Ayuuba 1:5 - Dewtere Laamɗo Fulfulde Burkina Faso

⁵ Nde ɓe timminta jeɗɗiire weltaareeji fuu, Ayuuba nelanan ɓe ɓe ngara faa sena ɓe. Ndeen o dawa, o sakkana mono e maɓɓe fuu sadaka buleteeɗo, o wiitoo: — Hasii ɓiɓɓe am ngaɗii hakke, kuɗii Laamɗo ley ɓerɗe muɓɓen. Noon Ayuuba waɗirta wakkati weltaare maɓɓe fuu.

Ayuuba 1:5 ပူးပေါင်းရင်းမြစ်များ

Fuɗɗoode 22:3

Ibrahiima dawi gilla subaka kecco, seeli leɗɗe duppirteeɗe sadaka, rimndi araawa muuɗum de yaadi e gollooɓe muuɗum ɗiɗo e Isiyaaka ɓiyum oon. O yehi nokku to Laamɗo sifanii o oon.

Fuɗɗoode 6:5

Joomiraaɗo yi'i no ɓerɗe yimɓe poti ɓawlude ley adunaaru, e no miilooji bonɗi tan keewiri ley ɓerɗe muɓɓen wakkati fuu.

Fuɗɗoode 8:20

Nuuhu mahani Joomiraaɗo sakkirde. O itti ley daabaaji dagiiɗi e pooli dagiiɗi ɗiin fuu, o hirsi, o waɗi sadaka buleteeɗo dow sakkirde ndeen.

1 Kaanankooɓe 18:31

O adi kaaƴe 12 fodde limgal ɓiɓɓe Yaakuuba mo Joomiraaɗo wi'unoo: «Joonin Israa'iila laatoto innde maaɗa.»

1 Kaanankooɓe 21:10

Njoƴƴinon worɓe ɗiɗo jayɓe yeeso makko de mbi'on ɓe, ceedanoo mo feloore, mbi'a o bonkake Laamɗo e kaananke. Ndeen mburtinon mo de paɗɗon mo kaaƴe faa o maaya.»

1 Kaanankooɓe 21:13

Jaasuɓe ɗiɗo ɓeen ngari njooɗii yeeso makko de ceedanii mo feloore yeeso yimɓe wonɓe ɗoon fuu. Ɓe mbi'i: — Nabot bonkake Laamɗo e kaananke fuu. Caggal ɗuum, ɓe mburtini mo galluure ndeen de ɓe paɗɗi mo kaaƴe faa o maayi.

Nehemiya 12:30

Almaami'en e Lewinkooɓe ceni ko'e muɓɓen, ɓe ceni yimɓe heddiiɓe, de ɓe ceni dammbuɗe huɓeere ndeen e kokuwol piiliingol huɓeere ngool du.

Ayuuba 1:11

Ammaa si a foortii junngo maa, a halkii ko o woodi ɗuum fuu, tannyoral o wurtoto e njaayri, o huɗe.

Ayuuba 1:4

Wooɗi, ɓiɓɓe makko ina ngaɗannoo weltaareeji. No ɓe ngaɗirta hakkunde maɓɓe kamɓe jokolɓe njeɗɗo ɓeen dey, mono fuu hooƴan nyalaande ley jeɗɗiire fuu nde waɗee to wuro muuɗum. Ɓe kawritan to wuro neɗɗo oon, de ɓe mbaantoo sakiraaɓe maɓɓe rewɓe tato ɓeen, ɓe nyaama ɓe njara.

Ayuuba 2:9

Ndeen deekiiko wi'i mo: — Faa joonin aɗa heddii e laaɓal maaɗa ngaal naa? Huɗu Laamɗo de maayaa.

Ayuuba 27:10

Yalla o weltorto Jom Baawɗe naa? O noddan Laamɗo wakkati fuu naa?

Ayuuba 41:25

Hono maggal fuu walaa e ley adunaaru, wo ngal tagaangal ngal taganaaka kulol.

