Ester 9:4 - Dewtere Laamɗo Fulfulde Burkina Faso

⁴ Mordakay laatii neɗɗo teddinaaɗo sanne ley laamordu kaananke Jerjes. Kabaaru teddeengal makko sankitii e leyɗe fuu, wooɗi manngu innde makko na ɓeydoo weeti fu.

Ester 9:4 ပူးပေါင်းရင်းမြစ်များ

2 Samuwiila 3:1

Wolde hakkunde yimɓe Sawulu e yimɓe Daawda ɓooyii sanne. Daawda na yaha yeeso e semmbe, de yimɓe Sawulu kaa na lokkiɗa.

1 Kabaaruuji Laamiiɓe 11:9

Manngu Daawda na yaarannoo yeeso, sabo Joomiraaɗo Jom Kammu e Leydi na wondunoo e muuɗum.

1 Kabaaruuji Laamiiɓe 14:17

Innde Daawda yehi ley leyɗe fuu. Joomiraaɗo waɗi lenyi fuu na kula o kulol manngol.

Ester 10:2

Haala kujje mawɗe ɗe Jerjes waɗiri e baawɗe e no waɗiri Mordakay tedduɗo fuu na winndaa ley dewte kabaaru kaanankooɓe Mediya e Persi.

Wurtagol 11:3

Joomiraaɗo waɗi yimɓe Israa'iila keɓi moƴƴere e gite yimɓe Misira. Katin du Muusaa wo teddinaaɗo sanne ley leydi Misira, yeeso gollooɓe Fira'awna e yeeso yimɓe leydi ndiin fuu.

Banndi 4:18

Ammaa laawol fonnditiiɓe na nanndi e pooyngol, ingol ɓeydoo yaynude faa hakkunde nyalooma.

Matta 4:24

Kabaaru makko sankitii ley leydi Siiriya fuu. Yimɓe na ngadda nyawɓe nyawuuji feere feere e male fuu to makko. Woɓɓe wo wonduɓe e ginnaaji, woɓɓe jom'en dabidabiije, woɓɓe du wo jom'en ɓalli-mbaatuɗi. O danni ɗum'en.

Yoosuwa 6:27

Joomiraaɗo ina wondi e Yoosuwa, kabaaru makko sankitii nokku fuu nder leydi ndiin.

1 Samuwiila 2:30

Ndelle inan ko Joomiraaɗo, Laamɗo Israa'iila wi'i: «Mi fodanekeno ma, aan e suudu bammaa nduun ngollanon kam faa abada.» De joonin kaa inan ko Joomiraaɗo wi'i: «Taa ɗum laatoo! Yimɓe teddinooɓe kam ɓeen, kam'en teddinammi, ammaa huyfinooɓe kam ɓeen, njawete.