Efeesunkooɓe 6:4 - Dewtere Laamɗo Fulfulde Burkina Faso

⁴ Onon saaraaɓe, taa ɓerninee ɓiɓɓe mon, ammaa ndartinon ɓe, tindinon ɓe, faa ɓe mawna dow laawol Joomiraaɗo.

Efeesunkooɓe 6:4 ပူးပေါင်းရင်းမြစ်များ

Fuɗɗoode 18:19

Sabo mi suɓake mo faa o yamira ɓiɓɓe makko e suudu makko tinnaade e rewude laawol Joomiraaɗo caggal makko. Ɓe laatoo fonnditiiɓe, ɓe ngaɗa ko dartii faa mi yottina ko aadaniimi Ibrahiima ɗuum.

1 Kabaaruuji Laamiiɓe 28:20

Ndelle Daawda wi'i ɓiyum Suleymaana: — Semmbinɗin ɓernde maaɗa, laatoɗaa cuusuɗo de ngollaa. Taa kulaa, taa ɓernde maaɗa diwna sabo Laamɗo Joomiraaɗo, Laamɗo am oon wondan e maaɗa. O tottitataako ma, o yoppataa ma faa nde gollal suudu makko ngaal fuu timmi.

1 Kabaaruuji Laamiiɓe 29:19

Hokku ɓiyam Suleymaana oon ɓernde dartiinde faa jogitoo jamirooje e sariyaaji e ekintinooje maaɗa. O ɗowtanoo ɗe de o nyiɓa suudu mawndu ndu cegilaniimi nduun.

Banndi 19:18

Eeltu ɓiya illa jenngaay, si wanaa noon o halkan.

Banndi 22:15

Puuyndam na haɓɓii e ɓernde suka, loosol eeltol riiwata ɗam.

Banndi 22:6

Hollu suka laawol ngol jokkata, ndeen si mawnii fu, yoppataa ngol.

Banndi 29:15

Sawru e eeltol ina kokka hakkillo, de suka accaaɗo, wo semteende inna mum.

Banndi 29:17

Eeltu ɓiya, o fowtinte, o hebbinte seyo.

Efeesunkooɓe 6:3

Amaana o woni: «yalla aɗa heɓa moƴƴere, balɗe maa du njuuta e leydi ndi.»

Fillitagol 4:9

Ammaa ndeentee, kakkilee faa wooɗa taa njeggiton ko njiiruɗon gite mon ɗuum. Taa ɗum wurtoo e ɓerɗe mooɗon haddi nguurndam mooɗon fuu. Ekintinon ɗe ɓiɓɓe mooɗon e taaniraaɓe mooɗon.

Fillitagol 6:7

Njannginaa ɗe ɓiɓɓe maaɗa, kaalaa haala majje nde njooɗiɗaa ley ɓaade maaɗa, nde njahataa e laawol, nde pukkotoɗaa e nde ummotoɗaa fuu.

Koloosiyankooɓe 3:21

Onon saaraaɓe, taa tinnanee sukaaɓe mooɗon de ɓerɗe muɓɓen metta.

2 Timote 1:5

Miɗo miccoo goonɗinal maa laaɓungal ngal maammaa debbo Lowis e inna maa Enis njoginoo ngaal. Miɗo tannyori aan du aɗa jogii ngal.

2 Timote 3:15

Wooɗi du, gilla a suka aɗa anndi Binndi ceniiɗi. Kanji mbaawi faaminde ma laawol kisindam keɓirteeɗam goonɗinal Iisaa Almasiihu.

Yoosuwa 24:15

Si ɗowtanaade Joomiraaɗo fotanaay on, ndelle hannden cuɓee mo ɗowtantoɗon, yalla allaaji ɗi maamiraaɓe mon ɗowtantonoo caggal maayo Efaratis ɗiin naa wo allaaji Amorinkooɓe ɓe njooɗiɗon ley leydi muɓɓen ɓeen ɗowtantoɗon. Ammaa miin e suudu am kaa, min ɗowtanto Joomiraaɗo.

Ardiiɓe 13:12

Caggal ɗuum Manoha wi'i: — Wooɗi, si haalaaji maaɗa ɗiin tabitii fu, noy min mbambirta suka oon? Ɗume woni gollal makko?