Efeesunkooɓe 6:10 - Dewtere Laamɗo Fulfulde Burkina Faso

¹⁰ Walaa ko heddii si wanaa wiide on keewon semmbe e ley kawtal mooɗon e Joomiraaɗo, tiigoɗon baawɗe makko mawɗe ɗeen.

Efeesunkooɓe 6:10 ပူးပေါင်းရင်းမြစ်များ

1 Kabaaruuji Laamiiɓe 28:10

Ndaar joonin kaa, Joomiraaɗo suɓake ma faa nyiɓaa suudu seniindu. Ndelle semmbinɗin ɓernde maaɗa, ngaɗaa gollal ngaal. Ndeen Daawda holli Suleymaana no nyiɓirta suudu Joomiraaɗo nduun.

1 Kabaaruuji Laamiiɓe 28:20

Ndelle Daawda wi'i ɓiyum Suleymaana: — Semmbinɗin ɓernde maaɗa, laatoɗaa cuusuɗo de ngollaa. Taa kulaa, taa ɓernde maaɗa diwna sabo Laamɗo Joomiraaɗo, Laamɗo am oon wondan e maaɗa. O tottitataako ma, o yoppataa ma faa nde gollal suudu makko ngaal fuu timmi.

1 Korintunkooɓe 16:13

Kakkilon, ndaroɗon faa wooɗa ley goonɗinal. Laatoɗon suusuɓe, ɓeydoroɗon semmbe.

2 Korintunkooɓe 13:11

Wooɗi, ko cakitotoomi wi'ude sakiraaɓe, ceyoɗon. Kegintinee nguurndam mon faa wooɗa, njaɓee waajeede, njogee miilo wooto, mbuuree e jam. Ndeen, Laamɗo jom njinngu e jam wondan e mooɗon.

Efeesunkooɓe 1:19

paamon katin no baawɗe makko mawɗe ɗe ngalaa kaaddi ɗeen ngorri e meeɗen, enen goonɗinɓe. Baawɗe keewɗe semmbe ɗeen

Efeesunkooɓe 3:16

Miɗo ŋaaroo mo kanko jom teddeengal manngal oon o semmbinɗina ɓerɗe mooɗon saabe Ruuhu makko Ceniiɗo.

Fillitagol 31:23

Ndeen Joomiraaɗo hokki Yoosuwa ɓii Nuun jamirooje ɗee, wi'i ɗum: — Semmbinɗin ɓernde maaɗa, laatoɗaa cuusuɗo sabo wo aan nannata Israa'iila'en leydi ndi kuniimi mi hokkan ɗum'en ndiin. Miin e hoore am mi wondan e maaɗa.

Filipiyankooɓe 3:1

Ko heddii fu, sakiraaɓe am, ceyoree Joomiraaɗo. Fay si miɗo winndana on ko mbinndannoomi on arande, ɗum tampintaa kam, wooɗi, iɗum reena ɓerɗe mooɗon onon du.

Filipiyankooɓe 4:13

Miɗo waawi fuu e ley kawtal am e Iisaa Almasiihu kokkoowo kam semmbe oon.

Filipiyankooɓe 4:8

Joonin kaa sakiraaɓe, miilooji mooɗon keddoo dow goonga, e ko teddi, e ko fonnditii, e ko senii, e ko foti yiɗeede, e ko leeɓi. Kakkilanee ko moƴƴi, e ko jeyi maneede fuu.

Koloosiyankooɓe 1:11

Miɗen nyaaganoo on Laamɗo katin hokka on semmbe mawɗo fodde baawɗe muuɗum tedduɗe ɗeen, faa tawreɗon tinnitaare e munyal fuu.

2 Timote 2:1

Ndelle aan ɓiyam, ɓeydu semmbe ley moƴƴere wonnde e Iisaa Almasiihu ndeen.

2 Timote 4:17

Ammaa Joomiraaɗo darodake e am, hokki kam semmbe faa mi gooyna waaju muuɗum faa yottoo, de lenyi fuu nana. Nii woni no kisiniraami e hunnduko laddeeru.

Yoosuwa 1:9

Wanaa miin yamiri ma cemmbinɗinaa hoore maa, cemmbinɗinaa ɓernde maa du naa? Taa accu kulol nannge, sabo miin Joomiraaɗo, Laamɗo maaɗa miɗo wondi e maaɗa nokku fuu to njahataa.

1 Piyeer 3:8

Ko jokkiti dey, on fuu laatee hakkillo wooto, moƴƴunduron, njiɗunduron njinngu sakiraagu, njurmunduree, leeƴinkinoɗon.

1 Piyeer 4:11

Kaaloowo ley kawrital fuu, ina haani haalude haalaaji Laamɗo. Golloowo fuu, ina haani gollirde semmbe mo Laamɗo hokki ɗum oon. Ɗum fuu wo faa Laamɗo teddinee e ley huunde fuu, teddiniree saabe Iisaa Almasiihu. Wo teddeengal e baawɗe ngoodan Iisaa Almasiihu faa abada abadin! Aamiina.

1 Piyeer 5:10

Nde torraɗon faa ɓooyti seeɗa fu, Laamɗo jom hinney fuu, nodduɗo en faa ngonden e teddeengal muuɗum duumiingal ley kawtal Iisaa Almasiihu, kam hiɓɓinta on. Kam darnata on, sellina ɓerɗe mon, tabintina on.

1 Yuhanna 2:14

Sukaaɓe, ko mbinndanammi on dey, sabo oɗon anndi Baabiiwo. Baabiraaɓe, ko mbinndanammi on dey, sabo oɗon anndi Gonɗo gilla e fuɗɗoode oon. Jokolɓe, ko mbinndanammi on dey, sabo oɗon njogii semmbe, konngol Laamɗo ngool ina woni e mooɗon, katin du on njaalake Bonɗo oon.

1 Samuwiila 23:16

Ndeen Yonatan ɓii Sawulu ummii yehi Hores to Daawda, faa walla ɗum heɓa semmbe to Laamɗo.