Efeesunkooɓe 5:2 - Dewtere Laamɗo Fulfulde Burkina Faso

² Mbuurdon e yiɗundurde, no Almasiihu yiɗiri en de hokkitiri hoore muuɗum saabe meeɗen laatanii en kirsamaari, hono sadaka belɗo Laamɗo.

Efeesunkooɓe 5:2 ပူးပေါင်းရင်းမြစ်များ

Fuɗɗoode 8:21

Joomiraaɗo nani uurngol mbelngol, de wi'i ley miilo mum: — Mi huɗataa adunaaru saabe ɓii-Aadama katin, sabo ɓernde muuɗum ina anniyoo ko boni gilla wo cukalel. Mi halkataa ko wuuri fuu katin hono no ngaɗunoomi noon.

Wurtagol 29:18

Mbulaa ɗum fuu dow sakkirde ndeen. Wo ɗum sadaka buleteeɗo, dokkal ngal uurngol muuɗum weli Joomiraaɗo.

Wurtagol 29:25

Ndeen, njaɓaa ɗum e juuɗe maɓɓe, mbuldaa ɗum e njawdiri ndiin dow sakkirde ndeen. Ɗum laatoo sadaka mo uurngol muuɗum weli Joomiraaɗo. Wo ɗum sadaka bulanteeɗo Joomiraaɗo.

Lewinkooɓe 1:13

Kujje reedu e kolce mayri lootee de almaami wula ɗum'en dow mayre. Wo ɗum sadaka buleteeɗo, dokkal ngal uurngol muuɗum weli Joomiraaɗo.

Lewinkooɓe 1:17

Ndu feccee hakkunde, tawa ndu seedaay de almaami wula ndu dow leɗɗe dekiiɗe dow yiite sakkirde ndeen. Wo ɗum sadaka buleteeɗo, dokkal ngal uurngol muuɗum weli Joomiraaɗo.

Lewinkooɓe 1:9

Kujje reedu e kolce mayri fuu lootee de almaami wula ɗum'en dow sakkirde ɗoon. Wo ɗum sadaka buleteeɗo, dokkal ngal uurngol muuɗum weli Joomiraaɗo.

Lewinkooɓe 3:16

Almaami suurtina ɗum fuu dow sakkirde ndeen. Wo ɗum sadaka mo uurngol muuɗum weli Joomiraaɗo. Ko laati ɓellere fuu, wo ngeɗu Joomiraaɗo.

Amos 5:21

Miɗo wanyi iidiiji mooɗon ɗiin, iɗi nyiddinii kam, Mi yiɗaa nanande kawrite mon ɗeen katin.

Limle 7:21

O waddi du, ngaari e njawdiri e jawgel ngel ndunngu ngootu gaɗeteengel sadaka buleteeɗo,

Matta 20:28

Noon du, Ɓii Neɗɗo waraay faa gollanee, ammaa warii faa gollana yimɓe, de hokka yonki muuɗum faa laatoo coottitaari ndimɗinoori heewɓe.

Yuhanna 13:34

Miɗo hokka on yamiroore heyre: njiɗunduree! Hono no njiɗirmi on ni, onon du njiɗunduron noon.

Yuhanna 6:51

Miin woni nyaamdu wuurnooru ƴuurundu dow kammu. Si neɗɗo nyaamii nyaamdu nduun fu, wuuran faa abada. Nyaamdu ndu kokkammi nduun wo terɗe am, faa yimɓe adunaaru keɓa nguurndam.

Romankooɓe 15:16

laataade gollanoowo Iisaa Almasiihu e ley yimɓe ɓe nganaa Alhuudiyankooɓe. Ko mbaajotoomi Kabaaru Lobbo oon ɗuum wo gollal ceniingal faa ɓe nganaa Alhuudiyankooɓe ɓeen laatoo sadaka belɗo Laamɗo mo Ruuhu Ceniiɗo senini.

Romankooɓe 4:25

O hokkitiraama, o maayi saabe lutti men, de o iirtinaa faa ndaardeɗen fonnditiiɓe.

