Fillitagol 1:17 - Dewtere Laamɗo Fulfulde Burkina Faso

¹⁷ Taa wooda mo njinnganton ley sariya. Kettindanoɗon lokkaajo e jom semmbe fuu. Taa kulon fay gooto sabo wo Joomiraaɗo jeyi sariya. Si woodii ko tiiɗi on fu, ngaddon haala kaan yeeso am faa mi hettindoo.

Fillitagol 1:17 ပူးပေါင်းရင်းမြစ်များ

Fuɗɗoode 18:25

A'aa! A wanaa ngaɗoowo iri ɗuum! A halkidataa ponnditiiɗo e oonyiiɗo. Abada a fonndataa njoɓdi ponnditiiɗo e ndi bonɗo! Aan carotooɗo adunaaru fuu oon, a sarorto dartaare!

2 Samuwiila 14:14

Tennyoral, en fuu en maayan. Eɗen nanndi e ndiyam ndufaaɗam e leydi, sabo ɗam boɓtataako katin. Ammaa Laamɗo yiɗaa halkude yonki. Imo anniyii faa diiwaaɗo heɓa laawol wartude to makko.

Ayuuba 31:34

Yalla mi waɗiri noon sabo miɗo hula jamaa, naa mi hulii taa cuuɗi baaba keewɗi njawa kam, faa ndeƴƴiniimi de ndammbiimi ley ɓaade am naa?

Wurtagol 18:18

Aan e yimɓe warooɓe to maa fuu, on tampan tan. Gollal ngaal na teddani ma. A waawataa ɗum aan tan.

Wurtagol 18:22

Ɓeen njooɗotoo wakkati fuu faa caroo yimɓe. Ko tiiɗi ɓe fuu, ɓe ngadda ɗum to maaɗa. Si ko tiiɗaay du ɓe caroo ɗum kamɓe e ko'e maɓɓe. Noon golleeji maaɗa ɓuytortoo sabo ɓe mballete ndonndoɗaa donngal ngaal.

Wurtagol 18:26

Ɓeen carotoo yimɓe wakkati fuu. Ko tiiɗani ɓe fuu, ɓe njaara ɗum to Muusaa. Ko tiiɗaa du ɓe caroo ɗum kamɓe e ko'e maɓɓe.

Banndi 18:5

Haanaa neɗɗo daranoo bonɗo, de saloo goonga dartiiɗo.

Banndi 24:23

Inan haalaaji jom'en hakkillo: Nder kiite, ɓurdinde yimɓe wooɗaa.

Banndi 28:21

Haanaa neɗɗo jaɓana ɓe ɗo, de salanoo ɓe to, e noon fuu, fay heltere buuru heƴii faa wosina carotooɗo.

Banndi 29:25

Hulu neɗɗo, naataa tuugol, hoola Joomiraaɗo, kisaa.

Lewinkooɓe 19:15

Taa oonyon sariya. Taa njinganon talka pelniiɗo wooɗi du, taa kaɗon jom jawdi goonga si felnaaki ammaa cariron goonga e dartaare.

Matta 22:16

Ɓe neli yoga e taalibaaɓe maɓɓe e jokkuɓe Hirudus to Iisaa. Nulaaɓe ɓeen mbi'i mo: — Moodibbo, miɗen anndi a goongante: aɗa jannginira laawol Laamɗo ngol goonga. A hulataa fay gooto, sabo a ɓurdintaa yimɓe.

Marka 12:14

Ɓe ngari, ɓe mbi'i mo: — Moodibbo, miɗen anndi a goongante. A hulataa fay gooto, sabo a ɓurdintaa yimɓe, aɗa jannginira laawol Laamɗo ngol goonga. Yalla ina dagii min kokka kaananke Roma mawɗo oon lampo naa dagaaki? Min kokka mo naa taa min kokka mo?

Luuka 20:21

Ɓeen ƴami mo: — Moodibbo, miɗen anndi ko kaalataa ɗuum e ko mbaajotoɗaa ɗuum ina fonnditii, miɗen anndi a ɓurdintaa fay gooto, aɗa jannginira laawol Laamɗo ngol goonga.

Romankooɓe 2:11

Sabo Laamɗo ɓurdintaa yimɓe.

Efeesunkooɓe 6:9

Onon joomiraaɓe, ngorree hono noon e maccuɓe mooɗon. Taa kulɓinee ɓe. Anndon Joomii on, onon e maɓɓe fuu, ina woni dow kammu, de kam kaa ɓurdintaa yimɓe.

Fillitagol 10:17

sabo Joomiraaɗo, Laamɗo mooɗon oon, kam woni Laamɗo allaaji fuu. Kanko woni Joomiraaɗo joomiraaɓe, Laamɗo mawɗo, jom semmbe, kulɓiniiɗo mo jaɓataa senndiiru hakkunde yimɓe wooɗi du, mo jaɓataa njeenaari faa haɗa goɗɗo goonga.

Fillitagol 16:19

Taa oonyaa goonga, taa wooda mo njinngantaa ley sariya. Taa njaɓaa njeenaari to careteeɗo sabo njeenaari na wumna saahiiɓe, na ɗala dartiiɓe goonga.

Fillitagol 24:17

Taa oonyon sariya de ɗalon janano naa atiime goonga, wooɗi du taa njaɓon kaddungal debbo mo gorum maayi saabe tolma hakkunde mooɗon.

Fillitagol 25:1

Si jeddi ngaɗii hakkunde yimɓe ɗiɗo fu, njaaree to sarotooɓe. Gooduɗo goonga oon hokkee goonga. Toonyiiɗo oon du, jukkee fodde gacce muuɗum.

Koloosiyankooɓe 3:25

Gaɗoowo ko boni fuu heɓan mbarjaari gollal muuɗum bonngal ngaal, sabo Laamɗo ɓurdintaa yimɓe.

1 Tesaloniyankooɓe 2:4

Ammaa Laamɗo yardake min faa halfini min Kabaaru Lobbo oon. Wo hono noon min mbaajortoo. Wanaa ko welata yimɓe min pilotoo. Ko welata Laamɗo kumpitiiɗo ɓerɗe amin oon min pilotoo.

Yaakuuba 2:9

Ammaa si on ɓurdinii ɓiɓɓe-Aadama, on ngaɗii hakke. Yamiroore ndeen du na fela on ko mboofuɗon.

1 Piyeer 1:17

Oɗon noddira Laamɗo Baaba mooɗon. Kanko woni carortooɗo mono fuu e golle muuɗum, o ɓurdintaa yimɓe. Ndelle kulee mo ley ko ngaɗoton fuu, faa ɗo mbeerka mooɗon haaɗi e adunaaru.

1 Samuwiila 16:7

Ammaa Joomiraaɗo wi'i Samuwiila: — Taa taykoɗaa alhaali makko naa darnde makko, sabo mi salake mo. Joomiraaɗo ndaarataa kulle ɗe neɗɗo ndaarata. Neɗɗo na ndaara ko nanngata gite, Joomiraaɗo kaa na ndaara ɓernde.

1 Samuwiila 2:25

Si neɗɗo waɗii goɗɗo hakke fu, Laamɗo saroto. De si neɗɗo waɗii Laamɗo hakke, moy rewrintinta ɗum e Laamɗo? Ammaa ɓiɓɓe Eli ɓeen kettindaaki haala baaba muɓɓen, sabo Joomiraaɗo anniyake warude ɓe.