Filipiyankooɓe 4:11 - Dewtere Laamɗo Fulfulde Burkina Faso

¹¹ Wanaa saabe won ko kaajaami waɗi de mbiimi noon. Sabo si goonga, mi woowtinii hoore am hennyitoraade no tawraami fuu.

Filipiyankooɓe 4:11 ပူးပေါင်းရင်းမြစ်များ

Fuɗɗoode 28:20

Yaakuuba hunii, wi'i: — Si Laamɗo wondii e am, reenii kam e jahaangal am ngaal, si o hokkii kam ko nyaamammi e ko koltanmi,

Wurtagol 2:21

Muusaa jaɓi jooɗaade ley ɓaade gorko oon. Oon hokki mo ɓiyum debbo inndirteeɗo Sifoora o ɓaŋi.

Luuka 3:14

Sordaasiiɓe du ƴami mo kam'en du, mbi'i: — Minen le, ɗume min njeyi waɗude? O wi'i ɓe: — Taa njanee fay gooto, taa pewanon fay gooto, kennyitoroɗon njobdi mon.

2 Korintunkooɓe 11:27

Mi gollii sanne, faa mi tampii. Jemmaaji keewɗi mi ɗaanataako. Wakkatiiji keewɗi miɗo yolbi, miɗo ɗomɗi, miɗo suumoo, miɗo jaangee, miɗo holi.

2 Korintunkooɓe 6:10

Miɗen ndaardee min suniiɓe tawee min seyiiɓe wakkati fuu. Miɗen ndaardee min talkaaɓe tawee miɗen ngaɗa heewɓe joomiraaɓe jawdi. Miɗen ndaardee min ngalaa fay huunde tawee miɗen njogii huunde fuu.

2 Korintunkooɓe 8:9

Sabo oɗon anndi moƴƴere Joomiraaɗo meeɗen Iisaa Almasiihu: kam jom jawdi oon, waɗii hoore muuɗum talkaajo saabe mooɗon faa laatoroɗon joomiraaɓe jawdi talkaaku muuɗum nguun.

2 Korintunkooɓe 9:8

Laamɗo ina waawi hebbinande on siyiiji moƴƴere fuu. Hono noon keɓiron ko heƴata on wakkati fuu e ley huunde fuu, faa keddoroɗon ko heewi saabe gollal lobbal fuu.

Filipiyankooɓe 3:8

Goonga, miɗo jogorii ɗum fuu wo mursey, sabo anndude Joomiraaɗo am Iisaa Almasiihu ɓuri kulle ɗeen fuu. Wo saabe makko njardoriimi mursude ko njogiimi. Miɗo jogorii huunde fuu wo tuundi faa mi heɓa Almasiihu,

Ibraninkooɓe 10:34

Si goonga du, on cunodake e uddaaɓe ley kasu, wooɗi on njaɓii teeteede ko njogiɗon ɗuum fuu. On njaɓirii ɗum seyo, sabo on anndii oɗon njogii ko ɓuri ɗuum fuu wooɗude, ko tabitata faa abada.