Ayuuba 2:12 - Dewtere Laamɗo Fulfulde Burkina Faso

¹² Nde ɓe njottotonoo ndeen, ɓe kaynii mo to woɗɗi de ɓe annditaay mo. Ndeen ɓe ƴepti daaɗe maɓɓe ɓe mboyri semmbe, mono e maɓɓe fuu seeki kaddule muuɗum. Ɓe nokki leydi, ɓe paɗɗi dow, ndi saami dow ko'e maɓɓe.

Ayuuba 2:12 ပူးပေါင်းရင်းမြစ်များ

Fuɗɗoode 27:34

Nde Isuwa nannoo haalaaji bammum ɗiin fu, wulli wullaango manngo mettungo sanne, wi'i bammum: — Barkinam miin du baaba!

2 Samuwiila 13:36

Wakkati o timminnoo haala kaan ndeen, ɓiɓɓe kaananke worɓe ɓeen njottii. Ɓe ƴepti daaɗe maɓɓe, ɓe mboyi. Kaananke e maccuɓe mum fuu mboyi bojji cattuɗi.

Isira 9:3

Nde nannoomi ɗum fu, ceekumi saayo am e forgo am, ɗoofumi ngaasa hoore am, ɓorumi leeɓi waare am, njooɗodiimi e mettorgal ɓernde.

Nehemiya 9:1

Nyannde 24 lewru nduun, Israa'iilankooɓe kawriti, cuumii. Iɓe ɓornii bootooji, iɓe njoora leydi dow ko'e maɓɓe. Ɗum na holla mettorgal ɓerɗe maɓɓe.

Ester 4:1

Nde Mordakay faamunoo anniya oon fuu, seeki kaddule muuɗum, ɓornii bootooru, joori ndoondi dow hoore muuɗum de naati ley galluure ina woya bojji cattuɗi.

Ayuuba 1:20

Caggal Ayuuba nanii ɗum fu, ummii seeki kaddule muuɗum, femmbi hoore muuɗum, de hippii e leydi,

Ayuuba 19:14

Yimɓe wuro am njoppii kam, yigiraaɓe am njeggitii kam.

Yoosuwa 7:6

Yoosuwa e mawɓe Israa'iila ceeki kaddule muɓɓen, kippi geese muɓɓen yeeso keesuwal Joomiraaɗo, faa kiiral naange. Ɓe paɗɗi sollaare dow ko'e maɓɓe saabe mettorgal.

Holleede 18:19

Ɓe ndufan leydi dow ko'e maɓɓe no ɓe poti metteede. Ɓe mboyan, ɓe cunoo, ɓe mbulla, ɓe mbi'a: — Yoo yoy! Yoo yoy! Ngalluure mawnde ndeen, nde keewal danyal muuɗum hokki jogiiɓe laanaaji e ley maayo fuu jawdi, e ley wakkati gooto tan, nde halkii!

Ardiiɓe 2:4

Nde maleyka Joomiraaɗo haaldunoo e yimɓe Israa'iila haalaaji ɗiin fuu, jamaa oon fuu woyi bojji cattuɗi.

1 Samuwiila 11:4

Nelaaɓe ɓeen njehi Gibeya wuro Sawulu, ɓe kumpiti yimɓe haala kaan, de yimɓe fuu mbulli.

1 Samuwiila 30:4

Ndeen Daawda e worɓe mum ƴepti daaɗe muɓɓen, mboyi faa semmbe maɓɓe hantii.

1 Samuwiila 4:12

Gorko jeyaaɗo e lenyol Benjamin doggi ƴuuri wolde toon, wari to Siilo nyannde ndeen, kaddule muuɗum na ceekii, kusaw na woni dow hoore muuɗum.