Romankooɓe 8:3

Ko Tawreeta Muusaa waawaayno waɗude saabe lokkaaku ɓalli men, wo ɗuum Laamɗo waɗi. O nuli Ɓiyiiko e ley tagaadi nanndundi e ɓiɓɓe-Aadama jom'en hakkeeji ɓeen faa itta hakke. E ley tagaadi ndiin o jukkii hakke golloowo e ley ɓalli men.

Romankooɓe 8:37

Ammaa e ley majjum fuu, saabe jiɗɗo en oon, eɗen ɓuri fay jaalotooɓe.

1 Korintunkooɓe 16:14

Ko ngaɗoton fuu, ngaɗiron ɗum njinngu.

1 Korintunkooɓe 5:7

Laaɓinee ko'e mon, itton rabilla kiiɗɗo oon hakkunde mooɗon, faa laatoɗon conndi keyri ndi walaa rabilla. Wo ɗuum ngonɗon du, sabo jawgel meeɗen iidi Faltagol ngeel hirsaama, ɗum woni Almasiihu.

2 Korintunkooɓe 2:14

Ammaa jettooje ngoodanii Laamɗo kokkoowo en jaalagol wakkati fuu saabe kawtal meeɗen e Almasiihu. Laamɗo hokkii min saakude anndal Almasiihu nokku fuu hono no uurdi mbelndi ni.

2 Korintunkooɓe 2:15

Sabo si goonga, wo min uurdi ndi Almasiihu sakkanta Laamɗo. Uurngol ngool yottake hisinteeɓe e halketeeɓe fuu.

2 Korintunkooɓe 8:9

Sabo oɗon anndi moƴƴere Joomiraaɗo meeɗen Iisaa Almasiihu: kam jom jawdi oon, waɗii hoore muuɗum talkaajo saabe mooɗon faa laatoroɗon joomiraaɓe jawdi talkaaku muuɗum nguun.

Galaatiyankooɓe 1:4

Almasiihu hokkitirii hoore muuɗum saabe hakkeeji men, faa danna en e jamaanu bonɗo o. Nii o waɗiri muuyɗe Laamɗo Baaba meeɗen.

Galaatiyankooɓe 2:20

Mi wuuraa miin e hoore am katin, wo Almasiihu wuuri ley am. Nguurndam neɗɗo ɗam mbuurammi joonin ɗam, e ley goonɗinal Ɓii Laamɗo mbuurammi ɗam, kanko jiɗɗo kam de hokkitiri hoore muuɗum saabe am oon.

Efeesunkooɓe 1:4

Sabo fadde adunaaru ndu e joƴƴineede, Laamɗo suɓake en saabe Almasiihu, faa laatoɗen seniiɓe ɓe ngalaa feloore yeeso makko. Saabe njinngu makko

Efeesunkooɓe 3:17

Miɗo ŋaaroo Almasiihu wona e ley ɓerɗe mooɗon saabe ko ngoonɗinɗon ɗum. Miɗo ŋaaroo mo katin o darna on e ley njinngu, o tabintina on ley maggu.

Efeesunkooɓe 3:19

de anndon ɗum faa keewon kiɓɓal Laamɗo.

Efeesunkooɓe 4:15

Ko laatotoɗen dey, haalooɓe goonga e ley njinngu. Noon waɗata de mawnen e ley huunde fuu faro Almasiihu, laatiiɗo hooreejo oon.

Efeesunkooɓe 4:2

tawdeɗon e leeƴinkinaare e heese e munyal. Munyunduron e ley njinngu.

Efeesunkooɓe 5:15

Ndelle, ngaɗon hakkillo faa sanne no mbuurdoton, tawee wanaa no fuuyɓe ni, ammaa hono no jom'en hakkillo ni.

Efeesunkooɓe 5:25

Onon worɓe, njiɗiree deekiraaɓe mooɗon no Almasiihu yiɗiri kawrital goonɗinɓe ngaal de hokkitiri hoore muuɗum saabe maggal

Fillitagol 27:6

Nyiɓiron sakkirde ndeen kaaƴe ɗe cehaaka. Wo dow mayre cakkanton Joomiraaɗo, Laamɗo mooɗon sadakaaji buleteeɗi.

Filipiyankooɓe 4:18

Ko nelduɗon e junngo Epaforodit ɗuum yottake faa wooɗi, humtii haajuuji am fuu. Mi heɓii faa heewi. Dokkal mon ngal laatake urdi mbelndi, hono sadaka belɗo jaɓaaɗo to Laamɗo.

