Efeesunkooɓe 2:14 - Dewtere Laamɗo Fulfulde Burkina Faso

¹⁴ Sabo kanko Almasiihu woni jam meeɗen ko o waɗi Alhuudiyankooɓe e lenyi goɗɗi fuu lenyol gootol ɗuum. Nde o hokkitinnoo hoore makko ndeen, o liɓi kokuwol paliingol hakkunde meeɗen ngool, ɗuum woni o ittii nganyaandi hakkunde lenyi ɗiin.

Efeesunkooɓe 2:14 ပူးပေါင်းရင်းမြစ်များ

Ester 3:8

Haman wi'i kaananke Jerjes: — Na woodi lenyol feerewol ngol yimɓe muuɗum cankiti ley leyɗe laamu maaɗa fuu. Finaatawaa maɓɓe na seedi e heddiiɓe fuu. Wooɗi du, ɓe njaɓataa waɗude ko aan kaananke njamirɗaa. A haanaa accude ɓe ɓe njooɗoo e jam.

Luuka 1:79

faa yaynana wonɓe ley nimre e kulol maayde, de rewna koyɗe men dow laawol jam.

Luuka 2:14

— Manngu woodanii Laamɗo faa dow kammuuli, dow leydi du jam woodanii yimɓe ɓe o horsini.

Yuhanna 10:16

Miɗo jogii baali goɗɗi katin ɗi ngalaa ley hoggo ngoon. Ɗiin du sanaa mi wadda ɗi. Ɗi kettindoo daande am, ɗi fuu ɗi laatoo coggal gootal, duroowo gooto.

Yuhanna 11:52

De wanaa lenyol ngool tan o maayanta. Ko o maayanta dey wo ɓiɓɓe Laamɗo sankitiiɓe ɓeen fuu faa o hawrundura ɗum'en laatoo gootum.

Yuhanna 16:33

Mi haalanii on ɗum, faa keɓon jam ley gondal am. Ley adunaaru ndu on keɓan torra, ammaa cemmbinee ɓerɗe mon, sabo miin, mi jaalake adunaaru ndu!

Golle Nelaaɓe 10:28

O wi'i ɓe: — Oɗon anndi daganaaki Alhuudiyanke jokkundura e mo wanaa Alhuudiyanke, naa weerande ɗum. Ammaa Laamɗo hollii kam taa mi ndaarda fay gooto karmuɗo naa tuunɗo.

Golle Nelaaɓe 10:36

Oɗon anndi konngol ngol Laamɗo nuldi ɓiɓɓe Israa'iila ngool. Konngol lobbol ngool na holla jam na heɓiree saabe Iisaa Almasiihu, kam woni Joomiraaɗo yimɓe fuu.

Romankooɓe 5:1

Ko keɓuɗen ndaardeede fonnditiiɓe saabe goonɗinal ɗuum, waɗii jam hakkunde meeɗen e Laamɗo saabe Joomiraaɗo men Iisaa Almasiihu.

Galaatiyankooɓe 3:28

Ndelle, walaa katin ko senndata Alhuudiyanke e mo wanaa Alhuudiyanke, naa dimo e diimaajo, naa gorko e debbo, sabo on fuu wo on gootum e ley kawtal mooɗon e Iisaa Almasiihu.

Efeesunkooɓe 2:15

O ittii jamirooje e kaɗaaɗi Tawreeta Muusaa fuu faa o waɗa Alhuudiyankooɓe e lenyi goɗɗi laatoo lenyol gootol kesol e ley kawtal maɓɓe e makko. Nii o waɗiri jam oon.

Efeesunkooɓe 2:17

O warii waajaade on jam, onon woɗɗunooɓe e Laamɗo ɓeen, o warii waajaade ɓadinooɓe ɓeen du jam.

Efeesunkooɓe 3:15

Lenyi gonɗi dow kammu e gonɗi e leydi fuu ƴuurii e makko, kanko woni baaba majji ɗi fuu.

Efeesunkooɓe 4:16

Kanko waddani ɓanndu nduun fuu nanngundurde faa wooɗa saabe jokkule ɗe ndu hokkaa ɗeen. Hono noon, si tergal fuu gollii golle muuɗum, ndeen ɓanndu nduun mawnan, yaha yeeso ley njinngu.

Koloosiyankooɓe 1:20

de rewrintiniri huunde fuu e muuɗum saabe Almasiihu, waɗi jam saabe ƴiiƴam makko ndufaaɗam dow leggal palaangal. Ko woni dow kammu e ko woni dow leydi fuu rewrintinaama e makko.

Koloosiyankooɓe 2:20

On maaydii e Almasiihu, on mburtinaama e tindinooje adunaaru ndu ɗeen. Ndelle, ɗume waɗi de oɗon mbuurda no jeyaaɓe e adunaaru ndu ni? Ɗume waɗi de oɗon njaɓa tindineede:

Koloosiyankooɓe 3:11

Ndelle joonin, walaa ko senndi hakkunde Alhuudiyanke e mo wanaa, naa hakkunde taadiiɗo e mo taadaaki, naa mo janngaay, naa baanyaaru, naa diimaajo, naa dimo. Sabo Almasiihu woni fuu, kam woni e maɓɓe ɓe fuu.

Koloosiyankooɓe 3:15

Accon jam Almasiihu oon laamoo miilooji mooɗon, sabo Laamɗo noddii on faa ngondon e jam laatoɗon ɓanndu wooturu. Njetton Laamɗo.

Ibraninkooɓe 13:20

Laamɗo jom jam, kam iirtini Joomiraaɗo meeɗen Iisaa, duroowo baali mawɗo oon, iirtinii mo saabe ƴiiƴam makko tabintinoojam amaana duumiiɗo oon.

Ibraninkooɓe 7:2

Ibrahiima hokki mo sappoɓerde e huunde fuu ko heɓoynoo e wolde ndeen. Maanaa innde Malkisedek woni: «kaananke ponnditiiɗo». Katin du wo o kaananke Salaam. Ɗum na fiirta «kaananke jam».