4 Haalaaji maaɗa ɓantii pergiiɗo, a semmbinɗinii mo koppi muuɗum lokkiɗi.
Nananɗo kam fuu wi'an mi barkinaaɗo, jiiɗo kam du seedanto kam kabaaru lobbo.
Mi suɓanake ɓe laawol, laatiimi hooreejo maɓɓe, miɗo jooɗii hono laamiiɗo hakkunde konunkooɓe muuɗum, laataniimi ɓe du hono baaltinoowo woyooɓe.
Si goonga, a ekintinii ɗuuɗɓe, a semmbinɗinii ɓe ngalaa semmbe.
De joonin kaa torra o warii e maaɗa, iɗum metti ma. O hewtii to maaɗa, de mbemmbiɗaa.
Haala kaaliraaka fuunyaare na yuwa hono laɓi, de ka jom hakkillo kaa na sawra.
Haala kegitiika na nanndi e koɗol kaŋŋe ngol toɓɓe cardi.
Joonin kaa, ko ɓuri woodde dey: njaafoɗon mo, cellinon ɓernde makko taa mettorgal ɓernde jaaloo mo.
Ammaa Laamɗo cellinoowo ɓerɗe suniiɓe oon, sellinirii ɓerɗe amin e garol Tiitu.
Miɗen nyaagoo on, sakiraaɓe, cappanon jaayɓe, mbaaltinon ɓerɗe hulɓe, mballon lokkaaɓe, tawdeɗon e munyal hakkunde yimɓe fuu.
Ndelle tinnee, cemmbinɗinon juuɗe mooɗon tampuɗe ɗeen e koppi mon ɗi ngalaa semmbe ɗiin.