Fillitagol 1:8 - Dewtere Laamɗo Fulfulde Burkina Faso

⁸ Ndaaron, mi hokkii on ndi. Njehee njeytowee ndi. Kayri woni ndi Joomiraaɗo huninoo hokkan maamiraaɓe mon Ibrahiima e Isiyaaka e Yaakuuba laatoo ndongu muɓɓen, kam'en e ƴuwdi muɓɓen fuu.

Fillitagol 1:8 ပူးပေါင်းရင်းမြစ်များ

Fuɗɗoode 12:7

Joomiraaɗo ɓangi e Abram, wi'i ɗum: — Wo ƴuwdi maa kokkammi leydi ndii. Abram mahani Joomiraaɗo sakkirde to ɓangani ɗum toon.

Fuɗɗoode 15:16

Ley jamaanu nayaɓo, ƴuwdi maa ndiin wartan ɗo, sabo etorgal hakkeeji Amorinkooɓe hiɓɓaay tafon sakko mi jukkoo ɗum'en.

Fuɗɗoode 15:18

Nyannde ndeen, Joomiraaɗo waddi amaana e Abram, wi'i ɗum: — Wo ƴuwdi maaɗa kokkammi leydi ndii, gilla maayo Misira faa yottoo Efrat, maayo manngo ngoon.

Nehemiya 9:15

Nde ɓe ndafanoo, a hokkii ɓe neema ƴuuruɗo dow. Nde ɓe ɗomɗunoo du, kokkuɗaa ɓe ndiyam ley tefaare. Mbiiɗaa ɓe teeta leydi ndi kuniɗaa a hokkan ɓe ndiin.

Wurtagol 23:31

Mi hokkan on ndongu gilla maayo Maaliya faa maayo Filistiyankooɓe, gilla ladde yoornde faa maayo Efrat, sabo mi wattan jooɗiiɓe e leydi ndiin fu e juuɗe mooɗon. On ndiiwan ɓe yeeso mooɗon.

Wurtagol 33:1

Joomiraaɗo haaldi e Muusaa wi'i: — Dillu ɗo, aan e yimɓe ɓe mburtinoyɗaa leydi Misira ɓeen. Njahon leydi ndi kunaniimi maamiraaɓe mooɗon Ibrahiima e Isiyaaka e Yaakuuba, mbiimi: «Mi hokkan ƴuwdi mooɗon leydi ndiin.»

Limle 14:23

yi'ataa leydi ndi kunaniimi maamiraaɓe maɓɓe ley amaana mi hokkan ɓe ndiin. Ley yawuɓe kam ɓeen fuu walaa ji'oowo leydi ndiin.

Limle 32:11

«Abada worɓe wurtiiɓe leydi Misira hewtuɓe duuɓi 20 e ko ɓuri noon nji'ataa leydi ndi podaninoomi Ibrahiima e Isiyaaka e Yaakuuba ndiin sabo ɓe cikkitirii kam.

Fillitagol 1:11

Joomiraaɗo, Laamɗo maamiraaɓe mooɗon ɓeyda on kile ujunere de barkina on hono no wiirunoo noon.

Fillitagol 1:35

Fay gooto hakkunde jamaanu bonɗo oo yi'ataa leydi lobbiri ndi kuninoomi mi hokkan maamiraaɓe maɓɓe ndiin,

Fillitagol 10:11

Ndeen Joomiraaɗo wi'i kam: — Umma ardoɗaa yimɓe ɓee. Ɓe naata leydi ndi kuniimi mi hokkan maamiraaɓe maɓɓe ndiin, ɓe njeyta ndi.

Fillitagol 11:24

Nokku fuu ɗo koyɗe mooɗon njaaɓi, laatoto jeyal mooɗon. Leydi mooɗon fuɗɗan gilla ladde yoornde faro horɗoore e Liban faro soɓɓirre, yaade maayo Efrat faro lettugal faa yottoo maayo manngo faro gorgal.

Fillitagol 11:9

Noon waɗata de balɗe mon njuuta ley leydi ndi Joomiraaɗo hunanii maamiraaɓe mon hokkan ɗum'en kam'en e taaniraaɓe muɓɓen, ndi kosam e njuumndi ilata e muuɗum ndiin.

Fillitagol 2:29

Wo noon ɓiɓɓe Isuwa jooɗiiɓe Seyir e Mo'abinkooɓe jooɗiiɓe Ar ngaɗani min. Accaa min paltoo faa min njottoo maayo Urdun, min naata leydi ndi Joomiraaɗo, Laamɗo amin hokkata min ndiin.

Fillitagol 26:15

Yaa Joomiraaɗo! Miɗen ŋaare, tiimaa min gilla nokkuure maaɗa seniinde dow kammuuli toon de mbarkinaa Israa'iila, lenyol maaɗa e leydi ndi kokkuɗaa min fodde no kunoraninoɗaa maamiraaɓe amin noon. Ɗum woni leydi ndi kosam e njuumndi ilata e muuɗum ndiin.

Fillitagol 26:3

Njahon to almaami jottinoowo sadakaaji ley nyalaaɗe ɗeen de mbi'on ɗum: — Hannden miɗen njiɗi hollude Joomiraaɗo, Laamɗo maaɗa ko min naatii ley leydi ndi hunaninoo maamiraaɓe amin hokkan min ndiin.

