Ayuuba 2:4 - Dewtere Laamɗo Fulfulde Burkina Faso

⁴ De Ibiliisa jaabii, wi'i: — Ay! Yonki kam yoɓata yonki! Neɗɗo hokkan ko woodi fuu faa hisina yonki muuɗum.

Ayuuba 2:4 ပူးပေါင်းရင်းမြစ်များ

Fuɗɗoode 47:17

Ɓe ngaddi daabaaji maɓɓe to Yuusufi, pucci e dammuuli e na'i e araaji, de kam du hokki ɓe nguurey. Hitaande ndeen ɓe kokki mo daabaaji maɓɓe fuu faa ɓe keɓa nguurey.

Fuɗɗoode 47:19

Yalla min maayan yeeso maa naa? Leydi amin wanaa faa'e. Coodaa min minen e leydi amin ndiin fuu, de kokkaa min nguurey. Min laatoo maccuɓe Fira'awna, o hawjoo leydi amin ndiin du. Hokku min aawdi faa min mbuura, taa min maaya, taa leydi amin laatoo ɓoldi.

1 Kaanankooɓe 20:31

Maccuɓe makko mbi'i mo: — Hettinda, min nani kaanankooɓe Israa'iila wo jom'en yurmeende. Ndelle accu min ɓornoo bootooji, min piila ko'e amin ɓoggi faa min kolla mettorgal ɓerɗe amin de min njottowo to kaananke Israa'iila oon. Na hasii ndeen o yoppante yonki maaɗa.

Ayuuba 2:3

Ndeen Joomiraaɗo ƴami mo, wi'i: — Yalla a faamanii maccuɗo am Ayuuba naa? Mo hono muuɗum walaa ley adunaaru, wo neɗɗo laaɓuɗo, dartiiɗo, kulɗo kam, bosiiɗo ko boni fuu. Imo heddodii e laaɓal makko faa joonin, fay ko ngaɗɗaa mi halka mo ɓolum ɗuum fuu.

Ayuuba 2:5

Ammaa si a foortii junngo maa, a meemii ɓanndu makko fu, tannyoral o wurtoto e njaayri, o huɗe.

Banndi 13:8

Jawdi neɗɗo na waawi rimɗinde yonki mum, de talkaajo kaa hillaaka e yanooɓe.

Matta 16:26

Ɗume heɓude adunaaru ndu fuu nafata neɗɗo, si mursii yonki muuɗum? Yalla ina woodi ko neɗɗo waawi hokkitirde faa danna yonki muuɗum naa?

Matta 6:25

Ɗum le, miɗo wi'a on: taa kaɓɓu-ko'u wona e mooɗon e dow nguurndam mon – ko nyaamoton e ko njaroton. Taa ɓalli mooɗon du kaɓɓu on ko'e e ko ɓornotoɗon. Sabo nguurndam ina ɓuri nyaamdu, ɓanndu du ina ɓuri koltal, naa wanaa?

Luuka 12:23

Sabo nguurndam ina ɓuri nyaamdu, ɓanndu du ina ɓuri koltal.

Yoosuwa 9:24

Ɓe njaabii Yoosuwa, ɓe mbi'i: — Inan ko saabii min ngaɗiri noon: Si goonga min nanii Joomiraaɗo, Laamɗo maa yamirii maccuɗo muuɗum Muusaa hokka on leydi ndi fuu, halka jooɗiiɓe ley mayri fuu yeeso mooɗon. Wooɗi min kuliino on sanne, min kulaniino yonkiiji amin du. Ɗum saabii de min ngaɗiri noon.