Koloosiyankooɓe 3:14

E ley ɗuum fuu, ɓerɗe mooɗon keewa njinngu, sabo njinngu wo kam haɓɓunduri huunde fuu faa wooɗi.

1 Tesaloniyankooɓe 4:9

Walaa ko min mbinndana on dow njinngu hakkunde sakiraaɓe, sabo onon e ko'e mooɗon, Laamɗo anndinii on no njiɗundurton.

1 Timote 2:6

Kam hokkiti hoore muuɗum faa rimɗina yimɓe fuu. Ley wakkati mo Laamɗo darnunoo, ɗum laatake seedaaku kolloowu Laamɗo na yiɗi yimɓe fuu kisa.

1 Timote 4:12

Taa fay gooto yawe saabe njokollaaku maa. Ammaa laatanoɗaa goonɗinɓe alhaali lobbo e ley haala maa e nguurndam maa, ley njinngu maa e goonɗinal maa, e ley laaɓal maa.

Titus 2:14

Kam hokkitiri yonki muuɗum saabe meeɗen, faa rimɗina en e ko boni fuu, laamna en, laatoɗen lenyol muuɗum, tinniingol e gollude golleeji lobbi.

Ibraninkooɓe 8:3

Almaami fuu ina suɓoraa faa yottina to Laamɗo sadakaaji nyaamri e kirsamaaji. Ɗum le, tilay Iisaa laatantooɗo en Almaami Mawɗo oon du heɓa huunde faa yottina.

Ibraninkooɓe 9:14

Ndelle walaa ko haali haala ƴiiƴam Almasiihu ɗaam! E baawɗe Ruuhu duumiiɗo oon, Almasiihu hokkii hoore muuɗum Laamɗo no kirsamaari ndi walaa laru. Ɗum waɗi de ƴiiƴam makko laaɓinan miilooji ɓerɗe meeɗen e golleeji jaarooji en to maayde, faa ndewen Laamɗo Buurɗo oon.

Ibraninkooɓe 9:23

Kulle ɗeen ngoni nate kollitooje kulle gonɗe dow kammu ɗeen, iɗe kaajaa laaɓinireede ƴiiƴam daabaaji. Ammaa kulle kammunkooje ɗeen, kam'en kaa ina kaajaa sadakaaji ɓurɗi noon woodde.

Ibraninkooɓe 9:26

Si tawiino noon fu, Almasiihu torreteno kile keewɗe gilla e fuɗɗoode adunaaru faa joonin, ammaa ɗum laatoraaki noon. O ɓangii nde wootere tan faa abada faro timmoode wakkatiiji, faa o itta hakkeeji yimɓe saabe ko o hokkitiri hoore makko hono no kirsamaari ni.

1 Piyeer 4:8

Ko artii ɗum fuu, njiɗunduron sanne, sabo njinngu na sudda hakkeeji keewɗi.

1 Yuhanna 3:16

Inan no anndirten ko woni njinngu: Almasiihu hokkitirii yonki muuɗum saabe meeɗen. Ndelle enen du, eɗen njeyi hokkitirde yonkiiji meeɗen saabe sakiraaɓe men.

1 Yuhanna 3:23

Yamiroore makko wo goonɗinde Iisaa Almasiihu Ɓiyiiko oon, e yiɗundurde hono no o yamiri en ni.

Holleede 1:5

Wo on keɓu moƴƴere e jam ƴuuruɗe to Iisaa Almasiihu, seedee koolniiɗo, artiiɗo iirtineede hakkunde maayɓe, dawranoowo kaanankooɓe adunaaru ndu. Kam yiɗi en de haɓɓiti en e hakkeeji meeɗen saabe ƴiiƴam muuɗum ndufaaɗam.

Holleede 5:9

Heddii iɓe njima jimol kesol, iɓe mbi'a: «Aɗa foti e jaɓude dewtere ndeen de takkitaa takkanɗe uddiraaɗe nde, sabo a hirsanooma. E ƴiiƴam maa coottirɗaa ƴuuruɓe e lenyi fuu e ɗemle fuu e siyiiji yimɓe fuu e laamorɗe fuu faa ɓe njeydaa e Laamɗo.