Ester 9:3 - Dewtere Laamɗo Fulfulde Burkina Faso

³ Ardiiɓe leyɗe e goforneere'en e gollidooɓe e howruuɓe kaananke fuu na mballita Yahuudiyankooɓe saabe iɓe kula Mordakay sanne.

Ester 9:3 ပူးပေါင်းရင်းမြစ်များ

Isira 2:2

Mawɓe wartidinɓe e Sorobabel wo Yesuwa e Nehemiya e Saraaya e Re'elaya e Mordakay e Bilsan e Misifa e Bigway e Rehum e Ba'ana. Inan limgal Israa'iilankooɓe yaltuɓe maccungaaku ngarti fodde cuuɗi muɓɓen:

Isira 8:36

Ɓe kokki battaa'en kaananke e goforneere'en Fonngo Maayo Efrat ɓataaki ki Artajerjes kaananke Persi winndi kiin. Ndeen wallooɓe kaananke ɓeen e goforneere'en kokki Israa'iilankooɓe ballal e ko haanani suudu Dewal Laamɗo nduun fu.

Ester 3:12

Nyalaande sappo e tataɓerde lewru go'aɓurdu, winndooɓe fuu, noddaa to kaananke. Ɓe mbinndi ɓataakiiji hono no Haman yamiri ɓe mbinndira, ɓe neldi ɗi dawrooɓe e goforneere'en leyɗe e ardiiɓe lenyi feere feere. Ɓataakiiji ɗiin, mbinndiraa e siiji binndi leyɗe fuu e ɗemle lenyi fuu. Ɗi mbinndaa e innde kaananke Jerjes, wooɗi du, ɗi maandiniraa hootonnde honndu muuɗum.

Ester 8:17

Leyɗe e kuɓeeje to kabaaru oon yotti fuu, Yahuudiyankooɓe na ceyoo sanne, na ngaɗa weltaare e hiirooji feere feere. Yimɓe lenyi keewɗi ngaɗitii wo Yahuudiyankooɓe saabe kulol manngol ngol kulata ɗum'en.

Ester 8:5

wi'i: — Si nii kaananke yardake, si miin Ester mi keɓuɗo hinney to muuɗum, si ɗum na fotani kaananke fu, waɗa ɓataakiiji mbinndee de nelde leyɗe laamu muuɗum to Haman nelduno ɓataakiiji dow halkugol Yahuudiyankooɓe fuu. Kaananke fiirta anniya Haman ɓii Hammedata Agaagiyanke bonɗo mo anniyinoo oon.

Ester 8:9

Wakkati oon pay, winndanooɓe kaananke nelanaa. Nyannde 23 lewru tataɓurdu, ɗum woni lewru Siwan, ɓataakiiji ndiin mbinndaa hono no Mordakay yamiri mbinndiree noon. Ɗi neldaa Yahuudiyankooɓe e hooreeɓe leyɗe e goforneere'en e tinndinooɓe jooɗiiɓe ley leyɗe feere feere 127 gilla leydi Indiya faa yotti Etiyopi. Ɗi mbinndiraa siiji mbinndi leyɗe fuu e ɗemle lenyi fuu, Yahuudiyankooɓe du, e sifa binndi muɓɓen e ɗemle muɓɓen.