Ester 1:3 - Dewtere Laamɗo Fulfulde Burkina Faso

³ Hitaande tataɓerde laamu makko, o waɗani hooreeɓe laamu makko e gollooɓe makko fuu weltaare mawnde. Inan tawaaɓe yeeso makko: konunkooɓe leyɗe Persi e Mediya, ardiiɓe e goforneere'en leyɗe tawaaɗe ley laamu makko fuu.

Ester 1:3 ပူးပေါင်းရင်းမြစ်များ

Fuɗɗoode 40:20

Nyalaande tataɓerde ndeen ina hawra e nyalaande rimeede Fira'awna. O defani gollooɓe makko ɓeen fuu. O teddini kokkoowo njaram oon e kokkoowo nyaamdu oon hakkunde maɓɓe.

1 Kaanankooɓe 3:15

Nde Suleymaana finunoo fu, faami wo ɗum koyɗol. O yeccii Urusaliima o darowii yeeso keesuwal Amaana Joomiraaɗo. Ɗoon o sakkani Laamɗo sadakaaji buleteeɗi e sadakaaji jeɗeteeɗi. De sakitii o waɗani gollooɓe makko weltaare mawnde.

Isira 1:2

Inan ko miin Koores kaananke Persi mbiimi: Laamɗo Joomiraaɗo Toowɗo, hokkii kam laamuuji adunaaru fuu. O halfinii kam mi nyiɓitanoo mo suudu Dewal Mawndu nder Urusaliima nder leydi Yahuuda.

Ester 1:14

Howruuɓe makko njeɗɗo, ɗum woni: Karasena e Setar e Aadimata e Tarsis e Meeres e Marsena e Maamukan, hooreeɓe laamu Persi e Mediya. Ɓeen ngoni heɓuɓe hoolaare makko, ɓuruɓe teddude ley laamu makko.

Ester 1:4

Weltaare ndeen waɗi balɗe 180. Wakkati majjum, o holli ɓe jawdi laamu makko ɗuunndi e teddeengal makko manngal.

Ester 2:18

Kaananke waɗani hooreeɓe laamu muuɗum e gollooɓe muuɗum fuu hiiro manngo, hiiro Ester. Gollooɓe makko e yimɓe tedduɓe wonduɓe e makko fuu, o hokki ɗum'en nyalaande powtiri, o hokki ɓe du dokke mawɗe keewɗe.

Ester 3:7

Lewru go'aɓurdu, ɗum woni Nisan, hitaande sappo e ɗiɗaɓerde laamu Jerjes, cumnal waɗaa faa faame wakkati mo Haman heɓata daliili waɗude ko anniyii ɗuum. Ɗum hawri e lewru sappo e ɗiɗaɓurdu, lewru Adar.

Marka 6:21

Ammaa, Hirudiya heɓi laawol warude mo nyannde rimeede Hirudus wartunoo. Hirudus waɗani howruuɓe muuɗum e hooreeɓe sordaasiiɓe ɓeen e inndee-anndee'en Galili ɓeen fuu hiraande mawnde.