Ester 2:21 - Dewtere Laamɗo Fulfulde Burkina Faso

²¹ Ley balɗe ɗeen, doomooɓe dammbuɗe ɗiɗo, ɗum woni Bigitan e Teres, ɓernani kaananke Jerjes sanne de ndawridi warude ɗum, tawi Mordakay na jooɗii dammbugal laamordu.

Ester 2:21 ပူးပေါင်းရင်းမြစ်များ

2 Samuwiila 16:11

Ndeen Daawda wi'i Abisay oon e maccuɓe muuɗum fuu: — Inan, fay ɓiyam na filoo halkude nguurndam am, sakko neɗɗo jeyaaɗo e lenyol Benjamin oon le. Accee o huɗa, sabo Joomiraaɗo wi'i mo waɗa ɗum.

1 Kaanankooɓe 16:9

Ammaa golloowo makko Simri, hooreejo feccere torkooji pucci makko, dabi warude mo. Wakkati oon Ela na wonnoo wuro Tirsa, imo sulii saabe o yarii doro ley suudu Arsa. Arsa oon wo hooreejo laamordu makko ley wuro ngoon.

2 Kaanankooɓe 12:20

Kabaaru Yowas keddiiɗo e ko waɗi fuu na winndaa ley Dewtere Kabaaruuji Kaanankooɓe Yahuuda.

2 Kaanankooɓe 21:23

Gollooɓe makko njammbii mbari mo ley suudu makko.

Isira 4:6

Ley puɗɗam laamu Jerjes, yimɓe ɓeen mbinndi ɓataaki peli yimɓe Yahuuda e yimɓe Urusaliima.

Ester 2:19

Nde kaananke hawrondinantenoo surbaaɓe ɗiɗaɓerde ndeen, tawi Mordakay na jooɗii dammbugal laamordu.

Ester 6:1

Ley jemma oon, kaananke hunngii ɗaanaade. O ɗaɓɓi o waddanee dewtere kabaaruuji laamu makko. Dewtere ndeen waddaa de o janganaa nde.

Ester 6:2

Ley dewtere ndeen na winndaa no Mordakay faamiri de holli ko gollanooɓe kaananke, ɗum woni Bigitan e Teres doomooɓe dammbuɗe laamordu na ngondunoo e anniya warude kaananke.