Ester 1:6 - Dewtere Laamɗo Fulfulde Burkina Faso

⁶ Gude daneeje canyiraaɗe gaaraaji haabu e goɗɗe bulabulaaje kaɓɓondiraa e ɓoggi gaɗiraaɗi leppi ɗaatuɗi daneeji e leppi bojjitooji gaɗanaaɗi kootonɗe cardi de ɓilaa e bimmbeeje gaɗiraaɗe kaaƴe daneeje. Jooɗorɗe kaŋŋe e cardi njoƴƴinaa dow daɗɗo kaaƴe dime daneeje cehaaɗe.

Ester 1:6 ပူးပေါင်းရင်းမြစ်များ

Ester 7:8

Wakkati kaananke Jerjes yeccotonoo weltaare ɗoon, tawi Haman na hippi dow jooɗorgal Ester. Ndeen kaananke feekii wi'i: — Ndelle Haman na anniyii nanngude deekam, miɗo tawa ley laamordu am ɗo naa? Kaananke timminaay haala kan de gollooɓe muuɗum njottii cuddi yeeso Haman.

Ester 8:15

Wakkati oon, Mordakay wurtii ley laamordu na ɓornii kaddule kaanankooɓe daneeje e bulabulaaje e forgo nyootiraango leppi ɗaatuɗi daneeji e leppi bojjitooji, kufune kaŋŋe mawɗo na hippii dow hoore muuɗum. Galluure Suus fuu wurtodii e seyo manngo e kelle e kilinaali.

Wurtagol 26:1

Ngaɗiraa hukum oon gude mawɗe tekkuɗe sappo. Gude ɗeen ngaɗiree leppi ɗaatuɗi e gaaraaji bulabulaaji e bojjitooji e boɗeeji coy. Keruba'en tuppiniree nyeenyal dow majje.

Amos 2:8

Iɓe mbeɗɗitii ley nokkuuje cakkirɗe fuu, iɓe pukkii dow kaddule talkaaɓe ɗe ɓe teetiri tolma. Iɓe tukkii njaram ɗam ɓe teetiri jammba ley suudu tooru maɓɓe oon.

Amos 3:12

Inan ko Joomiraaɗo wi'i: Hono no duroowo teetirta koyɗe mbaalu ɗiɗi naa mbukkudi nowru muuɗum e hunnduko laddeeru nii, wo noon Israa'iila'en jooɗiiɓe Samariya ɓeen kisinirtee, ŋappitere leeso e seeɗa daɗɗo tan heddotoo.

Amos 6:4

Oɗon pukkii dow leese gaɗiraaɗe nyiiƴe nyiibi, oɗon poortii dow jooɗorɗe ɗigguɗe, oɗon nyaama jawɗi baggi e ga'i cuɓaaɗi,

1 Samuwiila 28:23

O salake, o wi'i: — Mi nyaamataa. Ammaa worɓe makko e debbo oon ndunƴi mo dow majjum, de sakitii o hettindanii ɓe. O ummii e leydi de o jooɗii dow leeso.