Efeesunkooɓe 4:31 - Dewtere Laamɗo Fulfulde Burkina Faso

³¹ Ittee mettorgal fuu e ɓerɗe mooɗon, celon konnaagu e tikkere e duko e nyoore, kam e ko boni fuu.

Efeesunkooɓe 4:31 ပူးပေါင်းရင်းမြစ်များ

Fuɗɗoode 27:41

Ɓernde Isuwa wanyi Yaakuuba saabe barke mo bammum barkini ɗum oon. Isuwa anniyii, wi'i: — Maayde baaba am ɓadake, caggal ɗuum, mi waran sakiike am Yaakuuba.

Fuɗɗoode 37:21

Ammaa nde Ruben nannoo ɗum fu, danni mo e juuɗe maɓɓe, wi'i: — Taa en mbara o!

Fuɗɗoode 37:4

Mawniraaɓe ɓeen nji'i no o yiɗiri Yuusufi faa ɓuri ɓiɓɓe makko fuu. Saabe ɗuum de kiri Yuusufi, ɓe kunngii haaldude ɗum e jam.

Fuɗɗoode 4:8

Kayiinu haaldi e minyum Haabiila, de ɓe njaadi ley ngesa. Wakkati ɓe ngonnoo ley ngesa ndeen, Kayiinu hippii minyum Haabiila oon, wari ɗum.

2 Samuwiila 13:22

Absalom kaa haaldaay e Amnon fay huunde, de o wanyirii ɗum saabe bonanda mo waɗi sakiike makko Tamar oon.

2 Samuwiila 19:27

O jaabii, o wi'i: — Joomam kaananke, golloowo am Siba oon hiilii kam. Aɗa anndi wo mi bonnguujo. De miin maccuɗo maaɗa, mi wi'i Siba hirkinana kam araawa am faa mi waɗɗoo nga, mi jokke.

2 Samuwiila 19:43

Worɓe Yahuuda fuu njaabii, mbi'i worɓe Israa'iila ɓeen: — Wo saabe kaananke na jeydaa e amin sanne. Ko waɗi ɓernuɗon huunde nde? Yalla kaananke kam wuurni min naa? Yalla o hokkii min dokke naa?

Banndi 10:12

Nganyaandi na ummina hamre, de njinngu kaa, na sudda feloore fuu.

Banndi 10:18

Cuuɗoowo nganyaandi wo penoowo, cankitoowo nyoore du wo puuyɗo.

Banndi 14:17

Mo walaa munyal na waɗa puuyndam, mo dabareeji bonɗi du wanyete.

Banndi 18:8

Haala nyo'oowo wo nyaamdu welndu, diƴƴooru faa ley reedu nanoowo ka.

Banndi 19:12

Tikkere kaananke, wo bojji laddeeru, moƴƴere muuɗum du, saawandere dow huɗo.

Banndi 25:23

Hono no kammu ɓalinirta lettugal de toɓa, noon hunnduko nyo'oowo ɓawlinirta geese.

Banndi 26:20

Si leɗɗe timmii yiite nyifan, si naafiki walaa, hamre feewan.

Banndi 29:22

Ɓernoowo law na ummina hamre, na ɗuuɗina hakke mum du.

Banndi 29:9

Si jom hakkillo yeddondirii e puuyɗo, puuyɗo oon feekoto, jalan, geddim timmataa.

Banndi 6:19

ceedootooɗo mo fewre hoyi to mum. Jeɗɗaɓerde ndeen woni: aawoowo hamre hakkunde banndiraaɓe.

Tindinoowo 7:9

Taa njaawaa ɓernude sabo ɓernugol tawataakenaa e ɓernde puuyɗo.

Golle Nelaaɓe 21:30

Jirkitaango ngoon huuɓi ngalluure ndeen. Yimɓe ina njaltira tatteeji ɗiin fuu. Ɓe nanngi Pool, ɓe ndaasi ɗum faa ɓe mburtini ɗum suudu dewal mawndu nduun, de ɓe ommbi dammbuɗe ɗeen wakkati oon law.

Romankooɓe 3:14

«Kunnduɗe maɓɓe ina keewi kuddi e haalaaji mettuɗi.»

1 Korintunkooɓe 14:20

Sakiraaɓe, taa laatoɗon hono cukaloy e ley hakkillooji mooɗon. Laatoɗon ɓe ngalaa bonanda hono cukaloy, ammaa e ley hakkillooji mon laatoɗon mawɓe.

1 Korintunkooɓe 5:8

Ndelle, teddinen iidi ndiin, de wanaa e rabilla kiiɗɗo mo hakke e bonanda oon teddinirten. Ammaa teddiniren ndi buuru mo walaa rabilla, buuru laaɓal e goonga.

2 Korintunkooɓe 12:20

Si mi warii to mooɗon fu, miɗo hula taa mi tawra on no mi muuyraay, onon du tawron kam no on muuyraay. Miɗo hula taa mi tawda on e kalala e kiram mbonɗam e tikkere e yidde hoorem tan e nyiŋundural e nyoore e mawninkinaare e muurtere.

