Efeesunkooɓe 5:15 - Dewtere Laamɗo Fulfulde Burkina Faso

¹⁵ Ndelle, ngaɗon hakkillo faa sanne no mbuurdoton, tawee wanaa no fuuyɓe ni, ammaa hono no jom'en hakkillo ni.

Efeesunkooɓe 5:15 ပူးပေါင်းရင်းမြစ်များ

2 Samuwiila 24:10

Caggal ko Daawda tilii e limgal yimɓe ɗuum, ɓernde mum sunii, wi'i Joomiraaɗo: — Mi waɗii hakke mawɗo ley ko ngollumi ɗuum. Joonin Joomiraaɗo miɗo nyaage, ittaa feloore am miin maccuɗo maaɗa. Ko ngaɗumi ɗuum wo puuyndam mawɗam.

Ayuuba 2:10

Ammaa Ayuuba wi'i mo: — Aɗa haalira hono debbo puuyɗo! Nde Laamɗo hokkunoo en ko wooɗi ndeen en njaɓii, de hokka en ko boni de caloɗen naa? E ley ɗuum fuu, Ayuuba waɗaay hakke ley haala mum.

Wurtagol 23:13

Ngaɗon ko mbi'umi on ɗuum wooɗi du, taa noddon allaaji feere, taa fay inɗe majji nanee e kunnduɗe mooɗon.

Banndi 14:8

Hakkillo caruɗo na holla ɗum to jeyi yahude, de puuyndam puuyɗo kaa, majjinan ɗum.

Banndi 15:21

Puuyndam na weli mo walaa hakkillo, jom paamal kaa, yaadu mum na dartii.

Matta 10:16

— Kettindee! Miɗo nula on hono wo on baali hakkunde pobbi ni. Ndelle, ƴoƴiron hono bolle, wooɗi newroɗon hono buugaali du.

Matta 25:2

Njoyo maɓɓe ngalaa hakkillo, njoyo maɓɓe du ina ngoodi hakkillo.

Matta 27:24

Ndeen Pilaatu yi'i walaa ko waawi, tawi du muurtere ina ummoo. O hooƴi ndiyam, o looti juuɗe makko yeeso yimɓe ɓeen, o wi'i ɓe: — Miin kaa, baka am walaa e rufugol ƴiiƴam gorko o. Wo onon ɗum woodani.

Matta 27:4

O wi'i ɗum'en: — Mi luttii ko njambiimi mo walaa feloore ɗuum! Ɓe njaabii mo, ɓe mbi'i: — Ko jomi min? Wo aan ɗum woodani.

Matta 8:4

Caggal ɗuum, Iisaa wi'i mo: — Tinna taa kaalanaa ɗum fay gooto. Ammaa yahu holloy hoore maa almaami, ngaɗaa sadaka mo Muusaa yamiri oon, faa faamina ɓe a daɗii.

Luuka 24:25

Ndeen Iisaa wi'i ɓe: — Hey onon famɗuɓe hakkillo! Ɓerɗe mooɗon njaawaa goonɗinde ko annabaaɓe kaali fuu!

1 Korintunkooɓe 14:20

Sakiraaɓe, taa laatoɗon hono cukaloy e ley hakkillooji mooɗon. Laatoɗon ɓe ngalaa bonanda hono cukaloy, ammaa e ley hakkillooji mon laatoɗon mawɓe.

Galaatiyankooɓe 3:1

Hey Galaatiyankooɓe, oɗon pamɗi hakkillo koy! Moy dabii on dabare nde? On cifanaama faa laaɓi tal no Iisaa Almasiihu tontiraa e leggal palaangal.

Galaatiyankooɓe 3:3

Ko saabii oɗon pamɗiri ni hakkillo? On puɗɗirii semmbe Ruuhu Laamɗo oon, de joonin kaa oɗon njiɗi timminirde e semmbe terɗe mon naa?

Efeesunkooɓe 5:2

Mbuurdon e yiɗundurde, no Almasiihu yiɗiri en de hokkitiri hoore muuɗum saabe meeɗen laatanii en kirsamaari, hono sadaka belɗo Laamɗo.

Efeesunkooɓe 5:33

No waawi laatoraade fuu, gorko fuu yiɗira deekum no yiɗiri hoore muuɗum ni. Debbo du teddina gorum.

Filipiyankooɓe 1:27

Ko laatii fuu, mbuuree nguurndam kawroojam e Kabaaru Lobbo haala Iisaa Almasiihu. Ndeen si mi warii mi ndaarii on, naa si mi waraay fu, mi nanan kabaaru mooɗon, mi faaman oɗon keddii e anniya gooto, oɗon ndarodii gootum e haɓɓaade e goonɗinal Kabaaru Lobbo oon.

Koloosiyankooɓe 1:9

Saabe ɗuum, minen du, gilla min nani ɗum, min celaay nyaaganaade on Laamɗo. Miɗen ŋaaroo mo o hebbina on hakkilantaaku e paamal ngal Ruuhu hokkata ngaal, faa paamon ko woni muuyɗe makko faa wooɗa.

Koloosiyankooɓe 4:5

Laatee hakkilante'en hakkunde yimɓe ɓe ngoonɗinaay ɓeen. Wakkati laatiiɗo fuu, tawdeɗon e seedaaku lobbu.

1 Tesaloniyankooɓe 5:15

Tinnoɗon taa fay gooto yomnitoo ko boni dow ko boni. Wakkati fuu piloɗon waɗundurde ko wooɗi, ngaɗanon yimɓe fuu hono noon.

1 Timote 6:9

Ammaa yiɗuɓe jawdi sanne ɓeen jarribete. Ɓe caaman e ley tuugol, e ley muuyɗe keewɗe laaliiɗe majjinooje, joolooje yimɓe e ley halkere mawnde.

Ibraninkooɓe 12:25

Ndelle tinnee taa calanoɗon Kaaldoowo e mooɗon oon. Sabo salinooɓe cappanɗo ɗum'en dow leydi ga ɓeen ndaɗaay, sakko enen si en calanake cappanoowo en gonɗo dow kammu oon.

Yaakuuba 3:13

Si jom hakkillo e paamal ina woni hakkunde mooɗon fu, hollira ɗum joonnde saahiinde e golleeji gaɗiraaɗi heese e hakkilantaaku.

1 Piyeer 1:22

Ɗowtaare mooɗon goonga laamnii ɓerɗe mooɗon heɓa njiɗon sakiraaɓe mon goonɗinɓe, tawee naafikaaku fuu walaa. Ndelle njiɗunduree njinngu manngu dow ɓerɗe laaɓuɗe.

Holleede 19:10

Kippiimi e leydi to koyɗe makko faa mi sujidana mo, ammaa o wi'i kam: — Taa waɗu! Miin du wo mi maccuɗo hono maaɗa, aan e sakiraaɓe maa tiigiiɓe seedaaku ngu Iisaa waddi nguun. Sujidan Laamɗo! Sabo seedaaku ngu Iisaa waddi nguun, ɗum pay laatii annabaaku.