Filipiyankooɓe 4:6 - Dewtere Laamɗo Fulfulde Burkina Faso

⁶ Taa fay huunde haɓɓa on ko'e, ammaa nyaagoroɗon Laamɗo haajuuji mooɗon fuu ley du'aare. Ngaɗiron ɗum e jettooje.

Filipiyankooɓe 4:6 ပူးပေါင်းရင်းမြစ်များ

1 Kaanankooɓe 8:28

Ammaa e ɗuum fuu, Joomiraaɗo, Laamɗo am kettindanoɗaa kam miin maccuɗo maaɗa, taykoɗaa ko mbullitotoomi e ko ŋaarotoomaami ley du'aaw hannden.

Banndi 15:8

Sadaka bonɓe na nyiddinii yeeso Joomiraaɗo, ammaa du'aare dartiiɓe na weli mo.

Banndi 16:3

Halfin Joomiraaɗo golle maa, ndeen ko cegiliɗaa fuu tabitan.

Matta 10:19

Si on ndarnaama e sarorde, taa mbemmbeɗon no kaaldoton naa ko kaaloton. Sabo on kokkete haalaaji ɗi kaanɗon haalude wakkati oon.

Matta 13:22

Kabaaru aawdi caamundi e kebbe ndiin, ina nanndi e neɗɗo nanoowo konngol ngool, de kaɓɓu-ko'u adunaaru e eytugol jawdi ɓilla ngol, ngol laatoo dimarol.

Matta 6:34

Ndelle, taa jaango haɓɓa on ko'e, sabo jaango du wardan e ko muuɗum. Nyannde fuu, donngal muuɗum ina heƴa ɗum.

Matta 6:8

Taa nyemmbitee ɓe, sabo Baaba mooɗon ina anndi ko kaajaɗon gilla on nyaagaaki ɗum.

Luuka 10:41

Iisaa jaabii mo, wi'i: — Marta, Marta, aɗa tampina hoore maa e kujje keewɗe, aɗa jiiɓa hakkillo maa.

Luuka 12:22

Ndeen o wi'i taalibaaɓe makko ɓeen: — Ɗum waɗi miɗo wi'a on: taa nguurndam mon haɓɓa on ko'e e ko nyaamoton. Taa ɓalli mon du kaɓɓa on ko'e e ko ɓornotoɗon.

Luuka 12:29

Taa kilnee filaade ko nyaametee e ko yaretee, taa ɗum haɓɓa on ko'e!

Luuka 18:1

Iisaa banndani ɓe banndol faa hollita ɓe ina tilsi ɓe keddodoo e du'aare, taa ɓe njoppa saabe tampiri.

Luuka 18:7

De wanaa Laamɗo na walla suɓaaɓe muuɗum wullitotooɓe ɗum jemma e nyalooma ɓeen fuu faa ɓe keɓa sariya maɓɓe naa? O jaabataako ɓe law naa?

1 Korintunkooɓe 7:21

Nde noddaɗaa ndeen, si tawii a maccuɗo, taa ɗum laatane mettorgal. Ammaa si a heɓii laawol no ndimɗiraa fu, ndimɗaa.

1 Korintunkooɓe 7:32

Ko njiɗumi dey, ndaɗon e kaɓɓu-ko'u adunaaru. Mo dewlaay, hakkillo mum to kulle Joomiraaɗo ndaarata, wo ko welata Joomiraaɗo filotoo.

2 Korintunkooɓe 1:11

Oɗon mballira min e majjum du'aawuuji mon, onon du. Hono noon, moƴƴere nde o waɗanta min saabe du'aawuuji yimɓe heewɓe, waɗata faa heewɓe njetta Laamɗo saabe amin du.

Efeesunkooɓe 5:20

Njetton Laamɗo Baaba meeɗen wakkati fuu dow huunde fuu e ley innde Joomiraaɗo men Iisaa Almasiihu.

Efeesunkooɓe 6:18

Wakkati fuu ngaɗon du'aawuuji e nyaagundeeji e ballal Ruuhu Ceniiɗo. Kakkilee taa on celu waɗande seniiɓe ɓeen fuu du'aare.

Koloosiyankooɓe 3:15

Accon jam Almasiihu oon laamoo miilooji mooɗon, sabo Laamɗo noddii on faa ngondon e jam laatoɗon ɓanndu wooturu. Njetton Laamɗo.

Koloosiyankooɓe 3:17

Ko ngaɗoton fuu, nde wo haala nde wo golle, ngaɗiree ɗum fuu e ley innde Joomiraaɗo meeɗen Iisaa, njettiron Laamɗo Baaba meeɗen e innde makko.

Koloosiyankooɓe 4:2

Ciinee e du'aare, tawee oɗon kakkilana ɗum, oɗon njetta Laamɗo.

1 Timote 2:1

Ndelle, inan ko artotoomi waajaade goonɗinɓe: ɓe ŋaaroo Laamɗo, ɓe ngaɗana yimɓe fuu du'aawuuji e nyaagundeeji e jettooje.

1 Timote 5:5

Debbo mo gorum maayi mo walaa tiigotooɗo ɗum mo waldaa e fay gooto, halfinii hoore muuɗum Laamɗo. Imo heddoo e du'aare jemma e nyalooma, imo ŋaaroo Laamɗo.

1 Piyeer 4:7

Timmoode huunde fuu ɓadake. Ndelle, kakkilon, nanngitoɗon, faa keddoɗon e du'aare.

1 Piyeer 5:7

Paɗɗee kaɓɓu-ko'uuji mooɗon ɗiin fuu yeeso Laamɗo, sabo imo hakkilani on.

1 Samuwiila 1:15

Hanna jaabii, wi'i: — A'aa, wanaa noon joomam. Wo mi debbo mo ɓernde mettunde sanne. Mi sulaaki, mi yaraay doro, de mi yuppan torra yonki am yeeso Joomiraaɗo.

1 Samuwiila 30:6

Ɓernde Daawda metti sanne, sabo yimɓe na kaala haala limnude mo kaaƴe e ley mettorgal ɓerɗe maɓɓe dow ko ɓiɓɓe maɓɓe worɓe e rewɓe nanngaa ɗuum. Daawda kaa semmbinii ɓernde muuɗum ley innde Joomiraaɗo, Laamɗo muuɗum.

1 Samuwiila 7:12

Ndeen Samuwiila hooƴi hayre, wallini nde hakkunde wuro Mispa e wuro Sen, de inndiri nde Ebeneser, ɗum woni «Haayre Walloore». Sabo o wi'ii, «Illa ndeen faa hannden Joomiraaɗo wallii en.»