Filipiyankooɓe 2:8 - Dewtere Laamɗo Fulfulde Burkina Faso

⁸ O leeƴini hoore makko, o ɗowtanii Laamɗo faa o maayi, maayde dow leggal.

Filipiyankooɓe 2:8 ပူးပေါင်းရင်းမြစ်များ

Banndi 15:33

Kulol Joomiraaɗo na tindina neɗɗo hakkillo, sanaa neɗɗo leeƴina hoore mum, de teddinee.

Matta 17:2

Ɗoon alhaali makko waylitii yeeso maɓɓe. Yeeso makko ina jalba hono naange, kaddule makko du ndawni far hono annoora.

Matta 26:39

O toowti seeɗa, o hippi yeeso makko e leydi, imo du'oo, imo wi'a: — Baabiiwo, si tawii ina laatoo, woɗɗinam horde torra nde. Ammaa taa laatoroo no muuyirmi, laatoroo no muuyirɗaa aan.

Matta 26:42

O yehi katin, o du'ii, o wi'i: — Baabiiwo, si tawii horde bone nde waawaa woɗɗineede si wanaa mi yara ɗum fu, muuyɗe maa laatoo.

Luuka 9:29

Nde o du'otonoo ndeen, yeeso makko waylitii, kaddule makko ndawni far faa ina njalba.

Yuhanna 10:18

Fay gooto ittantaa kam ki. Miin e hoore am hokkitirta ki. Miɗo jogii baawɗe hokkitirde ki. Miɗo jogii baawɗe wartirde ki. Yamiroore nde ƴuuri to Baaba am.

Yuhanna 14:31

Ammaa ko Baabiiwo yamiri kam, wo ɗuum ngaɗammi, faa adunaaru faama miɗo yiɗi ɗum. Ummee, ndillen ɗo!

Yuhanna 15:10

Si on njokkii jamirooje am, on ngonan ley njinngu am hono no njokkirmi jamirooje Baaba am de ngonumi e njinngu muuɗum ni.

Yuhanna 4:34

Iisaa wi'i ɓe: — Nyaamdu am wo waɗude muuyɗe Nulɗo kam oon e yottinde golle muuɗum.

Golle Nelaaɓe 8:33

Ɓe leeƴinii mo, ɓe carii mo sariya bonɗo. Moy waawi fillaade filla ƴuwdi makko? Sabo ɓe ittii yonki makko ley adunaaru ga.»

Romankooɓe 5:19

No salaare neɗɗo gooto waɗiri yimɓe heewɓe luttuɓe ni, hono noon ɗowtaare neɗɗo gooto du waɗiroyta heewɓe ndaardee fonnditiiɓe.

2 Korintunkooɓe 8:9

Sabo oɗon anndi moƴƴere Joomiraaɗo meeɗen Iisaa Almasiihu: kam jom jawdi oon, waɗii hoore muuɗum talkaajo saabe mooɗon faa laatoroɗon joomiraaɓe jawdi talkaaku muuɗum nguun.

Galaatiyankooɓe 3:13

Almasiihu soottitii en e kuddi ndi Tawreeta yowi dow meeɗen ndiin, e ley ko loomtanii en kuddi ndiin. Sabo ina winndaa: «Ɓilaaɗo e leggal palaangal fuu wo kuɗaaɗo.»

Fillitagol 21:23

taa joomum waala dow leggal ngaal. Na tilsi uwon joomum nyannde ndeen pay, sabo ɓilaaɗo dow leggal wo kuɗaaɗo yeeso Laamɗo. Taa tuuninon leydi ndi Joomiraaɗo, Laamɗo mooɗon hokki on laatoo jeyal mooɗon ndiin.

Titus 2:14

Kam hokkitiri yonki muuɗum saabe meeɗen, faa rimɗina en e ko boni fuu, laamna en, laatoɗen lenyol muuɗum, tinniingol e gollude golleeji lobbi.

Ibraninkooɓe 12:2

Ngatten hakkillooji meeɗen dow Iisaa. Kam omtani en laawol goonɗinal, kam tabintinta goonɗinal ngaal du. Kanko, saabe ko o yi'i seyo ina heɗii mo ɗuum, o munyii maayde dow leggal palaangal ngaal, o yawi semteende maggal. Joonin, imo jooɗowii gere nyaamo jooɗorgal laamu Laamɗo.

Ibraninkooɓe 12:4

Oɗon caloo hakke oɗon kaɓa e muuɗum, ammaa on kaɓaaka faa ƴiiƴam doggi tafon.

1 Piyeer 2:24

Almasiihu e hoore muuɗum ronndorake hakkeeji meeɗen e ɓanndu muuɗum dow leggal palaangal, faa maayanen hakkeeji, mbuuranen fonnditaare. On ndannaama saabe barme makko.

1 Piyeer 3:18

Sabo Iisaa Almasiihu e hoore muuɗum maayii saabe hakkeeji yimɓe jamaanuuji fuu nde wootere faa abada. Ponnditiiɗo oon maayanii ɓe ponnditaaki ɓeen, faa o yaara en to Laamɗo. Fodde ɓanndu, wo o baraaɗo, de o ummitiiɗo e Ruuhu.