Efeesunkooɓe 6:13 - Dewtere Laamɗo Fulfulde Burkina Faso

¹³ Saabe majjum, kooƴee kaɓitirɗe ɗe Laamɗo hokki on ɗeen fuu, faa mbaawon dartaade nde nyalaande bonnde ndeen wari, tawee caggal haɓo mooɗon ngoon on keddoto on dartiiɓe.

Efeesunkooɓe 6:13 ပူးပေါင်းရင်းမြစ်များ

Tindinoowo 12:1

Miccitoɗaa Taguɗo maa ley njokollaaku maa, gilla nyalaaɗe tiiɗuɗe ɗeen ngaraay, wooɗi du gilla kitaale ɗe mbi'ataa a walaa seyo e muɓɓen ɗeen ɓadaaki,

Amos 6:3

Oɗon piloo woɗɗinde nyalaande bonnde ndeen, de oɗon pooɗa laamu doole.

Luuka 21:36

Ndelle, kakkilon wakkati fuu, ngaɗon du'aare, faa keɓon daɗude e kulle gaɗooje ɗeen fuu, mbaawon daraade yeeso Ɓii Neɗɗo.

Luuka 8:13

Ngondi dow korokaaƴe ndiin woni nanooɓe ngol, njaɓɓoroo ngol seyo, de ɓe ngalaa ɗaɗi ley maggol. Wakkati seeɗa tan ɓe ngoonɗinta. Nde ndaartindagol wari fuu, ɓe njoppan.

Romankooɓe 13:12

Jemma ɓadake timmude, nyalooma ɓattake. Ndelle, celen gollude golle nimre, kooƴen kaɓitirɗe annoora.

2 Korintunkooɓe 10:4

Sabo kaɓitirɗe ɗe min kaɓirtee ɗeen nganaa ɗe ɓii-Aadama. Baawɗe majje wo to Laamɗo ƴuuri faa ɗe kalka nokkuuje cemmbiɗinɗe. Wo nii min kalkirta miilooji bonɗi,

Efeesunkooɓe 5:16

Wakkati laatiiɗo fuu, ngaɗon ko nafata, sabo jamaanu hannden o wo bonɗo.

Efeesunkooɓe 5:6

Taa fay gooto hiilira on haalaaji ɓoli, sabo hono majji caabotoo tikkere Laamɗo e dow saliiɓe ɗum ɓeen.

Koloosiyankooɓe 4:12

Epafara, gollanoowo Iisaa Almasiihu oon, ina jowta on. Kanko du e mooɗon o jeyaa. Wakkati fuu imo tinnii e du'aare saabe mooɗon faa ndaroɗon, laatoɗon hiɓɓuɓe, faa tannyoron muuyɗe Laamɗo fuu, njokkon ɗe.

Yaakuuba 4:7

Ndelle, njaɓanee Laamɗo. Calanoɗon Ibiliisa, ndeen dillan to mooɗon law.

1 Piyeer 4:1

Almasiihu yarii torra ley ɓanndu muuɗum. Ndelle onon du kooƴon anniya hono no makko ni, cegilanoɗon torra. Sabo si neɗɗo torraama ley ɓanndu fu, seedii e hakkeeji.

Holleede 3:10

A haybii ko njamirmaami ɗuum, a munyii sanne. Saabe ɗum, mi reenete e wakkati nde ɓillaare warata hora adunaaru faa ndaartindoo yimɓe fuu.

Holleede 6:17

Sabo nyannde tikkere maɓɓe mawnde ndeen yottake. Moy waawi daɗude?