Fillitagol 1:37 - Dewtere Laamɗo Fulfulde Burkina Faso

³⁷ Fay miin, Joomiraaɗo tikkanii kam saabe mooɗon faa wi'ii kam: — Fay aan, a naatataa leydi ndiin.

Fillitagol 1:37 ပူးပေါင်းရင်းမြစ်များ

Limle 20:12

Ammaa Joomiraaɗo wi'i Muusaa e Haaruuna: — Saabe on koolaaki kam, on ndaardaay kam mi ceniiɗo yeeso Israa'iila'en, wanaa onon nannata yimɓe ɓee leydi ndi kokkumi ɗum'en ndiin.

Limle 27:18

Joomiraaɗo jaabii Muusaa wi'i: — Kooƴaa Yoosuwa ɓii Nuun de njowaa junngo maaɗa dow muuɗum. Wo o neɗɗo mo Ruuhu am woni e muuɗum.

Fillitagol 3:27

Ƴeenyu faa dow waamnde Pisiga, ndaaraa faro gorgal e soɓɓirre e horɗoore e lettugal. Njiiraa ndi gite maaɗa, ammaa a faltataako maayo Urdun ngoo.

Fillitagol 3:28

Kokkaa Yoosuwa jamirooje e ngorgu, cemmbinɗinaa ɗum sabo wo kam ardotoo jamaare ndeen faa ronna ɗum leydi ndi kokkammi ɓe ndi nji'ataa ndiin.

Fillitagol 31:2

Hannden duuɓi am wo 120. Mi waawataa ardaade on katin, wooɗi du, Joomiraaɗo wi'ii kam mi heɓataa feƴƴude Urdun.

Fillitagol 32:52

Leydi ndi kokkammi Israa'iila'en ndiin, a yi'irowan ɗum e gite maaɗa ammaa a naatataa ndi.

Fillitagol 34:4

Joomiraaɗo haaldi e makko wi'i: — Wo leydi ndii kunaninoomi Ibrahiima e Isiyaaka e Yaakuuba mi hokkan taaniraaɓe muɓɓen. Mi waɗii a yiirii ndi gite maaɗa, ammaa a naatataa ndi.

Fillitagol 4:21

Joomiraaɗo tikkanii kam saabe mooɗon de hunii wi'i mi faltataako Urdun mi naata leydi lobbiri ndi kam Joomiraaɗo, Laamɗo mooɗon hokkata on laatoo ndongu mooɗon ndiin.

Fillitagol 4:22

Ndelle miin kaa, ley leydi ndii maayanmi. Mi heɓataa faltaade Urdun. Ammaa onon kaa, on paltoto, naaton leydi lobbiri ndi njeytoton ndiin.