Filipiyankooɓe 3:1 - Dewtere Laamɗo Fulfulde Burkina Faso

¹ Ko heddii fu, sakiraaɓe am, ceyoree Joomiraaɗo. Fay si miɗo winndana on ko mbinndannoomi on arande, ɗum tampintaa kam, wooɗi, iɗum reena ɓerɗe mooɗon onon du.

Filipiyankooɓe 3:1 ပူးပေါင်းရင်းမြစ်များ

1 Kabaaruuji Laamiiɓe 15:28

Yimɓe Israa'iila fuu kawriti njaari Keesuwal Amaana Joomiraaɗo ngaal Urusaliima. Iɓe peekoo iɓe njima, iɓe puufa luwe, iɓe koɗa kolli, iɓe ngokkondira beɗi njamndi.

1 Kabaaruuji Laamiiɓe 16:10

Mantoree innde makko seniinde ndeen, filotooɓe Joomiraaɗo fuu mbelna ɓerɗe muɓɓen.

1 Kabaaruuji Laamiiɓe 29:22

Nyannde ndeen, ɓe nyaami, ɓe njari yeeso Joomiraaɗo ley seyo manngo. Caggal ɗuum ɓe ngaɗi Suleymaana, ɓii Daawda oon kaananke ɗiɗaɓerde. Ɓe njoori nebbam dow hoore makko de ɓe ngaɗi o kaananke yeeso Joomiraaɗo. Ɓe njoori nebbam dow Sadok du, ɓe ngaɗi ɗum almaami.

Nehemiya 8:10

O wi'i ɓe katin: — Njehee nyaamowe nyaamndu lobburu, njaron cabijam mbelɗam. Mo walaa ko defa fuu, neldon ɗum nyaamdu ngam hannden wo nyalaande Joomiraaɗo meeɗen seniinde. Taa mettinon ɓerɗe mooɗon. Mbeltoree seyo saabe Joomiraaɗo woni semmbe mooɗon.

Ayuuba 22:26

Kam du laatante ko ɓurɗaa weltoraade, a tiggitoto Laamɗo.

Matta 5:12

Ceyee, mbeltee, sabo mbarjaari mawndi ina doomi on dow kammu. Sabo hono noon annabaaɓe artiiɓe on ɓeen torriraa.

Luuka 1:47

Ɓernde am ina heewi seyo e dow Laamɗo Kisinoowo kam,

Romankooɓe 5:11

De wanaa ɗuum tan, ammaa eɗen ceyoroo Laamɗo saabe Joomiraaɗo men Iisaa Almasiihu, dewrintinɗo en e Laamɗo oon.

2 Korintunkooɓe 13:11

Wooɗi, ko cakitotoomi wi'ude sakiraaɓe, ceyoɗon. Kegintinee nguurndam mon faa wooɗa, njaɓee waajeede, njogee miilo wooto, mbuuree e jam. Ndeen, Laamɗo jom njinngu e jam wondan e mooɗon.

Efeesunkooɓe 6:10

Walaa ko heddii si wanaa wiide on keewon semmbe e ley kawtal mooɗon e Joomiraaɗo, tiigoɗon baawɗe makko mawɗe ɗeen.

Fillitagol 12:18

Ammaa nyaamon ɗum yeeso Joomiraaɗo, Laamɗo mooɗon, ley nokkuure nde suɓoytoo ndeen onon e ɓiɓɓe mon worɓe e rewɓe e maccuɓe mon e horɓe mon e Lewinkooɓe jooɗiiɓe ley galluuje mon. Ceyoɗon yeeso Joomiraaɗo, Laamɗo mooɗon saabe barke golleeji mooɗon fuu.

Fillitagol 16:11

Ceyoɗon yeeso Joomiraaɗo, Laamɗo mooɗon ley nokkuure nde suɓoytoo faa tabintina innde muuɗum ndeen. Ceyodoɗon e ɓiɓɓe mon worɓe e rewɓe e maccuɓe mon e horɓe mon e Lewinkooɓe jooɗiiɓe ley galluuje mon e jananɓe e atiime'en e rewɓe ɓe goriraaɓe muɓɓen maayi wonɓe hakkunde mooɗon.

Filipiyankooɓe 3:3

Sabo wo enen ngoni taadiiɓe jaati ɓeen, eɗen teddinira Laamɗo e ballal Ruuhu muuɗum, eɗen mantoroo Iisaa Almasiihu, en njowaay jikke men dow golleeji ɓanndu.

Filipiyankooɓe 4:4

Ceyoree Joomiraaɗo wakkati fuu. Miɗo wi'a on katin, ceyee!

Filipiyankooɓe 4:8

Joonin kaa sakiraaɓe, miilooji mooɗon keddoo dow goonga, e ko teddi, e ko fonnditii, e ko senii, e ko foti yiɗeede, e ko leeɓi. Kakkilanee ko moƴƴi, e ko jeyi maneede fuu.

1 Tesaloniyankooɓe 4:1

Caggal ɗuum, sakiraaɓe, min njannginii on no kaanɗon worrude faa wela Laamɗo. Oɗon ngaɗa ɗum du. Miɗen nyaagoo on saabe Joomiraaɗo men Iisaa, tinnoɗon, ɓeydon semmbe.

1 Tesaloniyankooɓe 5:16

Ceyoɗon wakkati fuu.

Yaakuuba 1:2

Sakiraaɓe am, nde tiiɗallaaji ɗi kawtaa sii ngari ndaartindaade on fu, tiigoree ɗum fuu seyo manngo.

1 Piyeer 3:8

Ko jokkiti dey, on fuu laatee hakkillo wooto, moƴƴunduron, njiɗunduron njinngu sakiraagu, njurmunduree, leeƴinkinoɗon.

1 Piyeer 4:13

Ammaa ceyee sabo ko kawtuɗon e Iisaa Almasiihu torraaji joonin ɗuum, faa ceyoɗon sanne ley ilinaali nde teddeengal makko ɓangi.

2 Piyeer 3:1

Sakiraaɓe am horsuɓe, ɓataaki ki woni ɗiɗaɓi ki mbinndanammi on. E ley ɗiɗi ɗiin fuu, miɗo filoo miccinde on kabaaru o, faa hakkillooji mooɗon ɓeydoo miilaade ko laaɓi.

1 Samuwiila 2:1

Hanna du'ii, wi'i: — Ɓernde am ina seyoroo Joomiraaɗo. Semmbe am ɓantake saabe Joomiraaɗo. Hunnduko am omtaama dow wayɓe kam. Miɗo heewi seyo sabo Joomiraaɗo dannii kam.