Ester 4:16 - Dewtere Laamɗo Fulfulde Burkina Faso

¹⁶ — Yahu hawrondinoy Yahuudiyankooɓe wonɓe ley huɓeere Suus fuu, de cuumanoɗon kam. Balɗe tati, taa nyaamon, taa njaron. Miin e gollooɓe am rewɓe du, min ngaɗiran noon. Caggal ɗuum, mi yahan to kaananke fay si na ɗum laati mboɗaa. Fay si tawi mi maayan sey mi maaya.

Ester 4:16 ပူးပေါင်းရင်းမြစ်များ

Fuɗɗoode 18:19

Sabo mi suɓake mo faa o yamira ɓiɓɓe makko e suudu makko tinnaade e rewude laawol Joomiraaɗo caggal makko. Ɓe laatoo fonnditiiɓe, ɓe ngaɗa ko dartii faa mi yottina ko aadaniimi Ibrahiima ɗuum.

Fuɗɗoode 43:14

Laamɗo Jom Baawɗe hokku on hinney yeeso makko, o hokkita on sakiike mon e Benjamin fuu. Miin du si mi waasan ɓiɓɓe am ɓeen kaa, mi waasa ɗum'en.

2 Samuwiila 10:12

Cemmbiɗon, laatoɗon suusuɓe faa ndannen yimɓe meeɗen e galluuje Laamɗo men. Joomiraaɗo waɗa ko weli ɗum.

2 Kaanankooɓe 7:4

Si en naatii ley galluure nde kaa, rafo waran en. Wooɗi si en keddake ɗo du, ngo waran en. Ndelle, en njaha naatowen ley ndaaka Siiriyankooɓe. Si ɓe accidii en e yonkiiji kaa, en kisi. Si ɓe mbarii en du, timmii.

Isira 8:21

Ɗakkol gooruwol Ahawa toon, njamirmi lenyol ngool fuu suumoo faa min leeƴina ko'e amin yeeso Laamɗo heɓa o walla min, o reena min ley jahaangal ngal min njahata, minen e ɓiɓɓe amin e ko min ngoodi fuu.

Ester 4:15

Ndeen Ester neldi haala ka to Mordakay:

Ester 4:17

Mordakay, yehi waɗowi ko Ester yamiri waɗa ɗuum.

Ester 4:3

Leyɗe to kabaaru oon hewtii fuu, Yahuudiyankooɓe na tawdaa e suno manngo. Iɓe cuumoo, iɓe mbulla iɓe mboytoo. Iɓe ɓornoo bootooji, iɓe pukkoo dow ndoondi.

Ester 5:1

Nde nyalaaɗe tati ɗeen njottinoo fuu, Ester ɓornii kaddule muuɗum laamu de yehi naatowi ley galle to kaananke woni toon. Tawi kaananke na jooɗii dow jooɗorgal laamu muuɗum na hucciti dammbugal naatirgal.

Ester 9:31

Ley ɓataakiiji ɗiin na winndaa ko Ester e Mordakay njamiri dow nyalaaɗe Purim ɗeen e dow suumayeere e boytaali.

Matta 12:40

Sabo no Yuunusa waɗiri balɗe tati jemma e nyalooma ley reedu liingu manngu ni, hono noon Ɓii Neɗɗo du waɗirta balɗe tati jemma e nyalooma faa ley leydi.

Luuka 9:24

Sabo muuyɗo dannude yonki muuɗum, mursan ki. Ammaa mursuɗo ki saabe am, dannan ki.

Yuhanna 19:22

Pilaatu jaabii: — Ko mbinndumi ɗuum winndaama, tilake.

Golle Nelaaɓe 10:7

Nde maleyka kaaldannooɗo e makko oon dillunoo ndeen, o noddi gollooɓe makko ɗiɗo e sordaasi gooto kulɗo Laamɗo jeyaaɗo e howruuɓe makko.

Golle Nelaaɓe 20:24

De miin kaa, mi hiisaaki nguurndam am e maayde am fuu si mi timminii daɗundurgol, mi heɓii yottinde gollal ngal Iisaa Joomiraaɗo halfini kam ngaal. Gollal ngaal woni seedaade Kabaaru Lobbo haala hinney Laamɗo.

Golle Nelaaɓe 21:13

Pool kaa jaabii, wi'i: — Ɗume waɗi de oɗon mboya, oɗon keccinɗina ɓernde am? Miin, miɗo segilanii ko wanaa haɓɓeede tan, miɗo segilanii fay maayde ley Urusaliima saabe innde Iisaa Joomiraaɗo.

Golle Nelaaɓe 27:33

Nde ɓadinoo weetude ndeen, Pool nyaagii ɓe fuu ɓe nyaama, wi'i: — Hannden woni balɗe 14 oɗon ndoomi on nyaamaay. Oɗon keddii on meeɗaay fay huunde.

Golle Nelaaɓe 9:9

O waɗi balɗe tati o bumɗo. O nyaamaay, o yaraay.

Romankooɓe 16:4

Kamɓe nesi mursude yonkiiji maɓɓe faa ɓe ndanna yonki am. Wanaa miin tan yettata ɓe, kawrite goonɗinɓe ɓe nganaa Alhuudiyankooɓe ɗeen fuu ina njetta ɓe.

Filipiyankooɓe 2:30

Sabo kanko o nesii maayde saabe golle Almasiihu. O farriti yonki makko faa o waɗana kam ballal ngal ndonkunoɗon waɗande kam onon e ko'e mooɗon.

Yoosuwa 24:15

Si ɗowtanaade Joomiraaɗo fotanaay on, ndelle hannden cuɓee mo ɗowtantoɗon, yalla allaaji ɗi maamiraaɓe mon ɗowtantonoo caggal maayo Efaratis ɗiin naa wo allaaji Amorinkooɓe ɓe njooɗiɗon ley leydi muɓɓen ɓeen ɗowtantoɗon. Ammaa miin e suudu am kaa, min ɗowtanto Joomiraaɗo.

1 Samuwiila 19:5

O farritii yonki makko nde o jaalinoo Filistiyankeejo oon ndeen. Joomiraaɗo du hokki Israa'iila'en fuu jaalagol manngol. Aan du, a yi'ii ɗum de ceyiɗaa. Ndelle, ko waɗi aɗa waɗa hakke dow ƴiiƴam laaɓuɗam dow ɓolum?