Efeesunkooɓe 2:4 - Dewtere Laamɗo Fulfulde Burkina Faso

⁴ Ammaa Laamɗo wo keewɗo yurmeende. Saabe njinngu manngu ngu o yiɗi en nguun,

Efeesunkooɓe 2:4 ပူးပေါင်းရင်းမြစ်များ

Nehemiya 9:17

Ɓe ɗowtanaaki ma, ɓe njeggiti maandeeji kaayniiɗi ɗi ngaɗanɗaa ɓe, ɓe cattini ɓerɗe maɓɓe. Ley muurtere maɓɓe, ɓe cuɓanii ko'e maɓɓe ardotooɗo ɓe, faa ɓe yecco ley maccungaaku nder leydi Misira. Ammaa aan, wo a Laamɗo jaafotooɗo, a jom yidde e yurmeende e munyal e moƴƴere. Fay nde ɓe ngaɗannoo ko'e maɓɓe ngaari kaŋŋe de ɓe mbi'i kayri woni alla maɓɓe burtinɗo ɓe leydi Misira, maa du, nde ɓe ngaɗunoo golle bonɗe, a yoppaay ɓe kamɓe tan.

Wurtagol 33:19

Joomiraaɗo wi'i Muusaa: — Mi waɗan moƴƴere e hinney am fuu paltoo yeeso maaɗa, ndeen mi innda innde am wi'eteende «Joomiraaɗo» yeeso maaɗa faa nanaa. Mi hollan hinney am mo kinnotoomi, yurmeende am du mo njurmotoomi.

Yuunusa 4:2

O waɗi du'aare to Joomiraaɗo, o wi'i: — Yaa Joomiraaɗo, wanaa kanjum mbi'unoomi gilla mi dillaay leydi am naa? Ɗum waɗi ndoggirmi Tarsis law. Sabo miɗo anndi wo a Laamɗo keewɗo moƴƴere e yurmeende, a jom munyal, keewɗo njinngu, a accitoowo nulude halkere.

Luuka 1:78

Saabe Laamɗo meeɗen wo keewɗo yurmeende, Jayngol ƴuurungol dow ina wara to meeɗen,

Romankooɓe 10:12

Joonin, walaa ko senndi Alhuudiyanke e mo wanaa Alhuudiyanke. Ɓe fuu Joomii ɓe wo gooto, kam woni kebbinoowo moƴƴereeji muuɗum e noddooɓe ɗum ɓeen fuu.

Romankooɓe 2:4

Naa a jawɗo moƴƴuki Laamɗo mawki kiin, kam e munyal muuɗum e heese muuɗum naa? Yalla a faamaay moƴƴuki muuɗum ina yaare faa tuubaa?

Romankooɓe 5:8

Ammaa Laamɗo hollii no yiɗiri en ko Almasiihu maayanii en gilla en luttuɓe.

Romankooɓe 9:23

O waɗirii noon du faa o ɓangina keewal darja makko dow ɓe o yurmotoo ɓeen, ɓe o segilanii gilla ko ɓooyi faa ngonda e darja makko.

Efeesunkooɓe 1:7

E kawtal meeɗen e muuɗum en ndimɗinaama saabe ƴiiƴam muuɗum, en njaafanaama lutti meeɗen saabe keewal makko hinney.

Efeesunkooɓe 2:7

Hono nii o ɓanginirta no hinney makko ɓurdi huunde fuu mawnude. Jamaanuuji garooji ɗiin fuu nji'an moƴƴuki makko ki o waɗani en e Iisaa Almasiihu.

Efeesunkooɓe 3:8

Miin ɓurɗo seniiɓe ɓeen fuu famɗude oon, mi hokkaama moƴƴere faa mi waajoo yimɓe ɓe nganaa Alhuudiyankooɓe barkeeji gonɗi e Almasiihu ɗi ngalaa haddu ɗiin.

2 Tesaloniyankooɓe 2:13

Sakiraaɓe ɓe Laamɗo horsini, minen kaa, tilay min njetta Laamɗo wakkati fuu saabe mooɗon, sabo Laamɗo suɓake on gilla fuɗɗoode faa hisina on. Ko o hisini on ɗuum, Ruuhu Ceniiɗo waɗi on seniiɓe, on ngoonɗini goonga oon.

1 Timote 1:14

Moƴƴere Joomiraaɗo heewii kam sanne, hokki kam goonɗinal e njinngu taweteengu e Iisaa Almasiihu.

2 Timote 1:9

Kam hisini en, noddi en faa laatoɗen yimɓe muuɗum seniiɓe. Wanaa saabe golle men o noddiri en, ammaa wo saabe anniya makko e hinney makko. O hokkirii en hinney oon e kawtal Iisaa Almasiihu gilla jamaanuuji puɗɗaay.

1 Piyeer 1:3

Jettooje ngoodanii Laamɗo Baaba Joomiraaɗo meeɗen Iisaa Almasiihu. Dow yurmeende makko mawnde o hokki en rimteede kesum saabe ummitagol Iisaa Almasiihu e hakkunde maayɓe, faa keɓen jikke celluɗo.