Ayuuba 42:8 - Dewtere Laamɗo Fulfulde Burkina Faso

⁸ Joonin, sanaa kooƴon ga'i jeɗɗi e jawɗi jeɗɗi, de njahon to maccuɗo am Ayuuba, cakkon ɗi, ɗi laatanoo on sadaka buleteeɗo. Ayuuba maccuɗo am waɗana on du'aare, miin du mi jaabanto mo du'aare makko taa mi jukkoroo on fodde puuyndam mon, sabo on kaalaay goonga dow am, hono no maccuɗo am Ayuuba noon.

Ayuuba 42:8 ပူးပေါင်းရင်းမြစ်များ

Fuɗɗoode 20:17

Ibrahiima nyaagii Laamɗo, de Laamɗo danni Abimelek e deekum e horɓe mum, de ɓe keɓi ɓeyngu.

Fuɗɗoode 20:7

Joonin kaa, hokkitin gorko oon deekum, sabo o annabaajo. O du'ante heɓa mbuuraa. Ammaa si a hokkitaay mo fu, tennyoraa a maayan, aan e jeydaaɓe maa fuu.

1 Kabaaruuji Laamiiɓe 15:26

Wo e mballa Joomiraaɗo Lewinkooɓe mbaawiri ndonndii keesuwal ngaal. Saabe ɗuum de ɓe cakki ga'i jeɗɗi e jawɗi jeɗɗi.

Ayuuba 1:5

Nde ɓe timminta jeɗɗiire weltaareeji fuu, Ayuuba nelanan ɓe ɓe ngara faa sena ɓe. Ndeen o dawa, o sakkana mono e maɓɓe fuu sadaka buleteeɗo, o wiitoo: — Hasii ɓiɓɓe am ngaɗii hakke, kuɗii Laamɗo ley ɓerɗe muɓɓen. Noon Ayuuba waɗirta wakkati weltaare maɓɓe fuu.

Ayuuba 1:8

Joomiraaɗo ƴami mo, wi'i: — Yalla a faamanii maccuɗo am Ayuuba naa? Si goonga hono muuɗum walaa ley adunaaru. Wo neɗɗo laaɓuɗo, dartiiɗo, kulɗo kam, bosiiɗo ko boni fuu.

Ayuuba 22:30

Fay jom feloore du hisinte saabe dartaare maaɗa.

Ayuuba 35:8

Bone mo ngaɗuɗaa oon wo neɗɗo hono maaɗa tan hewti, dartaare maa du wo ɓii-Aadama tan nafi.

Ayuuba 42:9

Ndeen Elifas Teemankeejo oon e Bildat Suhankeejo e Sofar Naamankeejo njehi ngaɗowi hono no Joomiraaɗo wi'iri ɗum'en. Joomiraaɗo du jaabii du'aare nde Ayuuba waɗani ɗum'en ndeen.

Wurtagol 18:12

Yetiro esoo Muusaa oon waddani Laamɗo sadaka buleteeɗo e dokke. Ndeen Haaruuna e mawɓe Israa'iila fuu ngari nyaamdi e esoo Muusaa yeeso Laamɗo.

Limle 23:1

Balaama wi'i Balak: — Nyiɓanaa kam kirsirɗe jeɗɗi, wooɗi du, cegilanoɗaa kam ga'i jeɗɗi e jawɗi jeɗɗi.

Limle 23:14

O yaari Balaama dow waamnde Pisiga to nokku reenooɓe, o nyiɓi kirsirɗe jeɗɗi dow mayre. O waɗi ngaari e njawdiri sadaka buleteeɗo dow hirsirde fuu.

Limle 23:29

Balaama wi'i mo: — Nyiɓanam kirsirɗe jeɗɗi de cegilanoɗaa kam ga'i jeɗɗi e jawɗi jeɗɗi.

Matta 3:17

Wakkati oon du, daande ƴuuri dow kammu, wi'i: — O woni Ɓiyam mo korsinmi, mo ceyortoomi.

Efeesunkooɓe 1:6

faa o yettiree moƴƴere makko mawnde nde walaa kaaddi! O hokkii en moƴƴere ndeen saabe Ɓiyiiko korsuɗo oon.

2 Timote 4:14

Alesandere baylo oon waɗii kam ko naawi kam sanne. Joomiraaɗo yoɓan mo ko fotata e golle makko.

Ibraninkooɓe 10:4

Sabo ƴiiƴam ga'i e damɗi ɗaam waawaa ittude hakkeeji fey.

Ibraninkooɓe 7:25

Saabe ɗuum, imo waawi hisinde ɓattoriiɓe Laamɗo saabe makko ɓeen kisindam kiɓɓuɗam. Imo waawi hisinde ɓe sabo imo wuuri faa abada, imo surana ɓe to Laamɗo.

Yaakuuba 5:14

Yalla won nyawɗo e mooɗon naa? O nodda mawɓe kawrital goonɗinɓe, de ɓe ndu'anoo mo, ɓe ngatta nebbam dow hoore makko e innde Joomiraaɗo.

Yaakuuba 5:16

Ndelle, kaalton hakkeeji mooɗon hakkunde mooɗon, ngaɗunduron du'aare, yalla oɗon cellinee. Du'aare neɗɗo ponnditiiɗo ina jogii baawɗe waɗude kulle mawɗe.

1 Yuhanna 5:16

Ndelle, si won jiiɗo sakiike muuɗum ina waɗa hakke mo waddantaa ɗum maayde, o nyaaganoo ɗum Laamɗo, Laamɗo du hokkan ɗum nguurndam. De na woodi hakke gaddoowo maayde. Mi wi'aay nyaagoroɗon saabe hakke oon.

1 Yuhanna 5:6

Oon woni Iisaa Almasiihu garduɗo e ndiyam e ƴiiƴam. Wanaa e ndiyam tan o wardi. O wardii e ndiyam e ƴiiƴam fuu. Wo Ruuhu seedotoo ɗum, sabo Ruuhu oon woni goonga.

Holleede 3:9

Haya, mi neldete jeyaaɓe e kawrital rewooɓe Seyɗaani wiitotooɓe wo Alhuudiyankooɓe tawee ɓe fenooɓe, ɓe nganaa. Mi doolɗan ɓe ɓe ngara ɓe cujidowa to koyɗe maa. Ndeen ɓe paaman mi yiɗii ma.

1 Samuwiila 25:35

Ndeen Daawda jaɓi e junngo makko ko o waddunoo ɗuum de wi'i: — Hootu e jam. Paamaa, mi nanii ko mbiiɗaa, mi hokkete ko ŋaariɗaa.