Ester 7:9 - Dewtere Laamɗo Fulfulde Burkina Faso

⁹ Harabona, gooto e gollooɓe kaananke wi'i: — Haman moƴƴinaniino Mordakay kisinɗo kaananke maayde oon leggal faa njorfitoree. Leggal ngaal na woni ley suudu makko. Tooweefi maggal, wo piyanɗe 50. Kaananke jaabii wi'i: — O jorfitoree ngal!

Ester 7:9 ပူးပေါင်းရင်းမြစ်များ

2 Kaanankooɓe 9:32

Yehu tiggitii feneetere de wi'i: — Moy wondi e am? Ndeen maccuɓe laamordu ɗiɗo naa tato soortaaɓe njuurni feneetere ndeen.

Ester 1:10

Nyalaande jeɗɗaɓerde majjum, tawi ɓernde kaananke na weli sanne saabe cabijam. O noddi gollooɓe makko soortaaɓe, ɗum woni: Mehuman e Biijeta e Harabona e Bigita e Abagata e Jetar e Karkas.

Ester 5:14

Jerees deekiiko e yigiraaɓe makko fuu njaabii mo mbi'i: — Ndelle waɗu leggal jorfitorgal ngal piyanɗe 50 moƴƴinee de jaango subaka ŋaaroɗaa kaananke waɗa Mordakay oon jorfitee. Ndeen a heɓan njaadaa e mbelirka aan e kaananke weltaare mooɗon. Ɗum fotani Haman, o waɗi leggal ngaal moƴƴinaa.

Ester 6:14

Ɓe timminaay haala maɓɓe de gollooɓe kaananke njottodii e henyaare faa njaara Haman weltaare Ester ndeen.

Ester 6:2

Ley dewtere ndeen na winndaa no Mordakay faamiri de holli ko gollanooɓe kaananke, ɗum woni Bigitan e Teres doomooɓe dammbuɗe laamordu na ngondunoo e anniya warude kaananke.

Ester 8:7

Kaananke Jerjes jaabii deekum Ester e sakiike mum Mordakay wi'i ɗum'en: — Kettinee, mi waɗii Haman jorfitaama saabe imo fodinoo ittude yonkiiji Yahuudiyankooɓe fuu. Wooɗi du, mi waɗii jawdi makko fuu laatake dongu maaɗa aan Ester.

Ester 9:14

Kaananke waɗi yamiroore ndeen gooyna ley huɓeere Suus ɗon, ɓiɓɓe Haman du, ɓilaa.

1 Samuwiila 17:51

Daawda doggi, darii jiimi Goliyat, itti kaafaahi makko, soorti ki e huulgo, wari mo de taƴi hoore makko. Nde Filistiyankooɓe njiinoo jaalotooɗo muɓɓen maayii ndeen, ɓe ndoggi.