Ayuuba 2:3 - Dewtere Laamɗo Fulfulde Burkina Faso

³ Ndeen Joomiraaɗo ƴami mo, wi'i: — Yalla a faamanii maccuɗo am Ayuuba naa? Mo hono muuɗum walaa ley adunaaru, wo neɗɗo laaɓuɗo, dartiiɗo, kulɗo kam, bosiiɗo ko boni fuu. Imo heddodii e laaɓal makko faa joonin, fay ko ngaɗɗaa mi halka mo ɓolum ɗuum fuu.

Ayuuba 2:3 ပူးပေါင်းရင်းမြစ်များ

Fuɗɗoode 6:9

Inan kabaaru Nuuhu e ɓiɓɓe muuɗum. Nuuhu wo gorko ponnditiiɗo mo walaa feloore e hakkunde yimɓe jamaanu muuɗum. O jokkii laabi Laamɗo.

2 Samuwiila 20:20

Yo'ab jaabii wi'i: — Abada koy! Abada mi moɗataa, mi halkataa fay huunde!

Ayuuba 1:1

Ina woodunoo gorko gomma jeyaaɗo leydi Us bi'eteeɗo Ayuuba. Wo laaɓuɗo, dartiiɗo, kulɗo Laamɗo, bosiiɗo ko boni fuu.

Ayuuba 1:11

Ammaa si a foortii junngo maa, a halkii ko o woodi ɗuum fuu, tannyoral o wurtoto e njaayri, o huɗe.

Ayuuba 1:6

Wooɗi, nyannde gomma maleyka'en Laamɗo Joomiraaɗo kawriti yeeso muuɗum. Ibiliisa du wari ley kawrital ngaal.

Ayuuba 1:8

Joomiraaɗo ƴami mo, wi'i: — Yalla a faamanii maccuɗo am Ayuuba naa? Si goonga hono muuɗum walaa ley adunaaru. Wo neɗɗo laaɓuɗo, dartiiɗo, kulɗo kam, bosiiɗo ko boni fuu.

Ayuuba 13:15

Fay si laatii Laamɗo muuyan warude kam du, mi walaa jikke goɗɗo. E noon fuu, mi dardoto e makko mi holla miɗo woodi goonga.

Ayuuba 2:2

De Joomiraaɗo ƴami Ibiliisa: — Toy ƴuuruɗaa? Ibiliisa jaabii, wi'i: — Miɗo waancoo ley adunaaru, miɗo yaha nokkuuje fuu miɗo wara.

Ayuuba 2:4

De Ibiliisa jaabii, wi'i: — Ay! Yonki kam yoɓata yonki! Neɗɗo hokkan ko woodi fuu faa hisina yonki muuɗum.

Ayuuba 9:17

Kanko le, imo nelda kenhenam faa niisa kam, o hebbini ɓanndu am barme ɓolum.

Ayuuba 9:20

Fay si wo miin jeyi goonga, hunnduko am felan kam. Fay ko laatiimi laaɓuɗo, o wi'an mi oonyiiɗo.

Banndi 11:8

Ponnditiiɗo hisan ɓillaare, de bonɗo kaa, saaman ley toon.

Banndi 13:6

Fonnditaare na reena dartiiɗo, ammaa bone halkan bonɗo.

Banndi 14:2

Jaaroowo dartaare na hula Joomiraaɗo, de jom alhaali oonyiiɗo kaa, na yawii mo.

Banndi 15:8

Sadaka bonɓe na nyiddinii yeeso Joomiraaɗo, ammaa du'aare dartiiɓe na weli mo.

Banndi 16:17

Laawol goongalaaɓe na sela bone, deenɗo laawol mum hisan.

Yuhanna 9:3

Iisaa jaabii ɓe, wi'i: — Wanaa kanko lutti, wanaa saaraaɓe makko du. Ammaa ɗum waɗii faa baawɗe Laamɗo ɓanga e makko.

Filipiyankooɓe 3:12

Mi wi'aay mi heɓii ɗum gilla joonin naa mi kiɓɓuɗo, ammaa miɗo wondi e doggudu hono no daɗundurteeɗo ni, faa mi nannga ɗum. Sabo miin e hoore am, Iisaa Almasiihu artii, nanngi kam.

Yaakuuba 1:12

Barke woodanii neɗɗo fuu munyuɗo ley tiiɗallaaji ndaartindotooɗi ɗum. Sabo nde o ndaardaa o jarraaɗo ndeen, o teddinirte kufune mo Laamɗo aadii hokkude yiɗuɓe ɗum, ɗum woni nguurndam nduumiiɗam.

1 Piyeer 1:7

Torraaji ɗiin kollata goonɗinal mooɗon na selli. Hono no kaŋŋe taaynirtee e yiite faa ndaaree yalla wo dimo, onon du hono noon ndaartinorteɗon. Goonɗinal mooɗon du ina ɓuri kaŋŋe sabo kaŋŋe heddataako. Caggal oɗon munyi torra, on njettete, on keɓan darja e teddeengal nyannde Iisaa Almasiihu ɓangi.

1 Piyeer 5:10

Nde torraɗon faa ɓooyti seeɗa fu, Laamɗo jom hinney fuu, nodduɗo en faa ngonden e teddeengal muuɗum duumiingal ley kawtal Iisaa Almasiihu, kam hiɓɓinta on. Kam darnata on, sellina ɓerɗe mon, tabintina on.