Ester 6:4 - Dewtere Laamɗo Fulfulde Burkina Faso

⁴ Ndeen kaananke wi'i: — Moy woni ley laamordu ɗo joonin? Tawi wakkati oon pay, Haman yotti naati ley ɓaade ndeen, faa ŋaaro kaananke Mordakay jorfitoree leggal ngal moƴƴinani ɗum ngaal.

Ester 6:4 ပူးပေါင်းရင်းမြစ်များ

Ester 4:11

— Yimɓe fuu na anndi, gilla gollanooɓe kaananke faa hewti yimɓe leyɗe feere feere, ko gorko maa debbo, naatuɗo faa yotti to kaananke fuu, huunde wootere tan woodani ɗum: si wanaa kaananke ɓantani joomum sawru kaŋŋe fu, maayan. Wooɗi du, nii woni balɗe 30, mi noddaaka to kaananke.

Ester 5:1

Nde nyalaaɗe tati ɗeen njottinoo fuu, Ester ɓornii kaddule muuɗum laamu de yehi naatowi ley galle to kaananke woni toon. Tawi kaananke na jooɗii dow jooɗorgal laamu muuɗum na hucciti dammbugal naatirgal.

Ester 5:14

Jerees deekiiko e yigiraaɓe makko fuu njaabii mo mbi'i: — Ndelle waɗu leggal jorfitorgal ngal piyanɗe 50 moƴƴinee de jaango subaka ŋaaroɗaa kaananke waɗa Mordakay oon jorfitee. Ndeen a heɓan njaadaa e mbelirka aan e kaananke weltaare mooɗon. Ɗum fotani Haman, o waɗi leggal ngaal moƴƴinaa.

Ester 6:3

Kaananke ƴami wi'i: — Ɗume Mordakay oon teddiniraa saabe majjum? Gollooɓe makko njaabii mbi'i: — O waɗanaaka faa'e.

Ester 6:5

Gollanooɓe kaananke njaabii ɗum mbi'i: — Wo Haman tan woni ɗo joonin. Kaananke wi'i: — O naata!

Ester 7:9

Harabona, gooto e gollooɓe kaananke wi'i: — Haman moƴƴinaniino Mordakay kisinɗo kaananke maayde oon leggal faa njorfitoree. Leggal ngaal na woni ley suudu makko. Tooweefi maggal, wo piyanɗe 50. Kaananke jaabii wi'i: — O jorfitoree ngal!

Ayuuba 5:13

Imo nanngira jogiiɓe paamal ɓeen ƴoyre muɓɓen, imo sankita dabare jom'en ƴoyre wakkati gooto.

Tindinoowo 9:10

Ko ngollataa ɗuum, ngolliraa ɗum semmbe maa, sabo saabeere to ponndiɗaa toon, golle ngalaa, dabare walaa, anndal walaa, hakkilantaaku du walaa.