Fillitagol 28:11

Joomiraaɗo hebbinan on barke, o ɗuuɗinan ɓeyngu mooɗon. O barkinan daabaaji mon e gese mon fuu ley leydi ndi o hunaninoo maamiraaɓe mon o hokkan on ndiin.

Fillitagol 29:12

O waɗan ɗum faa laatoɗon yimɓe makko de kanko e hoore makko o laatoo Laamɗo mooɗon fodde no o wiirunoo on, no o hunoraninoo maamiraaɓe mon Ibrahiima e Isiyaaka e Yaakuuba noon.

Fillitagol 30:20

Njiɗon Joomiraaɗo, Laamɗo mooɗon, kettindoɗon jamirooje muuɗum, kaɓɓondiron e muuɗum sabo wo kanko woni nguurndam e njuundam balɗe mon faa keɓon mbuuron ley leydi ndi o huninoo o hokka maamiraaɓe mooɗon Ibrahiima e Isiyaaka e Yaakuuba ndiin.

Fillitagol 31:7

Muusaa noddi Yoosuwa yeeso jamaare Israa'iila fuu de wi'i ɗum: — Laatoɗaa jom cuusal, cemmbinɗinaa ɓernde ma, sabo wo aan nannata yimɓe ɓee ley leydi ndi Joomiraaɗo hunaninoo maamiraaɓe muɓɓen hokkan ɗum'en ndiin. Wo aan hokkata ɓe ndi faa ndi laatoo ndongu maɓɓe.

Fillitagol 34:4

Joomiraaɗo haaldi e makko wi'i: — Wo leydi ndii kunaninoomi Ibrahiima e Isiyaaka e Yaakuuba mi hokkan taaniraaɓe muɓɓen. Mi waɗii a yiirii ndi gite maaɗa, ammaa a naatataa ndi.

Fillitagol 4:1

Muusaa ɓeydi wi'i: Onon yimɓe Israa'iila, kettinee jamirooje e sariyaaji ɗi njannginanmi on. Ɗowtanoɗon ɗi faa mbuuron de njahon njeytowon leydi ndi Joomiraaɗo, Laamɗo maamiraaɓe mooɗon hokkata on ndiin.

Fillitagol 6:10

Nde Joomiraaɗo, Laamɗo mooɗon nannowi on leydi ndi hunaninoo maamiraaɓe mooɗon Ibrahiima e Isiyaaka e Yaakuuba hokkan on ndiin fu, on tawan galluuje lobbe mawɗe ɗe on nyiɓaay.

Fillitagol 7:12

Si on kettindake jamirooje ɗeen, on tinnake e waɗude ko mbi'i fu, Joomiraaɗo, Laamɗo mooɗon tabintinan amaana e hinney muuɗum mo hunaninoo maamiraaɓe mooɗon oon.

Fillitagol 7:13

O yiɗan on, o barkina on de o ɗuunna on. O barkinan ɓeyngu mooɗon, wooɗi du, o barkinan alkama mon e inaboojam mon e nebbam mon, e ɓiɓɓe gese mon fuu. Daabaaji mon pamari e mawɗi fuu ngaɗan barke ley leydi ndi o hunanii maamiraaɓe mon o hokkan on ndiin.

Fillitagol 7:8

Ammaa wo saabe Joomiraaɗo na yiɗi on, wooɗi du, na haajaa tabintinde hunayeere nde hunaninoo maamiraaɓe mooɗon. O rimɗini on, o wurtiniri on semmbe mawɗo leydi Misira, ley suudu maccungaaku e junngo kaananke Fira'awna.

Fillitagol 8:1

Tinnoɗon e ɗowtanaade jamirooje ɗe ekintinanmmi on hannden ɗeen fuu faa mbuuron, keewon wooɗi du naaton leydi ndi Joomiraaɗo hunaninoo maamiraaɓe mon hokkan ɗum'en ndiin.

Fillitagol 9:5

Wanaa saabe dartaare mooɗon e laaɓal ɓerɗe mon waɗi de oɗon njeyta leydi maɓɓe, ammaa wo saabe bonde lenyi ɗiin de Joomiraaɗo, Laamɗo mooɗon teeti ɗi yeeso mon faa tabintina hunayeere nde hunaninoo maamiraaɓe mon Ibrahiima e Isiyaaka e Yaakuuba.

Ibraninkooɓe 6:13

Ko Laamɗo waɗanannoo Ibrahiima amaana ɗuum, wo hoore muuɗum hunorii, sabo walaa fuu potuɗo e muuɗum manngu faa hunoroo ɗum.

Ibraninkooɓe 6:14

O wi'i: «Mi hunake, mi waɗan e maa barke, mi hebbinan ƴuwdi maa faa heewa!»

Yoosuwa 1:6

Semmbin hoore maa, cemmbinɗinaa ɓernde maa du, sabo e ardagol maaɗa yimɓe ɓeen ndonirta leydi ndi kunaniniimi maamiraaɓe muɓɓen mi hokkan ɗum'en ndiin.

Ardiiɓe 2:1

Joonin, maleyka Joomiraaɗo ummii gilla Gilgal yehi Bokim. O wi'i Israa'iilankooɓe: — Wo miin wurtini on leydi Misira, waddi on nder leydi ndi kunaniimi maamiraaɓe mooɗon mi hokkan ɗum'en. Katin du, wo miin wi'unoo mi halkataa amaana mo ngaddumi e mooɗon oon faa abada.