Ayuuba 12:22 - Dewtere Laamɗo Fulfulde Burkina Faso

²² Imo wurtina ko suuɗii ley to ɓuri fuu niɓɓude, imo waɗa jayngol yayna ley nimre baleere kurum.

Ayuuba 12:22 ပူးပေါင်းရင်းမြစ်များ

2 Kaanankooɓe 6:12

Gooto maɓɓe jaabii mo wi'i: — Fay gooto gollidataa e makko, joomam. Wo annabi Elisey mo Israa'iila oon woodi baawɗe hollude kaananke muɓɓen ko ndabata fuu fay ley suudu ɗo mbaalata.

Ayuuba 11:6

Taweno o holle paamal cuuɗiingal, sabo ngal makko waawaa fonndeede, paamaa du sariya mo Laamɗo ittani ma hewtaay hakkeeji ɗi ngaɗɗaa.

Ayuuba 24:17

Iri ɓeen fuu, iɓe kiisoroo nimre ɓaleere ndeen hono annoora fajiri, ko hulɓinii ley nimre ɗuum du laatanii ɗum'en yigiiwo.

Ayuuba 3:5

Accu nimre niɓɓunde ɓaleere kurum jeyta nde, accu duule tekkuɗe ommba nde, accu ko niɓɓinta nyalooma hulɓina nde.

Ayuuba 34:22

Walaa nimre fay ɓurnde tekkude waawunde suuɗude waɗooɓe ko boni.

Amos 5:8

Taguɗo Ɗaccuki e Neɗɗooje, battitiroowo nimre tekkunde e pooyngol fajiri, gaɗoowo nyalooma niɓɓina laatoo jemma, noddoowo diyeele maayo de saaka ɗe dow leydi oon: Innde muuɗum wo Joomiraaɗo.

Matta 10:26

— Ndelle, taa kulee yimɓe. Walaa fuu ko suddii ko sudditataake, walaa ko suuɗii ko ɓangintaake.

Luuka 1:79

faa yaynana wonɓe ley nimre e kulol maayde, de rewna koyɗe men dow laawol jam.

1 Korintunkooɓe 2:10

Enen kaa, Laamɗo hollirii en ɗum Ruuhu muuɗum. Ruuhu oon ina tiima huunde fuu, fay ko luggi to Laamɗo.

1 Korintunkooɓe 4:5

Ndelle, taa caree fay gooto illa wakkati oon yottaaki, illa Joomiraaɗo waraay. Kam yaltinta ko suuɗinoo e nimre, kam ɓanginta anniyaaji ɓerɗe yimɓe. Nyannde ndeen, mono fuu heɓan to Laamɗo jettooje ɗe foti heɓude.