Filipiyankooɓe 2:9 - Dewtere Laamɗo Fulfulde Burkina Faso

⁹ Ɗuum waɗi de Laamɗo toownii mo sanne, hokki mo innde ɓurnde inɗe fuu,

Filipiyankooɓe 2:9 ပူးပေါင်းရင်းမြစ်များ

Fuɗɗoode 3:15

Mi waɗan nganyaandi hakkunde maaɗa e debbo oon, e hakkunde ƴuwdi maaɗa e ƴuwdi makko. Ƴuwdi debbo oon fusan hoore maa, aan du, a soppan mo teppere.

Matta 11:27

Baaba am wattii huunde fuu ley junngo am. Fay gooto anndaa Ɓiɗɗo oon si wanaa Baabiiwo. Fay gooto anndaa Baabiiwo du si wanaa Ɓiɗɗo, e mo Ɓiɗɗo oon muuyi ɓanginande.

Matta 28:18

O ɓattitii, o wi'i ɓe: — Mi hokkaama baawɗe fuu dow kammu e leydi.

Luuka 10:22

Baaba am wattii huunde fuu ley junngo am. Fay gooto anndaa Ɓiɗɗo si wanaa Baabiiwo. Fay gooto anndaa Baabiiwo du si wanaa Ɓiɗɗo, e mo Ɓiɗɗo oon muuyi ɓanginande.

Yuhanna 13:3

Iisaa na anndi Baabiiwo wattii huunde fuu e junngo muuɗum, ina anndi to Laamɗo ƴuuri, to Laamɗo yeccotoo du.

Yuhanna 17:11

Joonin mi heddataako ley adunaaru katin. To maaɗa njahammi. De kamɓe kaa, ɓe keddoto e mayru. Aan Baabiiwo Ceniiɗo, reenir ɓe baawɗe innde maaɗa nde kokkuɗaa kam ndeen, faa ɓe laatoo gootum hono no meeɗen ni.

Yuhanna 17:12

Nde ngondunoomi e maɓɓe ley adunaaru ndu ndeen, mi reenirii ɓe baawɗe innde maa nde kokkuɗaa kam ndeen, mi tinnake e maɓɓe. Fay gooto halkaay si wanaa jeyɗo halkude oon, faa ko sappaa e Binndi ɗiin ɗuum tabita.

Yuhanna 17:5

Joonin kaa, Baabiiwo, teddinam yeeso maa darja mo ngoodunoomi to maaɗa gilla adunaaru ndu tagaaka.

Golle Nelaaɓe 5:31

Wo kanko Laamɗo teddini faa toowni, de joƴƴini mo gere nyaamo muuɗum. Laamɗo waɗi mo hooreejo, waɗi mo kisinoowo faa o hokka Israa'iilankooɓe no tuubira, faa keɓa yaafaneede lutti muɓɓen.

Efeesunkooɓe 1:10

Anniya oon wo hawrundurde huunde fuu e hawju Almasiihu, wanaa ko woni dow kammu tan, de ko woni e leydi du. Laamɗo yottinan ɗum si wakkati oon hiɓɓii.

Koloosiyankooɓe 1:18

Kanko woni hoore kawrital goonɗinɓe mo, laatiingal ɓanndu makko ngaal. Kanko woni fuɗɗoode, kanko woni arandeejo e iirtiiɓe hakkunde maayɓe, faa o laatoo ardiiɗo e ley huunde fuu.

2 Tesaloniyankooɓe 1:12

Hono nii, innde Joomiraaɗo men Iisaa teddinirtee e ley mooɗon, onon du teddinireɗon saabe makko. Ɗum fuu laatoto saabe moƴƴere makko, kanko Laamɗo meeɗen e Joomiraaɗo meeɗen Iisaa Almasiihu.

Ibraninkooɓe 1:4

Ndelle ɓiɗɗo oon laatake ɓurɗo maleyka'en manngu, hono no innde nde Laamɗo hokki mo ndeen ɓurdi inɗe maɓɓe faa waawaa fonndideede.

Ibraninkooɓe 1:9

Aɗa yiɗi fonnditaare, aɗa wanyi oonyaare. Saabe ɗuum, Laamɗo Joomiraaɗo maa suɓii ma joori nebbam kaanankaaku dow maaɗa, hokki ma seyo ɓurngo ngo banndiraaɓe maa fuu.»

Ibraninkooɓe 12:2

Ngatten hakkillooji meeɗen dow Iisaa. Kam omtani en laawol goonɗinal, kam tabintinta goonɗinal ngaal du. Kanko, saabe ko o yi'i seyo ina heɗii mo ɗuum, o munyii maayde dow leggal palaangal ngaal, o yawi semteende maggal. Joonin, imo jooɗowii gere nyaamo jooɗorgal laamu Laamɗo.

Ibraninkooɓe 2:9

E wakkatiyel seeɗa Iisaa leeƴinaama ley maleyka'en. Ammaa joonin en nji'ii imo fiilaa darja e teddeengal saabe ko o yari torra maayde. Goonga ni, o maayanii yimɓe fuu saabe hinney Laamɗo.

1 Piyeer 3:22

O ƴeentowii dow kammu, imo jooɗii gere nyaamo Laamɗo. Imo laamii maleyka'en e kaanankooɓe e jogiiɓe baawɗe fuu.

2 Piyeer 1:17

Laamɗo Baabiiwo hokkii mo teddeengal e darja. Wakkati oon daande Laamɗo jom darja mawɗo oon hewtii mo, de wi'i: «O wo Ɓiyam mo korsinmi, mo ceyortoomi.»

3 Yuhanna 1:7

Sabo kamɓe, wo saabe Almasiihu ɓe ummorii jahaangal ngaal. Ɓe pilaaki yimɓe ɓe ngoonɗinaay ɓeen mballa ɓe fay huunde.

Holleede 1:5

Wo on keɓu moƴƴere e jam ƴuuruɗe to Iisaa Almasiihu, seedee koolniiɗo, artiiɗo iirtineede hakkunde maayɓe, dawranoowo kaanankooɓe adunaaru ndu. Kam yiɗi en de haɓɓiti en e hakkeeji meeɗen saabe ƴiiƴam muuɗum ndufaaɗam.

Holleede 11:15

Maleyka njeɗɗaɓo oon fuufi buututal muuɗum. Ndeen daaɗe toowɗe nanaa dow kammu, ina mbi'a: — Laamu adunaaru ndu fuu laatake laamu Joomiraaɗo meeɗen e Almasiihu muuɗum. O laamoto faa abada abadin!

Holleede 19:16

Inan innde winndaande e saaya makko e busal makko: «Kaananke kaanankooɓe e Joomiraaɗo joomiraaɓe».

Holleede 3:21

Jaaliiɗo fuu, mi hokkan ɗum jooɗodaade e am dow jooɗorgal am laamu, hono no miin du njaaloriimi de njooɗodiimi e Baaba am dow jooɗorgal muuɗum ni.

Holleede 5:12

iɓe njimira daaɗe toowɗe, iɓe mbi'a: «Jawgel kirsanoongel ngel ina foti e heɓude baawɗe e jawdi e hakkilantaaku e semmbe e teddeengal e darja e manoore!»