Ayuuba 32:8 - Dewtere Laamɗo Fulfulde Burkina Faso

⁸ Ammaa ko hokkata neɗɗo paamal wo ruuhu, wo foofaango Jom Baawɗe.

Ayuuba 32:8 ပူးပေါင်းရင်းမြစ်များ

Fuɗɗoode 41:38

Fira'awna wi'i: — Yalla en keɓan neɗɗo mo Ruuhu Laamɗo woni e muuɗum hono gorko o naa?

Fuɗɗoode 41:39

Fira'awna haali katin wi'i Yuusufi: — Saabe ko Laamɗo anndini ma ɗuum, walaa fuu goɗɗo gooduɗo hakkillo e faamu hono ma.

1 Kaanankooɓe 3:12

Ndelle, mi hokkete ko ŋaariɗaa. Inan, mi hokkete ɓernde hakkilnde wondunde e caral faa laatoo hono maaɗa waɗaayno yeeso maaɗa, waɗataa caggal maaɗa du.

1 Kaanankooɓe 3:28

Israa'iila'en fuu nani kabaaru no Suleymaana taƴiri sariya oon. Ɓe fuu ɓe teddiniri mo kulol, sabo ɓe annditi imo saroroo hakkillo ƴuurungo to Laamɗo.

1 Kaanankooɓe 5:9

Laamɗo hokki Suleymaana hakkillo e paamal manngal, hokki mo du anndal faa walaa haddi. Kujje ɗe o woodi anndal muɓɓen na ɗuuɗiri hono njaareendi maayo.

Ayuuba 12:13

Ammaa anndal e baawɗe fuu wo to makko ƴuurata, dabare e paamal to makko ngoni.

Ayuuba 12:16

Semmbe e dabare hakkillo to makko tawaa, boofinɗo e boofinaaɗo fuu wo kanko jeyi.

Ayuuba 27:3

si ni miɗo heddodii e yonki, si ni Laamɗo hokkii kam foofaango fu,

Ayuuba 33:16

ndeen o omtata noppi muɓɓen faa nana, o hulɓinira ɗum'en gonginooje,

Ayuuba 33:4

Wo Ruuhu Laamɗo tagi kam, foofaango Jom Baawɗe hokki kam yonki.

Ayuuba 35:11

Kam waɗi faa kulle ladde na njanngina en anndal, pooli du hakkillo.»

Ayuuba 38:36

Moy anndini duule golle muɓɓen? Moy faamini beɗi kammu no kuuɓirta dow?

Banndi 2:6

Sabo wo Joomiraaɗo hokkata hakkillo, anndal e paamal du to makko ƴuurata.

Banndi 20:27

Yonki tagaaɗo wo lampal ngal Joomiraaɗo hokki, ingal taarta ko woni nder makko fuu.

Tindinoowo 2:26

Laamɗo na hokka ɗowtaniiɗo ɗum hakkillo e anndal e seyo, ammaa gaɗoowo ko boni oon o ronndii ɗum gollal ɓoɓtude jawdi faa hokka kuloowo Laamɗo. De ɗuum du fuu wo ɓolum, wo riiwude henndu.

1 Korintunkooɓe 12:8

Imo hokka ooɗo haala hakkilanteeha, o hokka ooto haala kebbinaaka anndal.

2 Timote 3:16

Binndi ceniiɗi fuu ƴuurii e poofaali Laamɗo. Nafaa majji wo jannginde, e ɓanginde boofi, e dartinde e ekintinde neɗɗo dow laawol fonnditaare

Yaakuuba 1:5

Ndelle, si gooto mooɗon hakkillo muuɗum nyakii fu, ŋaaro Laamɗo, heɓan. Sabo Laamɗo wo kokkoowo yimɓe fuu faa wooɗa, tawa feldaay joomum ko ŋaarii ɗuum.