Fillitagol 1:21 - Dewtere Laamɗo Fulfulde Burkina Faso

²¹ Ndaaree: Joomiraaɗo, Laamɗo mooɗon wattii leydi ndiin e juuɗe mooɗon. Njahon njeytowon ndi hono no Joomiraaɗo, Laamɗo maamiraaɓe mon wi'iri noon. Taa kulon, taa nesi mooɗon taƴa.

Fillitagol 1:21 ပူးပေါင်းရင်းမြစ်များ

Nehemiya 9:15

Nde ɓe ndafanoo, a hokkii ɓe neema ƴuuruɗo dow. Nde ɓe ɗomɗunoo du, kokkuɗaa ɓe ndiyam ley tefaare. Mbiiɗaa ɓe teeta leydi ndi kuniɗaa a hokkan ɓe ndiin.

Limle 13:30

Wakkati oon Kaalibu darni duko ŋurŋurtanooɓe Muusaa ɓeen de wi'i: — En njaha teetowen leydi ndiin, sikke fuu walaa en njaaltoto ɓe de teeten ndi!

Luuka 12:32

Taa kulee, onon coggal pamaral, sabo Baaba mooɗon ina seyorii hokkude on laamu muuɗum.

Fillitagol 1:20

Ndeen mbiimi on: — On njottake waamnde Amorinkooɓe nde Joomiraaɗo, Laamɗo meeɗen hokkata en ndeen.

Fillitagol 20:1

Nde njahoyɗon faa kaɓdon e wayɓe mon de njiiɗon pucci ɗuuɗɗi e torkooji ɗuuɗɗi e ori sordaasiiɓe ɓurɓe on fu, taa kulon sabo Joomiraaɗo, Laamɗo mooɗon burtinɗo on leydi Misira oon na wondi e mooɗon.

Fillitagol 20:3

wi'a ɓe: — Kettindee, onon yimɓe Israa'iila. Hannden on kawran e wayɓe mon ley wolde. Taa ɓerɗe mon ndiwna. Taa kulon ɓe, taa nesi mon taƴa yeeso maɓɓe.

Fillitagol 31:6

Laatee yimɓe semmbiɗinɓe suusuɓe. Taa kulee, taa accee ɓe kulɓina on. Joomiraaɗo, Laamɗo mooɗon kam e hoorem na wondi e mooɗon. Abada o yoppataa on, o tottitataako on.

Fillitagol 7:18

Taa kulon ɓe. Miccitee ko Joomiraaɗo, Laamɗo mooɗon waɗi Fira'awna e leydi Misira fuu.

Fillitagol 7:21

Taa ɓerɗe mon ndiwna saabe maɓɓe, sabo Joomiraaɗo, Laamɗo mon gonɗo hakkunde mooɗon oon, wo Laamɗo mawɗo, kulɓiniiɗo.

Fillitagol 9:23

Nde ngonnoɗon Kades-Barneya ndeen, Joomiraaɗo nelii on, wi'i: — Njehee njeytowee leydi ndi kokkumi on ndiin. Ndeen muurtanɗon jamirooje Joomiraaɗo, Laamɗo mooɗon, on koolaaki ɗum, on kettindanaaki ɗum.

Ibraninkooɓe 13:6

Saabe majjum, eɗen mbaawi haalude ɗum ɗo dow hoolaare: «Joomiraaɗo woni balloowo kam, mi hulataa. Ɗume neɗɗo waawata waɗude kam?»

Yoosuwa 1:6

Semmbin hoore maa, cemmbinɗinaa ɓernde maa du, sabo e ardagol maaɗa yimɓe ɓeen ndonirta leydi ndi kunaniniimi maamiraaɓe muɓɓen mi hokkan ɗum'en ndiin.

Yoosuwa 1:9

Wanaa miin yamiri ma cemmbinɗinaa hoore maa, cemmbinɗinaa ɓernde maa du naa? Taa accu kulol nannge, sabo miin Joomiraaɗo, Laamɗo maaɗa miɗo wondi e maaɗa nokku fuu to njahataa.