Ester 1:11 - Dewtere Laamɗo Fulfulde Burkina Faso

¹¹ O neli ɓe, ɓe noddana mo deekiiko Wasti wara ɗo makko, na hippii kufune laamu. Jerjes na muuynoo hollude ardiiɓe e yimɓe heddiiɓe fuu no ŋari deekum foti. Si goonga du, deekiiko oon na ŋarɗi sanne.

Ester 1:11 ပူးပေါင်းရင်းမြစ်များ

2 Samuwiila 14:25

Wooɗi, Absalom wo jom ŋari sanne. Ley Israa'iila fuu fay gorko gooto manaaka ŋari hono no Absalom maniraa noon. Illa hoore mum faa yaha njaaɓirdi mum laru fuu walaa e muuɗum.

Ester 1:12

Ammaa Wasti jaɓaay waɗude ko nelaaɓe gorum mbi'i ɗuum. Saabe majjum, kaananke ɓerni sanne.

Ester 2:17

Kaananke yiɗi Ester faa ɓuri rewɓe heddiiɓe fuu. Ester heɓi hinney e saa'a yeeso makko. Kaananke deki hufuneere laamu dow hoore makko de waɗi o deekum, o loomti lunnde Wasti.

Ester 6:8

hokka ɗum kaddungal ngal kam e hoorem ɓorninoo de waɗɗina ɗum puccu ngu kam e hoorem waɗɗinoo, tawa pilkol laamu na hippii dow hoore puccu nguun.

Banndi 16:9

Neɗɗo na miiloo to yahata, de wo Joomiraaɗo tabintinta to yaaɓata.

Banndi 31:30

Dawla na hiila, ŋari du na paltoo hono henndu, ammaa debbo kuloowo Joomiraaɗo, kam manetee.

1 Samuwiila 25:3

Innde makko wo Nabal, deekiiko du na wi'ee Abigayil. Wo o debbo caruɗo jom ŋari, ammaa goriiko wo jom ɓernde yoornde, wo bonɗo. Ƴuwdi makko wo lenyol Kalibu.