Fillitagol 1:7 - Dewtere Laamɗo Fulfulde Burkina Faso

⁷ Ndelle ummee ƴeenyowon baamle Amorinkooɓe, naaton leyɗe piiliiɗe ɗum'en e njaayri Araba e leydi baamle e jaayri sera baamle e Negeb mo horɗoore e daande maayo, leydi Kanaana e Liban faa yottoo maayo Efrat.

Fillitagol 1:7 ပူးပေါင်းရင်းမြစ်များ

Fuɗɗoode 12:9

Noon Abram heddorii ina waɗa egga-hoɗa faro horɗoore leydi Kanaana.

2 Samuwiila 8:3

Katin du, Daawda jaalii kaananke leydi Soba, bi'eteeɗo Hadadeser ɓii Rehoob. O haɓdi e muuɗum wakkati yahunoo faa semmbina laamu muuɗum to maayo Efaratis ndeen.

1 Kabaaruuji Laamiiɓe 18:3

Daawda jaalii Hadad-Ejer, kaananke Soba faro Hamat wakkati Hadad-Ejer oon yahunoo maayo Efrat faa joƴƴinowa laamu muuɗum ndeen.

1 Kabaaruuji Laamiiɓe 27:29

Sitiray mo Saron wonnoo mawɗo durooɓe na'i ley durduɗe Saron. Safat ɓii Adilay du, kam ndaaranannoo ɗi durduɗe naɗɗi.

1 Kabaaruuji Laamiiɓe 5:9

Faro lettugal du iɓe jooɗinoo faa naarude ladde yoornde wonnde ɗakkol maayo Efrat sabo iɓe njoginoo daabaaji ɗuuɗɗi sanne ley leydi Galaad.

Wurtagol 23:31

Mi hokkan on ndongu gilla maayo Maaliya faa maayo Filistiyankooɓe, gilla ladde yoornde faa maayo Efrat, sabo mi wattan jooɗiiɓe e leydi ndiin fu e juuɗe mooɗon. On ndiiwan ɓe yeeso mooɗon.

Amos 2:9

Miin woni kalkunooɗo Amorinkooɓe yeeso maɓɓe. Ɗum woni toowuɓe hono leɗɗe seddere, semmbiɗinɓe hono leɗɗe mawɗe ɓeen. Mi halkii ɓiɓɓe muɓɓen gilla dow, mi yoornii ɗaɗi muɓɓen du faa ley.

Limle 10:12

Israa'iila'en eggi ladde Sinayi, ruulde ndeen darowii faa dow ladde Paran.

Fillitagol 1:19

Caggal ɗuum, ndilluɗen Sinayi, peccitinɗen ladde yoornde mawnde hulɓiniinde nde njiiɗon ndeen. Aduɗen laawol baamle Amorinkooɓe fodde no Joomiraaɗo, Laamɗo meeɗen yamirnoo en faa njottiɗen Kades-Barneya.

Fillitagol 11:11

Leydi ndi njeytoyton ndiin wo ndi baamle e naɗɗi, ndi ƴuwoonde yarnata.

Fillitagol 11:24

Nokku fuu ɗo koyɗe mooɗon njaaɓi, laatoto jeyal mooɗon. Leydi mooɗon fuɗɗan gilla ladde yoornde faro horɗoore e Liban faro soɓɓirre, yaade maayo Efrat faro lettugal faa yottoo maayo manngo faro gorgal.

Yoosuwa 1:4

Gilla ley ladde faa yottowoo dow baamle Liban faro soɓɓirre, gilla maayo wi'eteengo Efrat, e leydi Hittiyankooɓe fuu, faa yottoo maayo Manngo faro gorgal maggo, fuu laatoo leydi mooɗon.

Yoosuwa 10:40

Ndelle, Yoosuwa jaalii leydi ndiin fuu. O jaalii gure gonɗe dow baamle e gonɗe horɗoore, e ley baamle e nder naɗɗi fuu, kanje e kaanankooɓe majje. O accidaay fay gooto e yonki. O halki ko foofata fuu, hono no Joomiraaɗo, Laamɗo Israa'iila yamirnoo mo noon.

Yoosuwa 24:15

Si ɗowtanaade Joomiraaɗo fotanaay on, ndelle hannden cuɓee mo ɗowtantoɗon, yalla allaaji ɗi maamiraaɓe mon ɗowtantonoo caggal maayo Efaratis ɗiin naa wo allaaji Amorinkooɓe ɓe njooɗiɗon ley leydi muɓɓen ɓeen ɗowtantoɗon. Ammaa miin e suudu am kaa, min ɗowtanto Joomiraaɗo.

Yoosuwa 9:1

Kabaaru jaalagol Israa'iila'en yottii laamiiɓe wonɓe gorgal Urdun fuu, to leyɗe gonɗe dow baamle, e ley baamle e leyɗe ɗakkiiɗe maayo Manngo faa yottii Liban. Ɓeen ngoni laamiiɓe Hittiyankooɓe e Amorinkooɓe e Kanaaninkooɓe e Perisinkooɓe e Hiwinkooɓe e Yebusinkooɓe fuu. Nde ɓe nannoo kabaaru majjum ndeen,

Holleede 9:14

Daande ndeen ina wi'a maleyka njeegaɓo jogiiɗo buututal oon: — Haɓɓitin maleyka'en nayo haɓɓaaɓe to maayo manngo wi'eteengo Efarata.