Ester 7:4 - Dewtere Laamɗo Fulfulde Burkina Faso

⁴ Miin e lenyol am min connaama faa min kalkee, min mbaree, min timminee. Si nii wo min connirano hono maccuɓe fu, mi deƴƴintono sabo ɗuum hewtaay mi tampina kaananke.

Ester 7:4 ပူးပေါင်းရင်းမြစ်များ

Nehemiya 5:5

Minen le, e maɓɓe fuu, wo min ɓanndu wooturu e ƴiiƴam ngootam, wooɗi du, ɓiɓɓe amin na mbooɗiri hono ɓe maɓɓe noon. De ɗuum fu, sey min kokka ɓe ɓiɓɓe amin worɓe e rewɓe faa laatoo maccuɓe maɓɓe. Ɓiɓɓe amin rewɓe woɓɓe ngaɗaama horɓe. Min mbaawaa waɗude faa'e, gese amin nguurey e gese amin cabiije laatake jeyal woɓɓe.

Ester 3:13

Yaarooɓe kabaaruuji cuɓaa faa njaara ɓataakiiji ɗiin leyɗe laamu makko fuu. Iɗi kolla yamiroore ndee: — Yahuudiyankooɓe, suka e mawɗo, debbo e gorko fuu mbaree. Halkere maɓɓe ndeen du, waɗee nyannde 13 lewru sappo e ɗiɗaɓurdu, ɗum woni lewru Adar, de jawdi maɓɓe fuu ɓoɓtee.

Ester 3:9

Ndelle si nii kaananke yardake, winnda hokka laawol ɓe fuu ɓe kalkee. Ndeen, mi hokkan goforneere'en talantiiji cardi 10.000 (ɗum wo kilooji 340.000) faa ngatta ɗum nder keesuwal kaananke.

Ester 7:5

Ndeen kaananke ƴami Ester wi'i: — Moy woni oon? Toy cuusuɗo waɗude hono ɗuum oon woni?

Ester 7:6

Ester jaabii wi'i: — Ganyo kabdoo e amin oon, wo Haman bonɗo o! Kulol manngol nanngi Haman yeeso kaananke e deekum.

Ester 8:11

Inan ko winndaa ley ɓataakiiji ɗiin: Kaananke hokkii Yahuudiyankooɓe tawaaɓe ley galluuje feere feere fuu laawol kawrita de ndaranoo yonkiiji muɓɓen, kalka, mbara, timmina yimɓe tiigiiɓe kaɓitirɗe, ummaniiɓe ɗum'en fuu. Iɓe mbaawi warude fay rewɓe muɓɓen e sukaaɓe muɓɓen. Wooɗi du, ɓe njeyta jawdi muɓɓen.

Ester 8:6

Noy mbaawirmi munyirande halkere hono ndee saama dow lenyol am? Noy mbaawirmi daraade miɗo yi'a fiɗɗeede suudu baaba am?

Amos 2:6

Inan ko Joomiraaɗo wi'i: Saabe Israa'iila waɗii hakke dow hakke, de mi fiirtataa ko anniyiimi dow muuɗum ɗuum, sabo sonnii dartiiɗo faa heɓa ceede, sonnii talkaajo saabe ɓornannde paɗe,

Luuka 12:45

Ammaa si golloowo oon wi'ii ley ɓernde mum joomum oon ɓooyii wartaay, de fuɗɗi ina fiya maccuɓe e horɓe, ina nyaama ina yara ina suloo,

Fillitagol 28:68

Joomiraaɗo yecciniran on leydi Misira ley laanaaji ndiyam. Ndelle on tokkan laawol leydi ndi mbi'unoomi on nji'ataa katin ndiin. Toon connirteɗon wayɓe mon hono on maccuɓe e horɓe ammaa fay gooto haajataake soodude on.

Yoosuwa 9:23

Saabe majjum kuddi Laamɗo ina dekii dow mooɗon. On ƴuwataa e soppude leɗɗe e ƴoogannde suudu Laamɗo am ndiyam faa abada.

1 Samuwiila 22:23

Keddodoɗaa e am, taa hulu. Neɗɗo pilotooɗo warude ma oon na filoo warude kam miin du. A reenoto ɗakkol am faa wooɗa.