Ester 6:12 - Dewtere Laamɗo Fulfulde Burkina Faso

¹² Caggal ɗuum, Mordakay warti dammbugal suudu laamordu. Haman du hootidi wuro muuɗum e mettorgal ɓernde, na suddi yeeso muuɗum saabe semteende.

Ester 6:12 ပူးပေါင်းရင်းမြစ်များ

2 Samuwiila 15:30

Daawda le ƴeeŋi waamnde jaytun, imo woya yaade. Imo suddi hoore makko, imo yaha koyɗe ɓole. Yimɓe wonduɓe e makko du fuu cuddi ko'e muɓɓen, iɓe mboya yaade.

2 Samuwiila 17:23

Wakkati Ahitofel yiinoo tindinooje mum njokkaaka ndeen, watti kirke dow araawa mum, nanngi laawol, hooti wuro mum. O moƴƴini haajuuji koreeji makko de o ɓilitii. O maayi, o uwaa ley saabeere baabiiko.

1 Kaanankooɓe 20:43

Ndeen kaananke hooti suudu muuɗum Samariya, wo tikkuɗo, ɓernde muuɗum na metti sanne.

1 Kaanankooɓe 21:4

Ndeen ɓernde Ahabi metti sanne. O naatowi ley suudu makko, imo sunii saabe haala ka Nabot haali mo kaan. Sabo wi'ii mo: «Mi hokkataa ma ko ndonumi baabiraaɓe am.»

1 Kaanankooɓe 21:6

Ahabi jaabii mo, wi'i: — Mi haaldi e Nabot, mbi'umi ɗum sonnira kam ngesa muuɗum cabiije, maa si na fotani ɗum du, mi hokka ɗum ngesa ngonnga. De o wi'i o hokkataa kam ngesa ngaan.

Ester 2:19

Nde kaananke hawrondinantenoo surbaaɓe ɗiɗaɓerde ndeen, tawi Mordakay na jooɗii dammbugal laamordu.

Ester 6:11

Haman yehi, ɓornowi Mordakay saayo laamu de waɗɗini ɗum puccu nguun, o dillidi e muuɗum, o nanndi ɗum ley galluure imo feekoo imo wi'a: «Inan no kaananke waɗanta neɗɗo mo yiɗi teddinde!»

Ester 7:8

Wakkati kaananke Jerjes yeccotonoo weltaare ɗoon, tawi Haman na hippi dow jooɗorgal Ester. Ndeen kaananke feekii wi'i: — Ndelle Haman na anniyii nanngude deekam, miɗo tawa ley laamordu am ɗo naa? Kaananke timminaay haala kan de gollooɓe muuɗum njottii cuddi yeeso Haman.

Ayuuba 20:5

ilinaali seyo bonɓe ɓooyataa, weltaare mo hulataa Laamɗo oon wo wakkati seeɗa tan.

Ayuuba 9:24

Leydi wattaama e juuɗe bonɓe, Laamɗo du uddii gite hiitotooɓe. Si wanaa kanko waɗi noon, wo moy ndelle?

1 Samuwiila 3:15

Samuwiila fukkii faa weeti de omti gampuuje suudu Joomiraaɗo. O huli haalande Eli ko o hollaa ɗuum.