Ester 8:17 - Dewtere Laamɗo Fulfulde Burkina Faso

¹⁷ Leyɗe e kuɓeeje to kabaaru oon yotti fuu, Yahuudiyankooɓe na ceyoo sanne, na ngaɗa weltaare e hiirooji feere feere. Yimɓe lenyi keewɗi ngaɗitii wo Yahuudiyankooɓe saabe kulol manngol ngol kulata ɗum'en.

Ester 8:17 ပူးပေါင်းရင်းမြစ်များ

Fuɗɗoode 35:5

Caggal ɗuum, ɓe eggi. Laamɗo du watti kulol e kuɓeeje piiliiɗe ɓe ɗeen fuu, ɗum waɗi fay gooto tannyaay ɓiɓɓe Yaakuuba ɓeen.

Nehemiya 8:10

O wi'i ɓe katin: — Njehee nyaamowe nyaamndu lobburu, njaron cabijam mbelɗam. Mo walaa ko defa fuu, neldon ɗum nyaamdu ngam hannden wo nyalaande Joomiraaɗo meeɗen seniinde. Taa mettinon ɓerɗe mooɗon. Mbeltoree seyo saabe Joomiraaɗo woni semmbe mooɗon.

Ester 9:17

Ɗum waɗii nyannde 13 lewru Adar. Nyannde 14 lewru nduun, ɓe powtinii de ɓe ngaɗi weltaare mawnde.

Ester 9:19

Ɗum hollata ko saabi de Yahuudiyankooɓe gure ladde e galluuje pamare na kiira nder seyo manngo e hokkondirgol dokke nyannde 14 lewru Adar.

Ester 9:2

Yahuudiyankooɓe fuu na kawrita nokku gooto ley galluuje muɓɓen nder leyɗe laamu Jerjes fuu, faa kabda e filotooɓe waɗude ɗum'en ko boni ɓeen. Walaa fuu baawɗo daraade yeeso maɓɓe saabe kulol manngol ngol lenyi keddiiɗi fuu kulata ɓe.

Ester 9:22

Saabe balɗe ɗeen Yahuudiyankooɓe keɓunoo baawɗe dow wayɓe muɓɓen. Ley lewru nduun, suno maɓɓe waylitii seyo, mettorgal maɓɓe du, waylitii weltaare mawnde. Iɓe ngaɗa hiirooji hitaande fuu wakkati lewru nduun, iɓe ceyoo, iɓe kokkondira dokke e nyaamdu, iɓe mballita talkaaɓe saabe ɓe keɓii jooɗaade e jam hakkunde wayɓe maɓɓe.

Ester 9:27

Ɓe kunii tabintinde waɗugol weltaare ndeen e ko ɗowtata nde fuu finaatawaa maɓɓe, kamɓe e ɓiɓɓe maɓɓe, e taaniraaɓe maɓɓe e tokkuɓe diina Yahuudiyankooɓe fuu. Ley hitaande fuu balɗe ɗiɗi ɗeen cuɓaa faa hiirooji ɗiin ngaɗee fodde no Mordakay yamiri.

Ester 9:3

Ardiiɓe leyɗe e goforneere'en e gollidooɓe e howruuɓe kaananke fuu na mballita Yahuudiyankooɓe saabe iɓe kula Mordakay sanne.

Wurtagol 15:16

Kulol e wemmbere caamii dow maɓɓe. Saabe baawɗe junngo maa ɓe ndeƴƴinto siw hono kaaƴe nii, faa yimɓe maa paltoo, yaa Joomiraaɗo, faa nde yimɓe ɓe ndimɗinɗaa ɓeen fuu paltii.

Fillitagol 11:25

Fay gooto waawataa daraade yeeso mooɗon. To njottiɗon e leydi ndiin fuu Joomiraaɗo, Laamɗo mooɗon waɗan kuleɗon kulol manngol faa ɓerɗe yimɓe ɓeen ndiwna fodde no wi'iri on noon.

Fillitagol 2:25

Gilla hannden puɗɗammi waɗude lenyi gonɗi ley duuniyaaru fuu kula on kulol manngol. Nde ɓe nani kabaaru mooɗon fu, nesi maɓɓe taƴan, ɓe ndiwnan saabe mooɗon.

Yoosuwa 2:11

Nde min nannoo ɗum fu, nesiiji amin taƴi, kulol mawngol nanngi min saabe mooɗon. Joomiraaɗo, Laamɗo mon, kam woni Laamɗo dow kammu e dow leydi ɗo fuu.

Yoosuwa 2:9

O wi'i ɗum'en: — Miɗo anndi Joomiraaɗo wattii leydi ndi e juuɗe mooɗon. Kulol mawngol nanngi min saabe mooɗon. Hakkillooji yimɓe fuu ɓantake nder leydi ndi saabe mooɗon.

1 Samuwiila 25:8

Ƴamaa maccuɓe maaɗa, ɓe laaɓinante. Ndelle accaa jokolɓe am keɓa yardaa-muye e maaɗa, sabo ɓe ngarii nyannde juulɗe. Miɗo ŋaare, kokkoraa maccuɓe ɓe e miin ɓiya Daawda ko mbaawuɗaa.»