Ayuuba 42:8

Joonin, sanaa kooƴon ga'i jeɗɗi e jawɗi jeɗɗi, de njahon to maccuɗo am Ayuuba, cakkon ɗi, ɗi laatanoo on sadaka buleteeɗo. Ayuuba maccuɗo am waɗana on du'aare, miin du mi jaabanto mo du'aare makko taa mi jukkoroo on fodde puuyndam mon, sabo on kaalaay goonga dow am, hono no maccuɗo am Ayuuba noon.

Ayuuba 6:14

Torreteeɗo na haani yigoo mum holla ɗum hinney, si waɗaay noon fu na holla yoppii kulol Jom Baawɗe.

Ayuuba 8:4

Si ɓiɓɓe maaɗa luttii mo fu, wooɗi, o waɗii lutti maɓɓe nanngii ɓe joonin.

Wurtagol 18:12

Yetiro esoo Muusaa oon waddani Laamɗo sadaka buleteeɗo e dokke. Ndeen Haaruuna e mawɓe Israa'iila fuu ngari nyaamdi e esoo Muusaa yeeso Laamɗo.

Wurtagol 19:10

Joomiraaɗo wi'i Muusaa: — Yahu to yimɓe ɓeen, mbi'aa ɓe ɓe cenina ko'e maɓɓe hannden e jaango fuu. Ɓe lonna kaddule maɓɓe.

Wurtagol 24:5

Ndeen o waɗi jokolɓe nanngi kalahali, kirsi. Goɗɗi majji laatii sadakaaji bulanteeɗi Joomiraaɗo, goɗɗi du sadakaaji dewral.

Tindinoowo 9:10

Ko ngollataa ɗuum, ngolliraa ɗum semmbe maa, sabo saabeere to ponndiɗaa toon, golle ngalaa, dabare walaa, anndal walaa, hakkilantaaku du walaa.

Luuka 1:75

ndewen mo ley senaare e dartaare yeeso makko haddi nguurndam meeɗen fuu.

Luuka 18:7

De wanaa Laamɗo na walla suɓaaɓe muuɗum wullitotooɓe ɗum jemma e nyalooma ɓeen fuu faa ɓe keɓa sariya maɓɓe naa? O jaabataako ɓe law naa?

Yuhanna 11:55

Tawi iidi Alhuudiyankooɓe mbi'eteendi Faltagol ndiin ɓadake. Heewɓe e yimɓe leydi ndiin njehi Urusaliima faa laamna ko'e muɓɓen gilla iidi ndiin yottaaki.

Golle Nelaaɓe 21:26

Pool hooƴi worɓe ɓeen, yaadi e muɓɓen. Jaango majjum, o laamnidaa e muɓɓen laaɓal diina. O naati suudu dewal mawndu nduun, o haalani almaami'en ɓeen. O wi'i si nyalaaɗe laamnugol ɗeen kiɓɓii fu, mono e maɓɓe fuu waɗanee sadaka.

Golle Nelaaɓe 8:22

Tuubu, wurta e bonanda maa oon, nyaagoɗaa Joomiraaɗo yalla imo yaafe e anniya maa bonɗo oon.

1 Korintunkooɓe 4:5

Ndelle, taa caree fay gooto illa wakkati oon yottaaki, illa Joomiraaɗo waraay. Kam yaltinta ko suuɗinoo e nimre, kam ɓanginta anniyaaji ɓerɗe yimɓe. Nyannde ndeen, mono fuu heɓan to Laamɗo jettooje ɗe foti heɓude.

2 Korintunkooɓe 11:2

Miɗo joganii on kiram ƴuuruɗam to Laamɗo, sabo mi haɓɓii dewgal mooɗon e gorko gooto, ɗum woni Almasiihu. Miɗo yiɗi yaarude on to makko hono surbaajo laaɓuɗo.

Efeesunkooɓe 6:18

Wakkati fuu ngaɗon du'aawuuji e nyaagundeeji e ballal Ruuhu Ceniiɗo. Kakkilee taa on celu waɗande seniiɓe ɓeen fuu du'aare.

1 Samuwiila 16:5

Samuwiila jaabii wi'i: — Jam nii. Mi warii faa mi hirsana Joomiraaɗo. Laamnee ko'e mon de njaadon e am to kirsamaari. Ndeen o laamni Yesa e ɓiɓɓe muuɗum de o silminiri ɓe kirsamaari ndiin.