Galaatiyankooɓe 5:20

e dewal tooruuji e ndaggadaaku e nganyaandi e kalala e kiram e tikkere e yidde hoorem tan e luural e rafi kawral

Efeesunkooɓe 4:22

Ndelle, ittee ko hiiɗɗi ko woni ley mooɗon ɗuum, njoppee nguurndam mooɗon arandejam ɗam muuyɗe kiilooje ɗaam.

Efeesunkooɓe 4:25

Ndelle, celon fewre, mono fuu haalda e gondo muuɗum goonga, sabo mono e meeɗen fuu ina jeydaa e goɗɗo no terɗe neɗɗo gooto njeydiraa ni.

Efeesunkooɓe 4:26

Si on ɓernii fu, taa ngaɗee hakke. Taa janal naange tawdu on e tikkere.

Koloosiyankooɓe 3:19

Onon worɓe, njiɗee deekiraaɓe mooɗon, taa tinnanon ɓe.

Koloosiyankooɓe 3:8

De joonin kaa, njoppee kulle ɗee ɗo fuu: tikkere e nyanngere e nganyaandi. Taa mbonkoɗon, taa kaalon haalaaji nyiddiniiɗi.

1 Timote 3:11

Hono noon rewɓe du tawree teddeengal. Taa ɓe laatoo mbonkotooɓe yimɓe, de ɓe laatoo nanngitiiɓe, hoolniiɓe e ley huunde fuu.

1 Timote 3:3

Taa o laatoo jaroowo doro, naa kaɓeteeɗo. De o laatoo newiiɗo, jom heese. O wanaa pilotooɗo ceede.

1 Timote 5:13

Katin du, iɓe mboowtina ko'e maɓɓe jaayre. Iɓe naata suudu ndu ɗo, ɓe mburtoo ɓe naata ndu to. De wanaa ɗuum tan, ammaa ɓe laatoto heewɓe haala du, haaltooɓe ko iidinta noppi. Iɓe kaala haalaaji ɗi ngalanaa ɓe.

2 Timote 2:23

Mboɗɗoɗaa jeddi puuyɗi laaliiɗi. Aɗa anndi wo luural tan ɗi ngaddata.

2 Timote 3:3

Ɓe laatoto yoorɓe ɓerɗe. Ɓe njaafataako, ɓe mbonkoto yimɓe, ɓe nyakorete nanngitaare. Ɓe laatoto ɓawluɓe yonki, wanyuɓe ko wooɗi.

Titus 1:7

Sabo hooreejo kawrital goonɗinɓe, wo golle Laamɗo o halfinaa. Ndelle ina tilsi joomum tawee walaa feloore, wanaa mawninkiniiɗo, wanaa jaawɗo ɓernde, wanaa jaroowo doro, wanaa kaɓeteeɗo, wanaa nyaamoowo riba.

Titus 2:3

Rewɓe nayeeɓe du mbuurda e senaare, taa ɓe laatoo mbonkotooɓe yimɓe, taa ɓe acca doro jaaloo ɓe. Ɓe laatoo faaminooɓe ko wooɗi,

Yaakuuba 1:19

Sakiraaɓe am horsuɓe, paamon: neɗɗo fuu yaawa hettindaade, de taa yaawa haalude, taa yaawa tikkude.

Yaakuuba 3:14

Kaa si tawii kiram kaaɗɗam naa yidde hoorem tan woni e ɓerɗe mooɗon, taa mantoroɗon on jom'en hakkillo. Ɗum woni yeddude goonga.

Yaakuuba 4:11

Sakiraaɓe, taa fay gooto mooɗon mbuyka banndum. Neɗɗo fuu mbuykuɗo banndum naa sarii ɗum, mbuykii jamirooje Laamɗo ɗeen, sarake jamirooje ɗeen. Si a sarake jamirooje du, a ɗowtantaako ɗe, a waɗii hoore maa carotooɗo.

1 Piyeer 2:1

Saabe majjum, njoppon ko boni fuu: jamba e naafikaaku e haasidaaku e nyoore fuu.

1 Yuhanna 3:12

En kaanaa wa'ude hono Kayiinu jokkuɗo Ibiliisa bonɗo, baruɗo minyum oon. Ɗume waɗi de o wari ɗum? O wardii ɗum saabe golleeji makko wo bonɗi, de golleeji minyiiko ɗiin kaa wo lobbi.

1 Yuhanna 3:15

Neɗɗo fuu banyuɗo sakiike muuɗum na waɗa war-hoore. Oɗon anndi nguurndam nduumiiɗam walanaa gaɗoowo war-hoore.

Holleede 12:10

Ndeen nanumi daande toownde ƴuurunde dow kammu, ina wi'a: «Joonin kisindam Laamɗo meeɗen yottake! Semmbe e laamu muuɗum njottake! Laamu ina woni e hawju Almasiihu! Sabo peloowo sakiraaɓe meeɗen, peloowo ɓe to Laamɗo jemma e nyalooma oon, riiwaama dow kammu.