ammaa ina wuuri ngaan.

Holleede 20:4

Ndeen nji'umi jooɗorɗe laamu. Jooɗiiɓe e majje ɓeen kokkaama baawɗe saraade. Nji'umi katin yonkiiji ɓe ko'e muɓɓen taƴanoo saabe ko ɓe mbaajii seedaaku ngu Iisaa waddunoo, kam e konngol Laamɗo ngool. Ɓe cujidanaayno ndaabaawa ngaan e tooru nanndundu e muuɗum nduun, ɓe keɓaay maande magga e tiiɗe naa e juuɗe maɓɓe. Ɓeen iirtii, laamodii e Almasiihu duuɓi ujunere.

1 Samuwiila 12:20

Samuwiila wi'i yimɓe ɓeen: — Taa kulee. On ngaɗii bonanda o fuu, ammaa taa mbosee Joomiraaɗo, ndewee Joomiraaɗo e ɓerɗe mon fuu.

1 Samuwiila 12:21

Taa kuccitee faro tooruuji ɗi nafataa. Ɗi mbaawaa wallude on, ɗi mbaawaa dannude on sabo wo ɗi kulle ɓole.